PONGAOPEIYU 19:1 - SHEEYU BAIBEL (BSI)

¹ Haithaisü rakivanou maisou alaovei pai-rao büyu kho alinou haibüa paoyu Enou choue, “Hallelujah! Khailu peiyu, adusho alia khoukosü Eletao Ramai veie!

PONGAOPEIYU 19:1 Iomraidhean Croise

1 PUOPAOKO 29:11

Ne hai dusho-e ae khouko busho-e, veilouyu ae ngalouyu alia aduso nasü ne baie, daiolouzü raki ae deiphao buyu na teitei sü nevei baie. Vedei khesü nevei baie, ae ha teitei pei sü nenou khasa-a bubaie.

LOUTAO 104:35

Mahmo souyu maiye sü deiphao hinou souha laiwo; mai ashi maiye sü panou bupu khaiso. Arako, Mapao ye paosholo! Mapao ye paosholo!

LOUTAO 106:1

Mapao ye paosholo! Mapao hi kalo paokhaio, daiolouzü puh hai veishoe, puhvei leshi hai akhai ha-e.

LOUTAO 111:1

Mapao ye paosholo! Puhvei maitao nou tave jüa buyu hrohinou avei tsüle veishi nou peia Enou puh kalo sü paopeilai.

LOUTAO 115:18

Ana hria buyu Etao nou puh kalo sü paowe, chu-a ae teisa nou puh kalo sü paolai. Mapao ye paosholo!

LOUTAO 146:1

Mapao ye paosholo! Arako, Mapao ye paosholo!

LOUTAO 148:1

Mapao ye paosholo! Raki vanou Mapao ye paosholo, kuyu buh hinou hrüa buyutao puhye paosholo.

LOUTAO 149:1

Mapao ye paosholo! Mapao ye lou ashu nou sousho peikhaio; puhvei chilee checheyu maitao nou vejüa buyu hinou puhye paosho khaio!

LOUTAO 150:1

Mapao ye Paosholo! Puhvei Rathoki hinou Ramai ye paosho khaio. Puhvei khouko sü raki vanou paosholo!

LOUTAO 3:8

Veilouyu hai Mapao hinou ve-e, puhnou puhvei maikhe maiye shiha peiyu sü soulo theo.

LOUTAO 62:11

Ramai nou haibüa paoyu Enou vu ali jünou la-a nou choure, süolouzü khouko veishi hai Ramai hi bue,

JEREMIAH 51:48

Reilova nou buyu maitao nou tave Babilon ye souha peiyu phaki deiphao hi buyu ae rateiva nou buyu na veishi nou asah soua shalai.

JONAH 2:9

Ana avei kaloyu paisüla noupu Neye poa sheela peie. Enou paokhai touyu nasü souche peilai. Khailu peiyu nasü Mapao likhei baie!”

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 12:10

Süthaisü rakivanou chih shoyu pailinou haibüa paoyu sü Enou choue, “Chuwo Eletao Ramai vei khailu peiyu, khouko, vedei ea puhvei Khrista khoukosü vere! Daiolouzü Eletao Ramai nghojünou la-a Eletao thaihou jürai maitaoye khei-hea mah dukhaipei-a buyu puhye sü raki hinou hukoure.

PONGAOPEIYU 19:6

Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!