PONGAOPEIYU 17:6 - SHEEYU BAIBEL (BSI)

⁶ Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.

PONGAOPEIYU 17:6 Iomraidhean Croise

DANIEL 7:21

Enou zhua buyu phaki, kai sünatou nou Ramai vei maitao hi reih züre, alia puletao jünou reih veiloure.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

HABAKKUK 1:13

Ne nghithou hai sheeleyu donou shiyu sü zhuthou louhoe; alia kaozü moyu hisü zhukhai louhoe. Ne daisounou maishi maiye zhua buwe, alia daisounou puletao jünou checheyu maiye southa-souha buki ngasoua buwe?

JOHAN 2:10

puh hi paoe, “Mai hrülainou arai kihai darkha zhaoh sho-aveinanou khaipeiwe; alia maikhe mainou shonü sholouyu thainou shoshina khaipeiwe; ana newo darkha zhaoh shovei nasü chu koutea khaikou khaitoue!”

SEI-ATAMAI VAHTAO 22:20

Alia nevei zhopaohmai Stephan zhe soupayukia E-a puhye southeayu hisü ae-ao tea sühinou la-a bue ea puhye southeayu maitao vei sahnü taosü khoa bue.’

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 13:15

Alia khaosou sünavei zhu kuyu bashara sünaye panou chi paoloure ea sünaye thobayu maikhemai hrülaiye panou southeare donou puh hisü khaosou arainavei zhu kuyu bashara sünahi ssü houngthou peire khouko peire.

PONGAOPEIYU 13:7

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

PONGAOPEIYU 16:6

Daiolouzü puletao nou nevei sheeyu maitao ea rachi paolamai taovei zhesü soupare, alia südonou nenou puletao hisü zhe küloure donou peire. Haisü puletao nou ngaozüe!

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.