PONGAOPEIYU 18:6 - SHEEYU BAIBEL (BSI)

⁶ Puhnou peiyu kua puh hisü peikhaio; alia puhnou souyu vahtao thaifüa puh hisü zha ahai koua paorü peikhaio. Puhnou neletaoye donou lathou chohpeiyu pai süna hinou puhye donou zha ahai chihkoua lathou chopeikhaio.

PONGAOPEIYU 18:6 Iomraidhean Croise

LOUTAO 137:8

Oh Babilon, neye sü soushi souhawulai. Nenou Etao hi soupeiyu zhai büa neletao hi soupeiyu maitao hai savayu maitao soulai—

LOUTAO 28:4

Puletao nou soupfü khaitouyu vah thaifüa ae puletao nou vah ashi soukhai touyu thaifüa puletaoye tudee peio. Puletao nou soukhai touyu vah haso thaifüa puletao nou ngaozüa buyu nasü puletao hi soupeio.

ISAIAH 40:2

Jerusalem hinou hrüa buyu maitaoye pailako aveih nou keapeio, ae puletao hisü haibüa paopei khaio, süolouzü puletao hai teile taoli veaho shore, anou chuo puletao vei mahmo khesü khaipeiwure. Enou puletaoye sü mahmo souyu donou soutaosoua tudei peiwure.”

ISAIAH 61:7

Neletao nou hraongu ngaoyu sü akhai soulaire. Neletao nou lah neletao vei teidei hisü hrülaire. Neletao nou kini sü deida ngaopu loulai, ae neletaoye sü teisa panou sava-a hrülai.

JEREMIAH 16:18

Puletao nou mah soukhai touyu ae vah ashi souyu paotao sü zha ahai panou khalai, daiolouzü puletao nou avei teidei sü thaiphao büa buyu basharatao ae cheche moyu rahtao nou pove souzhai peiwure.”

JEREMIAH 17:18

Eye souveayu maitao hisü hraongu pove peio, ana Mapaowo, Eye pa haongu daoso. Puletao hi peishiyu sü pove peio, anou Eye panou ngaopiyu ngaoso. Veahoyu sü puletao hi pove peio ae puletaoye souha peio.

JEREMIAH 50:15

Nuhdu pehao teitei hinou reihvo sü soukhaio! Chuo Babilon nou mai phi hi vere. Puhvei kivo khesü daphe daphowure. Enou Babilon hisü khüngu phouwe. Südonou puh hisü neletao vei khüngu phoulo, ae puhnou neletao hi soupeiyu büa puh hia soupeio.

JEREMIAH 50:29

“Voulou poyu maitao hisü Babilon hi soureih hulou khaio tea paopeio. Voulou polou süyu mai hrülaiye sü seitawo. Nuhdu nasü sühaolo, panou mailia tupa louso. Puhnou soukhai touyu thaifüa puh hia soupeio, daiolouzü puhnou khaophu soua Israel maivei Sheepu, Eye ngaophou more.

JEREMIAH 51:24

Mapao nou paoe, “Neletao vei nghingao hinou Enou Babilon ae Babilon hinou hrüa buyu maitao hi puletao nou Jerusalem hi vah ashi soukhai touyu paoh khapeiyu sü ngaolai.

JEREMIAH 51:49

Babilon mainou deiphao mai hrülaiye southayu vanou, ae chuo puhnou Israel mai taoliye southayu donou puh sü kaodu talai. Haisü Mapao Enou paowe.”

DOPFÜYU 3:64

“Oh Mapaowo, puletao nou soupfüyu thaifüa puletaoye tudee peio;

ZEKHARIAH 9:12

Dakhai velo, chuo areih buyu hukha maitao, neletao vei baibu aveih hisü veloulo; zhou teithe Enou neletao vei veayu paoh nasü khapeilai, süolouzü neletao nou veayu na jünou deida sü Enou neletaoye shiha peilai.

2 TIMOTHI 4:14

Alekjandar hukuyu nanou Ahi alaosou souha-ka peiwure: Mapao nou puh hisü puhnou souyu thaifüa pao rüpeilai.

PONGAOPEIYU 13:10

Maitaliye niloure bue toulouzü veimosoua puhye niloulai; maitaliye khochenou daotheare bue toulouzü veimosoua khochenou daothealai. Haihisü sheeyu maitao vei shameayu ea lü bue.”

PONGAOPEIYU 14:10

puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 16:19

Dushoyu nuhdu nasü zhasüsoua soukhore, alia tahrüh khemaitao teiteivei nuhdu taosü souhare. Alia Ramai nou dushoyu Babilon ye sü licholoua puhye panou puhvei lekha-rarouyu zhaohnou phoupfüa buyu pai nasü küloure.

PONGAOPEIYU 17:2

Deiphao hi vemaitao nou puhye koa khulou vah souwe, deiphao hi maikhe maitao nou puhvei khulou vah souyu zhaoh süsü sholoua zhitei tare.”

PONGAOPEIYU 17:4

Naotu süpaisü maomüyu ea horoyu sabanüh nou bah nouwe, alia puhsü sana touhtao, chuh muhtei ea mukta chuhvei nataonou tupfüa bue. Puhbah hisü puhvei khulou souyu vei ngaorayu ea sheemoyu nataonou phoua buyu sana paili poa bue.

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!