PONGAOPEIYU 18:7 - SHEEYU BAIBEL (BSI)

⁷ Puhnou daizhozhou lah puhye sü paosho peiresa ea souvasho peiresa, süzhou veahoyu ea dopfüyu sü puh hia peikhaio. Daiolouzü puhlah puhle hinou haibüa paoe: ‘Veopai Esü buh haihinou chobue, Ewo meamaipfü moe, Ewo dopfüyu ngaokhai laimoe!’

PONGAOPEIYU 18:7 Iomraidhean Croise

ESTHER 6:10

Süthaisü veo nou Haman hi paoe, “Thashoa taho nenou paoyu büa sabanütao ae rhei nasü polo, ae nenou paoyu büa Jihudimai puona Mordekai ye sü soupeio. Nenou paoyu teitei sü soukhai toupeio.”

LOUTAO 10:6

Puletao hai lah nou lah hi haibüa paoe, “Etao hai kaodu takhai toulai moe; Etao hai veahoyu daokhai toulai moe.”

LOUTAO 45:9

Veo maivei nahnaotutao nou nevei vebuh hisü koa bue, ae veopfüpai sünou veikayu sana nou soukhai touyu sana zhu khesü tupoa nevei vebuh zhoulo vanou lapoa bue.

JEREMIAH 13:18

Mapao nou ahi paoe, “Veo ae puhvei pfüye sü vebuh hinou taokoulo tea paopeio, daiolouzü hüveiyu puletao vei vepeirü sü puletao pei hinou deiphi dekoure.

DOPFÜYU 1:1

Raichoki mainou phoutao-a buyu nuhdu nasü, chuo kabüa zei tea bure sarou! Vuli hi deiphao mainou tsükhoua buyu nasü, chuo puh sü mimeapfü ali büa bure; Nuhdutao hrohinou vepfüpai soua buyu sü chuo maivei qila soutare.

EZEKIEL 23:34

Nenou süna ke khai touloulai, ae sünavei pepoyu pe nou nevei naonao sü shasasalai. Ramai Mapao Enou hai sü paoe.”

OBADIAH 1:3

Nevei khaophu souyu sünou neye laluwure. Chulya kohinou hrüyu neletao; kushoyu buh hinou hrübuyu neletao, neletao hai lah neletao hi haibüa paowe, ‘Thaonou Eye nayu deiphi hi pokoulai?’

ZEPHANIAH 2:15

“Eh baie, mai kukhemai lia ha-e” teanou ngaopiyu liaha-a khaosou sho-a buyu nuhdu nasü haibüa bailai. Buh sünasü soushi khaituwua panou rekhaona nou ve buyu buh souwulai. Nuhdu süna tacho tayu mai hrülai nou ngaopi sho-a tayu soulai.

1 TIMOTHI 5:11

Ana nale-a buyu meapfümaitao zhih hai zhihbvühi rüthouwuso; daiolouzü puletao vei pfüphao züpa nanou panou puletaoye nghitanüyu kisü puletao nou Khrista hinou talata baiwe,

PONGAOPEIYU 18:3

Daiolouzü tahrüh khemai hrülainou puhvei khulou souyu vei chihshoyu zhaoh nasü shozhi loure. Deiphaohi vemaitao nou puhye koa khulou vah souloure, alia deiphao hi huh-ha souyu maitao nou puhvei loküyu kini sütao vanou hanisho loure.”

PONGAOPEIYU 18:9

Alia puhye koa khulou vah souyu ea vashoa hrüyu deiphao hi vemaitao nou puhye meideiyu meikhao süna ngaolouyu kisü puhye donou puletaosü kralai ea dopfülai.