PONGAOPEIYU 18:11 - SHEEYU BAIBEL (BSI)

¹¹ Deiphao hi huh-ha souyu maitao-a puhye donou krae ea dopfüe, daiolouzü maitalinoua puletao huhsü hüpupeikhai more;

PONGAOPEIYU 18:11 Iomraidhean Croise

TSÜCHITAO 3:14

Daiolouzü sühinou vilouna hai shahu hinou vilouyu najünou veie; alia süna vei hupayu hai sana jünou veipu hie.

ISAIAH 13:19

Veishoa buyu Babilon vedei, alia sühinou hrüa buyu maitao vei khaophu ae kathe khesü, Mapao, Enou souhayu teithe sü Sodom ae Gomorrah raibüa bailai.

ISAIAH 47:15

Nenou nahle-a bukinou te-a vah soua laiyu ae puletao nou neye soukha peilou süyu sü sübüa baie. Neye mai linoua khailu peiloure ha-e, puletao mai hrülai sü lahkuku vei bo phouloua tuta-a bailai.”

EZEKIEL 27:9

Nevei dzüluki souyu maitao hai Biblos hinou dokai veishoyu maitaoe. Zaidu hinou dzüluki pfüa laiyu mai hrülai nou tave ne hinou hupona khesü hüwe.

ZEPHANIAH 1:11

Nuhdu khelo hinou hrüa buyu maitao, dopfüa kralo! Daiolouzü huha souyu mai hrülai hai thaita khaire, shahu süh doumai hrülai-a souha khaitoure.

ZEPHANIAH 1:18

Mapao nou lekha payu teithe sü puletao vei sana raka nou puletaoye khailu peilou laimoe. Puh vei rarou-lekha mei sünou deiphao teitei dei hawulai, deiphao hi hrüa buyu mai hrülaiye sü thasho-a nou puh nou souha khailai.

MATHIU 22:5

Ana raia kukhaitouyu shemaitao nou li lapa loure ea lah kuku vah hi tare; alinou puh douhi tare, kukhe alinou puh vei hubuh hi tare,

JOHAN 2:16

Puhnou rahou zhoyu maitaohi paoe, “Buh hai hinou na haitaosü poloua tawo; neletao nou Apuo kihai hu pobuh souwu laimoe.”

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

PONGAOPEIYU 18:15

Nuhdu süna hinou na sütao zholoua hani louyu huh-ha souyu maitaosü adou kounou la-a bulai, daiolouzü puletaosü puhvei veahoyuhi lou zha ngaozhoyu sü ngaopiwe. Puletao sü kralai ea dopfüa

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

PONGAOPEIYU 18:23

Meibvü vei avasü ne hinou hakia ngaopukhai laimoe. Sheerepu ea nghirepai lapaisü hakia ne hinou choupukhai laimoe. Nevei huhsouyu maitaosü deiphao buh veishi hinou dukayu maitaoe, alia nevei madayu khei-khupado nou deiphao hi maikhemai hrülaiye sümah-sümo peire!”

PONGAOPEIYU 18:3

Daiolouzü tahrüh khemai hrülainou puhvei khulou souyu vei chihshoyu zhaoh nasü shozhi loure. Deiphaohi vemaitao nou puhye koa khulou vah souloure, alia deiphao hi huh-ha souyu maitao nou puhvei loküyu kini sütao vanou hanisho loure.”

PONGAOPEIYU 18:9

Alia puhye koa khulou vah souyu ea vashoa hrüyu deiphao hi vemaitao nou puhye meideiyu meikhao süna ngaolouyu kisü puhye donou puletaosü kralai ea dopfülai.