PONGAOPEIYU 18:20 - SHEEYU BAIBEL (BSI)

²⁰ Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

PONGAOPEIYU 18:20 Iomraidhean Croise

LOUTAO 107:42

Acheche maitao nou haisü ngaoloua lesa-e, ana mai ashi maiye sü panou zei tea bue.

LOUTAO 109:28

Puletaoye panou Eye sü chaa peio, daiolouzü nenou Eye shiha peia bailai. Eye souvea souchoro peiyu maiye panou hraongu ngaoyu soupeio, ae nevei kilai Eye panou asalo!

LOUTAO 18:47

Eye ngaobayu maitao jünou veilouyu nasü puhnou Eye peie, tyahrütaoye sü avei khakhe hi polou khaipeie.

LOUTAO 48:11

Zion hi maikheye sü panou asalo! Nenou acheche hinou chilou khesü kupeie, Judah hi nuhdu khesü panou savalo!

LOUTAO 58:10

Cheche maitao nou mahmo soua buyu maitaoye tudee peiyu sü ngaolouyu phaki puletao hai asalai, mai ashi maitao vei zhe hinou puletao hai phi taipoa talai.

LOUTAO 94:1

Mapao, ne hai khüngu phou peiyu Ramai nasüe; nevei lekha rarou nasü popa ngaopeio.

TSÜCHITAO 11:10

Acheche mainou kaozhou veia buyu phaki, nuhmai-rümai khenou vasa-a buwe; ae maishiyu mai thaiyu phaki, asah soua shusou shawe.

ISAIAH 26:21

Deiphao mainou mahmo souyu donou puletaoye takou tudeire donou Mapao sü rakiva puh buh sü thao-a tapare. Deiphao hinou maiye southayu maisü pongao peilai, ae southa khaitouyu maikhesü dei nou pokupu lou laimoe.

ISAIAH 44:23

Oh ratei, deiphao hinou thousho-a buyu buhtao, shusoua shakhaio! Oh deichitaore, shurasoua lou soukhaio, ae vaohro hinou buyu süübe veishi! Daiolouzü Mapao nou puhvei aduso sü puhvei Israel maitaoye khailupa peiyu sünou soungao peiwure.

ISAIAH 49:13

Oh raki, lou soukhaio! Asah sounou lou soukhaio, Oh deiphao! Deichi khesü panou shusoua lou soukhaio! Daiolouzü Mapao nou puhvei maitaoye sousava peiwure, ae veaho-a buyu puhvei maitaoye sü puhnou zhuvea peie.

ZEPHANIAH 3:15

Neletao hi Mapao nou vamoyu nasü polai peiwure, Puhnou neletao ngaoba maiye sü souha peiwure. Mapao, Israel mai Veo sü neletao hinou bue; neletao nou hashi nasü ngaopi pulai moe.

EPHESAMAI 2:20

Khrista Jisu puh lahnou ki kainghouvei chuh nasü soua, neletao-a sei-atamai taonou ea rachi paola maitao nou soushupa khaitouyu kifüna hinou soupa loure.

EPHESAMAI 3:5

Daoraiki teile hisü kheitsü haina vanou emai hi paongao peimoe, ana chuo Rako vanou kheitsü hainasü Ramai nou puhvei sheeyu sei-atamai taohi ea rachi paola maitao hi pongao peire.

EPHESAMAI 4:11

“Emai hi sapeinatao peiyu” sü puh baie; puhnou kamaiye sü sei-atamai, kamaiye sü rachi paolamai, kukhe maiye sü Ko Avei paodou-apeimai ea kukhe maiyenou zhaokho-apeimai ea dou-apeimai panou souloure donou dowure.

PAODAKHAIYU CHIKHA 32:42

Avei vouloushu khesü pa zhe kelai, alia maitaralia Eye duyu maiye sü avei khoche nou daotha khailai. Maitaralia Eye duyu mai sü phapeilai moe; zheezhu khaitouyu mai-a ae hukha mai koute-a southalai.’

2 PITAR 3:2

Sheeyu rachi paolamai taonou dao rainou paopa khaitouyu chipaotao ea neletao vei Sei-atamaitao nou neletao hi peikhai touyu Mapao ea khailu-apeio vei chikhatao hai Enou neletaoye panou licholou nüwe.

JUD VEI SEIKO 1:17

Ana, leshiyu Asakhemai, Eletao Mapao Jisu Khrista vei sei-atamai taonou raia neletao hi paopeiyu taosü lipukhaio.

PONGAOPEIYU 12:12

Südonou Oh raki ea sühinou hrüa buyu neletao lesalo! Ana deiphao ea zaiye donou daizhozhou ngaopisa daiolouzü rashinanou puh teilehai phajütou baire touyu sü sülouyu vanou raroushopoa nehaihi koure!”

PONGAOPEIYU 18:6

Puhnou peiyu kua puh hisü peikhaio; alia puhnou souyu vahtao thaifüa puh hisü zha ahai koua paorü peikhaio. Puhnou neletaoye donou lathou chohpeiyu pai süna hinou puhye donou zha ahai chihkoua lathou chopeikhaio.

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”

CHIKUAPEI MAITAO 5:31

Neye ngaobamai hrülai sü panou haibüa thaikhaiwo, Oh Mapao! Ana nevei samaitao-e panou teinghi payu büa valo! Ae teidei hisü po raidai kaona-a hrükou loue.