PONGAOPEIYU 19:15 - SHEEYU BAIBEL (BSI)

¹⁵ Puhmü hinou haivei shoyu khocheli pawe ea sünanou poa puhnou tahrüh khemaitaoye sü koloulai. Puhnou puletaoye sü hu sü danou poa tukha-sahrülai, alia puhnou khoukhoulai Ramai vei rarou shoyu darkhadzü sühyu buh sü tailai.

PONGAOPEIYU 19:15 Iomraidhean Croise

LOUTAO 2:9

Nenou hu süda poloua puletaoye souphe peilai, nenou puletaoye nailee ali büa souphesasa peilai.”

ISAIAH 11:4

ana acheche hisü nou touha laimai vei chi sü kupeilai, alia veaho laimai vei zü sü vupa peilai. Puhvei kharochi hisü nou kaozü moyu maikheye sü tudei peilai, alia mai ashi maitao sü thaita-a bailai.

ISAIAH 30:33

Asaria maivei vedei pothou mei deire donou buh ali daoh raichoki nou souda khaitoure. Buh sünasü thou-a thoushoe ae du-a dushoa soukhaitoue, alia meideire süü hai-a alao soudawure. Mapao nou ssü haiyu meikei nou kou sünasü taoloulai.

JOEL 3:13

Kai polouo, daiolouzü dourou sü meire. Talou taidei khaio, daiolouzü darkha shithou khesü phoutao-a bure. Zhaochi sü phoutao-a külyare, daiolouzü puletao nou ashi vah souyu sü dushore.”

MALAKAI 4:6

Alia puo khemai lethou sü nah khemai hi thou peilai, ae nahkhemai lethou hisü puo khemai lethou hi dathou peilai, süku more toulouzü Enou ve teidei sü chaa nou souha bailai.

2 THESSALONIMAI 2:8

Alia süthaisü Mai Ashi nasü velai, ana Mapao Jisu nou veyu kisü puhnou puhye sü puh mü hinou payu puhvei ssünou southealai ea puhvei peivavayu zhu sünanou puletaoye sü souhalai.

PONGAOPEIYU 1:16

Puhbah zhoulo vahinou teivuh anai keipoa bue, alia puhmü hinou thai-jü hri pfüyu khoche ali pae, alia puh zhusü vavei shoyu heako hi teinghi va kue.

PONGAOPEIYU 12:5

Sükisü naotupai sünanou nah Poutumai ali naloure. Nah Poutu sünasü tahrüh hrülaiye hu südanou potukha-a sahrülaiyu pue. Ana nah sünaye saoposhu Ramai hi ea puhvei vebuh hi pokhe khaire.

PONGAOPEIYU 14:10

puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 19:21

Alia puhaivei reihmaitaoye sü rhei pfüyuna mü hinou payu khoche sünanou daothea khaire; alia raohou veishinou puletao vei vasousü toulousü touloua pou phoutsü loure.

PONGAOPEIYU 2:12

“Pergamam hi buyu lüloumaime vei rakivamai nahi rükhaio: “Chi haisü thai-jü hri pfüyu haivei shoyu khoche süna buyu puh chipaoe.

PONGAOPEIYU 2:16

Südonou ledalo! Sükumo louzü Enou nehi thala taveloua Amü hi buyu khoche sünanou puletao pei hisü reih zülai.

PONGAOPEIYU 2:27

alia lah E-a Apuo hinou khouko ngaolouyu sübüa puhnou puletaoye sü hu südanou poa tukha sahrülai ea puletaoye sü nai lee soukho sasayu kua soukhowulai,