PONGAOPEIYU 17:4 - SHEEYU BAIBEL (BSI)

⁴ Naotu süpaisü maomüyu ea horoyu sabanüh nou bah nouwe, alia puhsü sana touhtao, chuh muhtei ea mukta chuhvei nataonou tupfüa bue. Puhbah hisü puhvei khulou souyu vei ngaorayu ea sheemoyu nataonou phoua buyu sana paili poa bue.

PONGAOPEIYU 17:4 Iomraidhean Croise

1 VEMAITO 14:24

Hateitei jünou shikayu nasü naotu poutu sümoa cheche moyu rathobu kinou puletao hai khakha tare. Judah hi maitao nou haoshoyu vah haso, raichoki Israel mainou talouyu phaki Mapao nou teidei sühinou hulai peiyu maitao nou soupfüyu vah khesü soutare.

2 VEMAITO 21:2

Mapao vei maitao takouyu phaki, puhnou hulai peiyu tyahrütao nou ngaorayu vah ashi souyu zhaibüa Manasseh nou Mapao vei nghingao hinou mahmo khesü soure.

EZRA 9:11

Nenou Nevei kilai rachi paolayu mai hi haibüa paoe, ‘Neletao nou talou polou laiyu teidei nahai hashinou phoubue ae sheemoyu mai khaitie,

ISAIAH 66:3

“Maikhe mai hai lahkuku nou jüpayu hisü tare. Puletao nou chode ali dathaloua posheela peiyu moyuma maiye dathaloua posheelayu mai sü raibüa baie; zhaotu ali poa sheelayu moyuma sei ali ngu rashaloua posheelayu na-a kheihao baie; mai ali nou thoudzü vei posheela peiyu na ae vo zhe nou poa sheelayu na-a zhotou baie; kainüvei pou nou licho loure donou poa sheelayu na ae bashara hi veachi paoyu na-a zhobütoua baie. Puletao nou sheemoyu vah khesü soua rathoyu nasü jüpa tare.

JEREMIAH 51:7

Babilon hai abah hinou sana pai ali büa bue, deiphao mai hrülaiye panou sozhi loure. Tyahrütao nou zhaoh sozhi loure ae puletao sü votare.

DOPFÜYU 1:9

Honapai vei shee moyu sü ngaokhai loure, ana haithai puh hi dai vepalai touyu hai honapai nou tsücho moe; südonou honapai sü kaodu tare, ae puhye sousava peire mai lia hazei toure. Honapaiye ngaobayu maitao nou veiloure, ae honapai nou Mapao hi zhuvea leshi peio tea kra-a khowe.

EZEKIEL 20:30

Südonou Israel maitao hi Ramai Mapao Enou haibüa paowe tea paopeio: Neletao daisounou neletao vei puopaoh maitao nou mah souyu khesü soupuwe ae basharataoye daisounou thaihu tawe?

EZEKIEL 24:11

Chuo baosahu lee nasü sakhai-a mei pei popa khailo, ae mei deithou homaralo. Süthaisü khoteikhai touyu lee nasü naanou hinou shee-a bailai,

EZEKIEL 24:13

Oh Jerusalem, nenou hrü ashi hrüa soupfükhai touyu sünou lah neye sü souzhai loure. Enou neye soushee peire donou te-a buyuma ne sü sheelu more. Avei lekha sünou neletao hi vemoyu thaio neletao hai sheelou hore.

EZEKIEL 28:13

Ne hai Ramai vei kipei, Eden hinou hrüe, ae mutei shoyu chuhva khesü toupfüe: rubi, diamond, topaz, beryl, karnelian ae jasper, sapphires, emeralds, ae garnets. Ne hai sana nou zhusana soua nou pfüe. Sütao hai neye soupeiyu teithe hinou neye donou soupeie.

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

DANIEL 11:38

Puhnou rah sükhe thaosü, nuh teidei khoyu rah, puhvei paipao mainou sükhai toumoyu rahye sü tsükhou talai, alia sana, shahu, chuh mutei, ae veishoyu sapeina khenou poa puhye sü tho talai.

HOSEA 9:10

“Daoraikio Israel mai hai rekounou buyu darkhabe ali büa Enou ngaoloue. Teile kaovei hinou arai nasoua shipeiyu doushibe li ngaolouyu büa Enou puletao paipao ye ngaoloue. Ana puletao nou Peor deichi hi velou loukhaie Baal ye thotare, alia Enou ngaora shoyu basharah ye sü leshi tare.

PAODAKHAIYU CHIKHA 29:17

Puletao vei ngaorayu bashara, süüchuh nou ae shahu ae sana nou soukhai touyu zhuraitao hai neletao nou ngaoe.

PONGAOPEIYU 14:8

Kukhe rakivamai ahai chenanou araina thaisü füa haibüa paoe, “Puhsü kaotare! Dushoyu Babilon sü kaotare! Puhnou tahrüh khemai hrülaiye puhvei khulou souyu vei souvoyu zhaoh nasü panou sholoure!”

PONGAOPEIYU 18:12

huh sütaowo louzü sana, shahu, muhteiyu chuh, mukta chuh, puletao vei jüyusah, maomüyu sah, soumai sah, alia horoyu sah; kai veiyu süütya veishi, pao huhnou souyu na teitei, muhteiyu süü, baosa hu, hu, chara chuh;

PONGAOPEIYU 18:16

haibüa paolai, “Daizhozhou ngaopisa! Veishoyu jüyu sah, maomüyu sah ea horoyu sahnou banouyu, alia sana, muhtei chuh ea mukta chuhnou tupfüa laiyu dushoyu nuhdu süna donou daizhozhou ngaopisa!

PONGAOPEIYU 19:2

Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”

PONGAOPEIYU 21:21

Romü kiahai taosü mukta chuh kiahaitaoe. Romü alilisü mukta chuh alilinou soukhaitoue, alia nuhdu sünavei duvasü zhuzhu büa peivavathou sheetouyu sananou soukhaitoue.

PONGAOPEIYU 9:21

Moa puletao nou maiye southeayu, puletao vei khei-khupado, puletao vei khulou vah moa puletao vei vaoyu vah sütao hinou le dalou moe.