PONGAOPEIYU 18:13 - SHEEYU BAIBEL (BSI)

¹³ alia sheesükao, vusa vunou, kaivei süüthea, theadzü kaivei, mei taoloure kaivei süüthea; darkha zhaoh, theadzü, sou avei ea sou thouh, cho ea zhaotu, rhei ea rhei lukitao, qilatao, alia emai, hrirai koute, haitaoe.

PONGAOPEIYU 18:13 Iomraidhean Croise

1 VEMAITO 10:10

Honapai nou sapeina poveyu khesü Veo Solomon hi peie: sana sühcho 4,000 jünou la-a nou peie, ae mutei shoyu chuh alia na tyatyali peie. Honapai nou peiyu büa Solomon hi mailinoua peimoe.

1 VEMAITO 10:15

süpei hinou teidei vei kikha, huha souyu mainou peiyu, huha chopa louyu, alia Arab hi vemaitao alia Israel maivei teidei khoyu maitao hinou ngao hie.

1 VEMAITO 10:25

Puh hi veyu mai hrülai nou puhye sapeina sü pove peie— shahu ae sana, sabanü, reih basei, poukai nüvei, rhei ae rheisüh khesü pove peie. Haibüa po patsü sü pove peie.

1 PUOPAOKO 5:21

Puletao nou ngaobamai vei racho 50,000, zhaotu 250,000, rheisüh 2,000, alia hukha mai 100,000 hai nüloue.

2 PUOPAOKO 9:9

Honapai nou Veo Solomonye sapeina alao pove peie: sana sühcho thedai, poukai nüvei ae mutei chuh alao soua pove peie. Sheba hi veo pfüpai nou Veo Solomonye pove peiyu poukai nüvei hai tya jünou veipuyu poukai nüvei ali-a ngaomo hie.

NEHEMIAH 5:8

ae Enou puletao hi paoe, “Etao nou soulou süyu koute hai tyahrü kukhe mai bah hi zhothou khaitouyu Etao vei thaihou jürai soua buyu Jihudimaiye sü Etao nou hrüdakhai louwe. Ana chuo neletao hai lah neletao vei thaihou jürai maiye qila soua hrüloure donou bure.” Süthai-apei maitao hai chi lia paoloure ha-a zei tea bure.

TAPALOUYU 21:16

“Mai tarali noua maiye nükuloua zho louzü, moyuma puhvei qila panou soulai tea puh hi khaitoua nou ngaolouzü, puhye sü southawo.

TSÜCHITAO 7:17

Enou azüphao sü poukai nüvei myrrh, aloes alia cinnamon nou kaida khaitoue.

SOLOMON VEI LOU 1:3

nenou noupeiyu theadzü taosü kainü veishoe, ne zhih sü lapa khaitouyu kainüvei theadzüe; südonou naotu maitao nou neye leshiwe.

SOLOMON VEI LOU 3:6

Rükou nou meikhao vei deka büa pa-a buyu kaivei pou alia kaivei theadzü husoumai nou poa laiyu nahai daie?

SOLOMON VEI LOU 5:5

E-a aleshipu ye sü kikhu houthou peilai tea tashue. Abah sü kaiveipou nou naloue, ae abah teutu hisü kainüvei pou nou naloua kou kikhu khukhai touyu nasü phapeie.

ISAIAH 50:1

Mapao nou haibüa paoe, “Maipfü mai aliye hutuyu büa Enou avei maitaoye sü hutuwure tea neletao nou tsüchowu? Sükulouzü turatayu larü sü daiki bue? Moyuma Enou neletaoye zholaire touwu? Enou thaomai paozho pfüa neletaoye zholaire tea tsüchowu? Sübü moe, neletao vei mahmo vanou neletaoye sü zholai baie, ae neletao nou mahmo souyu donou neletao vei pfümai khesü sa-a ta baie.

EZEKIEL 27:13

Nenou Grees, Tubal, ae Meshek hinou huha hai souwe, ae nevei huponatao nou poa qilamai ae baosahu khesü hüloue.

AMOS 2:6

Mapao nou paoe, “Israel mainou lü asü dai soucholah-a mah souyu vanou, puletaoye souvea laiyu nasü Enou polaiwu laimoe; daiolouzü puletao nou acheche nasü shahu nou lealoure, alia touha-a vealaiyu maiye sü phikha pali nou zholoure.

AMOS 6:6

Neletao hai pai phoua nou zhaoh so-e alia veishoyu theadzü nou nawe, ana Israel kihikhamai nou shitayu vanou neletao hai levea-a dopfü moe.

AMOS 8:6

Etao nou southou hai mutei sholoua zoloulai. Süthaisü Etao nou touha laimaiye shahu nou ae vealai maiye phikha pali nou hrülou laie.”

PAODAKHAIYU CHIKHA 24:7

“Maitalia puh thaihou jürai Israel mai kukhe aliye nüloua puhye qila mai ali büa sa-a vah soulouzü moa puhye zho louzü, mai sünasü southalai. Neletao hrohinou ashi sü popa laiwulai.

PAODAKHAIYU CHIKHA 28:68

Neletao hai tapu khailai more tea Enou paokhai touyu veidu hisü dzüluki hinou Ejipt teidei hisü seidakhai thoupeilai. Sühinou neletao hai ngaobamai bah hi qila soure donou neletao lahye zholai, ana mai linoua neletaoye sü hrülai moe.”

1 TIMOTHI 1:10

khakha chaozüyu mai, emai zhaimoa koa züyumai, mai vaoyumai, amadamai, mada-a chi lapeimai ea cheche lüzhai hinou moa aku zhai hinou vah soua laimai, süolouzü

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

PONGAOPEIYU 18:14

Huh souyu maitao nou puh hi paoe, “Nenou züpayu na teiteisü ne hinou takhaire, alia nevei kini ea nevei avei veilai taosü hazhei tare, alia nenou sütaosü hakia ngaopu khailou hore;”

PONGAOPEIYU 18:15

Nuhdu süna hinou na sütao zholoua hani louyu huh-ha souyu maitaosü adou kounou la-a bulai, daiolouzü puletaosü puhvei veahoyuhi lou zha ngaozhoyu sü ngaopiwe. Puletao sü kralai ea dopfüa