PONGAOPEIYU 17:9 - SHEEYU BAIBEL (BSI)

⁹ “Hai nanou ratsü pfüloure ea sütouloure kuwe. Pei anaitaosü naotupai sünanou chobua buyu deichitaoe. Alia sütaosü vemai anaitaoe.

PONGAOPEIYU 17:9 Iomraidhean Croise

DANIEL 12:4

“Ana Daniel, akhai teile hi koute larübvü nasü hokhaiwuo alia sheesao khaio. Mai alaosou akhai teithe hisü hasüpu loure donou takou takhea phoulai.”

HOSEA 14:9

Tsüveia buyu maiye sü panou chipao haitao sülo, vei-shi sükulou süa buyu maiye sü pa haitao polo; daiolouzü Mapao vei ludu sü kaowe, alia acheche mainou ludu süna hai talouwe, ana mah maio louzü süna hinou phi süloua bailai.

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

MATHIU 24:15

“Südonou neletao nou Daniel rachi paolawo nou paokhai touyu ha-kare souzhaiyu ngaora sünanou sheeyu buh hinou la-a buyu ngaoyu kisü (phoua buyu puhnou süloukhaio!)

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 13:18

Sübüyu hainanou ratsü pfüloure kuwe. Maitalinou tsüvei-a bulouzü puhye panou khaosou sünavei chahpeisü choloukhaio, daiolouzü süsü emai alivei chahpei baie. Puhvei chahpeisü 666 süe.

PONGAOPEIYU 17:18

“Alia nenou ngaoyu naotupai sünasü deiphao hi vemaitao pei hi tukha sahrüyu dushoyu nuhdu sünasüe.”

PONGAOPEIYU 17:3

Sühinou rakivamai sünanou Eye rako hilonou sataloua rekouhi saho khaipeie. Sühinou Enou naotumai aliye Ramaiye paoshiyu zhihtaonou rüthou phoukhai touyu horoyu khaosou ali phaova hinou chobua ngaoe, alia khaosou süsü pei anai ea kai kiruo pfüe.

PONGAOPEIYU 17:7

Ana rakivamai sünanou Ahi noue, “Ne daidonou khupawe? Naotu süpaivei, alia pei anai ea kai kiruo pfüa puhye pfütayu khaosou sünavei khei kosü Enou nehi paongao peilai.