PONGAOPEIYU 19:2 - SHEEYU BAIBEL (BSI)

² Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”

PONGAOPEIYU 19:2 Iomraidhean Croise

2 VEMAITO 9:7

Neye panou nevei paopu Ahab veo vei kihikha mai hrülaiye southalai, sübüa Jezebel nou avei rachipaola peiyu maitao ae avei kilai maitaoye southayu donou khüngu sü phouloulai.

LOUTAO 19:9

Mapao ye tsükhoulo, puh hai veisho-e; puh hai akhai ha-a nou sübüa bukoute-a bailai. Mapao nou chiku peiyu hai kao-a baiwe, puhnou chiku peiyu hai teisa nou cheche hisünou kupeia baiwe.

ISAIAH 25:1

Oh Mapao, ne hai avei Ramaie, Enou neye tsükhoulai alia ne zhih sü Enou paosho peilai. Daiolouzü nenou khupayu vah tyatyali soupeie, raichoki nou tsüchoda khaitouyu teitei sü nenou veikhai toumoa souvete peie.

DANIEL 7:26

Süthaisü rakiva chikuyu buh hinou puh pei hisü chikulai, alia puhvei khouko sü puh hinou polaiwulai alia puhye sü souhakhai touwulai.

PAODAKHAIYU CHIKHA 32:35

Khüphoure sü aveie, Enou puletao vei paozho khesü kha peilai; Puletao kaodu tare teile sü nghitei toure, ae puletao hakatare sü thashoa laire.

PAODAKHAIYU CHIKHA 32:4

“Mapao hai neletaoye vupeiyu Chuhdu nasüe, puhvei ludu teitei sü kaokhai toubaie. Neletao Ramai hai louchelou veiyu Ramai-e, Puh hi kaomoyu ali-a hae, kaozü süyu ae acheche sü puh-e.

PAODAKHAIYU CHIKHA 32:43

“Tyahrütao, neletao hai Mapao vei maitaoye paosholo, daiolouzü puhnou puhvei maitaoye southayu mai hisü khü phoupeiwe, ae puhye ngaobayu mai hisü pao rüpeiwe, alia puhvei maitao mah sü khaipeiwe.”

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

PONGAOPEIYU 18:3

Daiolouzü tahrüh khemai hrülainou puhvei khulou souyu vei chihshoyu zhaoh nasü shozhi loure. Deiphaohi vemaitao nou puhye koa khulou vah souloure, alia deiphao hi huh-ha souyu maitao nou puhvei loküyu kini sütao vanou hanisho loure.”

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”