PONGAOPEIYU 19:12 - SHEEYU BAIBEL (BSI)

¹² Puh nghithousü meikei büe, alia puh peiva hisü vepeirü taoli rüpfüe. Puhva hisü puhlah deinou kukhe mainou sükhaimoyu zhih ali rüpfülaie.

PONGAOPEIYU 19:12 Iomraidhean Croise

SHURAI 32:29

Jakob nou paoe, “Ne zhih-a ahi paokhaio.” Ana puhnou “Ne daisounou azhih sünüwe?” tea paowua puhnou buh sühinou Jakob ye shiha peie.

LOUTAO 8:5

Anou nenou puhye sü lah ne likheithe jünou khai-a soupeie; nenou puhye sü khouko ava ae khuhao nou peirü soua rüpeie.

TAPALOUYU 23:21

Puhnou paoyu chi zütou toulo. Neletao nou puh chi züba-a puhye dure toulouzü, neletao nou soumah khaitouyu khesü puhnou ali-a khaipeikhai toulai moe, daiolouzü puhye sü Enou seita-a baie.

TSÜCHITAO 30:4

Thaonou raki hi khewu-a khaikou louyu bue? Thaonou teikhaiye puh bah hinou pojü louyu bue? Thaonou sah hinou dzü beh louyu buge? Thaonou deiphao kainghou veishi soushu loue? Nenou sülouzü, puh zhih sü thaotoue? Puh nahpoutu sü thaoge?

SOLOMON VEI LOU 3:11

Oh Zion hi nah naotumai taore, takou veo Solomon ye zhukhaio. Puh hai puh pfünou puhvei shanghi souyu teithe, puhvei asayu teithe hi rüpeiyu vepeirü nasü rüpoa laire.

ISAIAH 62:3

Ne hai veishoyu vepeirü ali büa Mapao vei bah hinou bulai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

DANIEL 10:6

Puh pfüphao hai chuhva büwe, ae puh pah hai teireiyu büwe, puhvei nghithou hai meikei ali büe. Puhvei phibah hai souphou khaitouyu baosahu büwe alia puh pai hai mai soudu nou raoyu kho büe.

ZEKHARIAH 9:16

Süzhou teithe veyu phaki, Mapao nou puhvei maitao ye sü zhaokhowo nou kaozhou shihi loure zhaotu ye vupa peiyu büa vupa peilai. Puletao hai puletao vei teidei hinou vepeirü hi mutei chuh nanou vayu büa valai.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 21:5

“Zion nah naotupai hi paokhaio, zhukhaio, nevei veo sü nehi tavewe! Puhwo nataiwe ea rheisüh ali pfüwe alia rheisüh süsü toutoue.”

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:12

Enou puletaoye koa bubu kisü, nenou Ahi peikhai touyu nezhih süna khouko vanou Enou puletaoye khotou peire; sheeyu larübvü hinou paoyu nasü vetere donou ha-kare nahpoutu likhei baideinou puletao kukhe louzü mailia hamoe daiolouzü Enou puletaoye khotou peire.

EPHESAMAI 1:21

Khrista nou sühinou raki hilo buyu teidei khomaitao, soulousü zü bumaitao, khouko bumaitao ea paopumaitao pei hinou tukha-a bue; deiphao hainahi ea thaikhai vere deiphao vei khouko bumai hrülaitaovei zhih teitei jünou veikou shoyu puhzhih bue,

EBRIAMAI 2:9

Ana teile phajü donou rakivamaitao jünou naphoua soupeikhai touyu, alia sükua Ramai vei zhuvea vanou maikhemai hrülai donou thaipei loure Jisu ye sü chuwo Eletao nou puhnou athai vei veahoyu süna daolouyu vanou khouko avanou ea tsükhouyu sünanou veo peirü rüpei khaitouyu sü ngaoe.

PONGAOPEIYU 1:14

Puh peishu sü kaathou zhaotumai moa vüra kue, alia puh nghithousü meikei kue;

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.

PONGAOPEIYU 3:12

Reih kolouyu puhye sü Enou Aramaivei Rathokihi kikali panou soulai, alia süsü thaowu-a puhsü hakia takhai laimoe. Enou puh vahisü Aramai zhih ea rakiva Aramai hinou koulaiyu Aramaivei nuhdu, ashu Jerusalem zhihsü rukhai peilai, alia Enou puh vahisü Avei ashu zhihna-a rükhai peilai.

PONGAOPEIYU 6:2

Alia Enou zhuyu kisü Anghojü hinou rhei kaali buyu sü ngaoe. Süna phaovahi buyu puhsü louli powe, alia puh hisü veo peirü ali peikhaitoue. Puhnou reih koloure donou reih koloumai ali büa rhei nasü pfüa tapare.

CHIKUAPEI MAITAO 13:18

Mapao vei rakivamai nanou paoe, “Ne daisounou azhih sü nouwe? Azhih sü khupayu zhih-e.”