PONGAOPEIYU 19:10 - SHEEYU BAIBEL (BSI)

¹⁰ Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.

PONGAOPEIYU 19:10 Iomraidhean Croise

2 VEMAITO 17:36

Neletaoye Ejipt teidei hinou khupasoua sapa peiyu Mapao avei chi sü neletao nou zülai, neletao nou Eye likhei tho-a bailai ae Eye posheela peia bailai.

LOUTAO 45:11

Veo nou nevei hüveiyu sü ngaoloua thainülai; puh hai nevei paopue, südonou puhnou paoyu chi zülo.

TAPALOUYU 34:14

“Rah kukhe ali koute-a thosho, daiolouzü Mapao Avei zhih hai Ngaoraiwo touwe, ae E hai Ngaoraiyu Ramai nasüe.

DANIEL 2:46

Süthaisü Veo Nebukhadnezzar nou pei pfüna kouloua Danielye khurüe ae puhye kainüvei nou meideia posheela peio tea kharochi peie.

DANIEL 7:10

Alia puh nghoujü hinou mei nou küpoa tayu rei ali küpawe. Puhvei vebuh hisü mai thethe nou puhvei kuvah soua bue alia mai zzü-zzü kaa-kaa nou puh nghoujü nou la-a bue. Chikuyu buh hinou chi sü kutare, alia larübvü khesü laopare.

MATHIU 4:10

Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

MARK 5:22

Süthaisü Jairas tea kuyu rathobuh hi vahdumai alisü taveloure, alia puhnou Jisu ye ngaolouyu kisü puh phinou kou duloure

MARK 7:25

Daiolouzü rashinou louyu nah naotupai ali pfünou Jisu ko chouloure ea puh hi thashoa taveloua puh phinou kou duloure.

LUK NOU RÜYU KO AVEIBVÜ 1:19

Rakivamai sünanou puh hi chila peie, “Esü Ramai nghojü hinou la-a buyu Gabriel süe, alia nehi paopeire ea ko avei haina pove peire donou Eye seive peibaie.

LUK NOU RÜYU KO AVEIBVÜ 24:44

Süthaisü puhnou puletao hi paoe, “Enou neletaoye koa bubu kinou neletao hi Enou paopeikhai touyu chipao sü haitaoe, süolouzü Avanou Moses vei razhai hinou, rachi paolamai taovei larübvü ea lou larübvü hinou rüthou khai touyu teiteisü vete vuzülai.”

JOHAN 5:39

Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

SEI-ATAMAI VAHTAO 10:43

Alia puhzhih khouko vanou puhye loucheyu mai talinou mah hinou khailu louyu sü ngaoloulai tea puh vanou rachi paolamai hrülainou zhopaoh peikhaitoue.”

SEI-ATAMAI VAHTAO 13:27

Daiolouzü Jerusalem hinou hrüa buyu maitao ea puletao peichamainou puh hai khailu-apeio nasüe touyu sülou moyu vanou moa Soteithe tsüh phoua buyu rachi paolamai vei chipao taosü sülou moyu vanou, puh pei hisü mah dukhai peiwu-a chipao sütaosü panou vete loure.

2 KORINTHMAI 8:7

Chuo neletao nou ha teitei hinou veikou shoyu donou, süolouzü lü hinou, chipao hinou, tsü hinou, maiye soukha peire lenouyu hinou ea Ehye leshiyu hinou koua buyu donou— zhuvea vah hainahi-a veikou loure donou zhutoulo.

EPHESAMAI 5:15

Südonou kabüa neletao nou hrüsa touyu sü zhutoulo. Tsü hayumai bümoa tsü veimai büa hrülo.

EPHESAMAI 5:33

Ana haisü neletaoye-a paowe: chaamai hrülainou puletao vei chapfümaitaoye lahye leshiyu büa leshi vuzülai, alia chapfümai hrülainou puletao vei chaamaitaoye tsükhou vuzülai.

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

1 THESSALONIMAI 5:15

Neletao maitalinoua ashinaye donou ashinanou pao rülou more zhuloukhaio, ana teile veishi hinou alinou lihi ea maikhemai hrülaihi avei soupeire donou phoukhaio.

EBRIAMAI 1:14

Sükuyu thaisü, rakivamaitao sü daisouyu maie? Puletao sü Ramai kuvah souyu ea khailu peiyu ngaoloure maitaoye soukha peiloure donou puhnou seive peiyu rakotao baie.

EBRIAMAI 12:25

Südonou leikeilo, alia chipao-a buyu puhye bayu souwuso. Daiolouzü deiphao hinou puletao hi Ramai chipao pove peiyu puhye puletao nou bayu ki puletao sü tupa louho louzü, raki hinou chi pao-a buyu puhye Eletao nou bayu kisü Eletao sü daizhozhou tateia tupa loulai!

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

1 JOHAN 5:21

Leshiyu Anah khe maitao, neletao lahnou bashara hinou tarei talo!

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 12:17

Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

PONGAOPEIYU 14:7

Puhnou haibüa pai kushoa paoe, “Ramaiye piloukhaio ea puhvei adushosü paoshokhaio! Daiolouzü puhvei chikulaiyu phasü veloure. Raki, deiphao, zai alia dzünghoutao soupeiyu puhye sü tholo.”

PONGAOPEIYU 15:4

Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”

PONGAOPEIYU 4:10

tsümai kaidai sütaonou vebuh hinou buyu puh nghojü nou kou kaoloua teisa nou hria buyu puhye sü khurüwe. Puletao nou puletao vei veo peirü taosü vebuh süna nghojü hi polai koulou-a haibüa lou souwe: