PONGAOPEIYU 19:4 - SHEEYU BAIBEL (BSI)

⁴ Tsümai kaidaitao ea hrikhaona adaitao nou kou kaoloua vebuh hinou chobua buyu Ramaiye sü tholoua paoe, “Amen! Hallelujah!”

PONGAOPEIYU 19:4 Iomraidhean Croise

1 PUOPAOKO 16:36

Israel maivei Ramai Mapao ye paosholo! Puhye teisa nou paosho-a bulo! Süthaisü mai hrülai nou “Amen” tea paoe, ae Mapao ye paosho-e.

NEHEMIAH 5:13

Süthaisü Enou avei khya phupfüa laiyu sah nasü phaloua nou poa süngaoa paoe, “Mai taralia chaachou soukhai touyu nasü pfüthoyu maiye sü Ramai nou haibüa sülai. Ramai nou puhvei ki ae navei buyu veishi sü polai khaiwua halia shokhai peilai moe.” Sühi buyu mai hrülai nou “Amen” tea paoe, ae Mapao ye paosho-e. Maikhe mai hai puletao nou chaachou soukhai touyu thaifüa soupeie.

NEHEMIAH 8:6

Ezra nou paoe, “Dushoyu Ramai Mapao ye paosho-e!” Mai hrülai nou bah laloua haibüa chila peie, “Amen! Amen!” Puletao nou takou khoukhü loua ae pah pfünakou loua ratho-e.

LOUTAO 104:35

Mahmo souyu maiye sü deiphao hinou souha laiwo; mai ashi maiye sü panou bupu khaiso. Arako, Mapao ye paosholo! Mapao ye paosholo!

LOUTAO 106:48

Israel maivei Ramai Mapao ye sü paosholo; puhye chua ae teisa nou paosholo! Mai hrülaiye sü “Amen!” tea panou paolo! Mapao ye paosholo!

LOUTAO 41:13

Israel maivei Ramai Mapao ye paosholo! Puhye teisa nou paosho-a bulo! Amen! Amen!

LOUTAO 72:19

Puhvei zhih aveih nasü teisa nou paosholo! Puhvei khouko ava nasü teideiphao veishi hi panou phoutao-a bulo! Amen! Amen!

LOUTAO 89:52

Mapao ye sü teisa nou paosholo! Amen! Amen!

JEREMIAH 28:6

“Khupa soure! Mapao nou haisü soupei shulai touyu Enou louchewe! Nenou paoyu sü Mapao panou souvete peiyu sü soulo, ae rathoki vei kinitao alia hukhamai soua nüpoa tayu mai hrülaiye sü panou sa-a dakhai veyu sü soupei theo.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

1 KORINTHMAI 14:16

Nenou rako hinou likhei Ramai hi kalo paoyu kisü, kabüa rako meime hinou lou zha ngaozhoa buyu maitalinou nevei kalo paoyu veachi hisü “Amen” tea paolai? Nenou paoa buyu hisü puhnou süloure ludu lia hae.

PONGAOPEIYU 15:7

Sükisü hrikhaona adai hrohinou alinou teisa nou hria buyu Ramai vei rarou nou phoutsü poa buyu sana pai anaitao sü popa rakivamai anaitao hi peie.

PONGAOPEIYU 19:1

Haithaisü rakivanou maisou alaovei pai-rao büyu kho alinou haibüa paoyu Enou choue, “Hallelujah! Khailu peiyu, adusho alia khoukosü Eletao Ramai veie!

PONGAOPEIYU 19:3

Süshoa puletao nou shapukhaie, “Hallelujah! Dushoyu nuhdu sünaye meidei-a buyu sühinou meikhaosu teisa nou khaopawe!”

PONGAOPEIYU 19:6

Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!

PONGAOPEIYU 5:14

Sükisü hrikhaona adaitao nou chila peie, “Amen!” Alia tsümaitao nou deiphinou kou kaoloua khurü loure.