PONGAOPEIYU 18:10 - SHEEYU BAIBEL (BSI)

¹⁰ Puhvei veahoyu hi lou zha ngaozhoyu sü ngaopi-a puletaosü adou konou la-a haibüa paolai, Daizhozhou ngaopisa! Daizhozhou ngaohisa! Oh dushoyu nuhdu, Oh khoukhoulai nuhdu, Babilon! Teilecho ali levai hinou nevei hakayu sü veloure!

PONGAOPEIYU 18:10 Iomraidhean Croise

ISAIAH 21:9

Enou rheipfüyu mai, mai ahai ahai nou laiyu ngaoe. Reihkhaowo nou haibüa sha-a paore, “Babilon sü kaota laire, kaolaire! Puh vei bashara teitei sü deiphi hi soukou deikho khaiwure.”

ISAIAH 47:9

Ana nghimaisü ali hinou ae teithe ali hinou haina ahai kheinou ne hisü velai. Nenou kheikhupado tyatyali soulou süshoa buyuma nevei tounahtao ae maipuo sü ne hinou hata-a bailai.

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

EZEKIEL 32:9

“Enou neye nüpoa nenou sükhai moyu teidei, tyahrütao hrohinou satayu phaki Enou mai taoli vei tsüle hai souvea peilai.

JOEL 1:15

Iyaho! Mapao vei teithe sü nghitei tire, Khoukhoulai Mapao nou soushi souha laiyu teithe sü velaire.

AMOS 5:16

Südonou hrülai pei hi Mapao Ramai nou haibüa paoe, “Kiphao buyu hrülai hinou puletao nou dopfüa kralai alia ludu liki hinou puletao nou paolai, ‘Iyaho! Aishoho!’ Puletao nou kouli liveih maiye sü panou dopfüa kouli lire donou kuvelai.

MAIPEI PHOUYU 16:34

Sühinou buyu Israel mai hrülai hai puletao nou krayu pai sü choulou khai-e, puletao hai tutare. Puletao nou haibüa shura sou-a nou paoe, “Tutalou khaio, dei nou Etao-a zhaolou shulai!”

PONGAOPEIYU 11:8

Puhai vei athai pfüphaosü puhai Mapaoye kros vanou veatheayu dushoyu nuhdu sünavei ludu hi nou bulai. Nuhdu süna zhihsü nada la hinou Sodom molouzü Ejipt toue.

PONGAOPEIYU 14:8

Kukhe rakivamai ahai chenanou araina thaisü füa haibüa paoe, “Puhsü kaotare! Dushoyu Babilon sü kaotare! Puhnou tahrüh khemai hrülaiye puhvei khulou souyu vei souvoyu zhaoh nasü panou sholoure!”

PONGAOPEIYU 16:19

Dushoyu nuhdu nasü zhasüsoua soukhore, alia tahrüh khemaitao teiteivei nuhdu taosü souhare. Alia Ramai nou dushoyu Babilon ye sü licholoua puhye panou puhvei lekha-rarouyu zhaohnou phoupfüa buyu pai nasü küloure.

PONGAOPEIYU 17:12

“Alia nenou ngaoyu kai kiruo taosü chu vedei ngaoloumoa buyu veo kiruotaoe, ana puletaosü khaosou sünaye koa teilecho alikhei vemaitao soua hrüre khouko ngaobailai.

PONGAOPEIYU 18:18

alia puhye meideiyu vei meikhao sünasü puletao nou ngaolouyu kisü haibüa shusoua raoloure. “Dushoyu nuhdu haina büyu kukhe nuhdu lia bukhai mohie!”

PONGAOPEIYU 18:19

Alia puletao nou puletao peiva nai polaipa khailoua kra-a ea dopfüa paoe: “Daizhozhou ngaopisa! Dushoyu nuhdu haina donou daizhozhou ngaohisa! Puhsü puhvei kini vanou zai hinou dzüluki pfüa laiyu maikhemai hrülaiye panou hani louyu nuhdu sünasüe! Alia teilecho alikhei hinou puhvei na teiteisü souhare!”

PONGAOPEIYU 18:21

Sükisü khoushoyu rakivamai alinou dushoyu thouh veiyu chuhpa deiyu chuhli poloua süsü zaihi polaithouloua paoe, “Haibüyu zhai hinou dushoyu Babilon nuhduye sü chihsho-a polaithouwu-a panou ngaopukhai laimoe.

PONGAOPEIYU 18:8

Südonou puhvei veahoyu, süolouzü sounou, dopfüyu ea tokaayu sü teithe alikhei hinou puh hi velai; Alia puhye sü meinou deiwulai; daiolouzü puhye chikuyu Ramai Mapaowosü khou-chihwe.”