PONGAOPEIYU 17:3 - SHEEYU BAIBEL (BSI)

³ Sühinou rakivamai sünanou Eye rako hilonou sataloua rekouhi saho khaipeie. Sühinou Enou naotumai aliye Ramaiye paoshiyu zhihtaonou rüthou phoukhai touyu horoyu khaosou ali phaova hinou chobua ngaoe, alia khaosou süsü pei anai ea kai kiruo pfüe.

PONGAOPEIYU 17:3 Iomraidhean Croise

1 VEMAITO 18:12

Hakinou Mapao vei rako nou neye Enou sümoyu buh ali hi Enou buh hai hinou tayu thainou sapoa talouzü kabülai? Süthaisü, Enou Ahab hi ne hai hi bue tea paopeiwua puhnou neye ngaomo louzü puhnou Eye southa bailai. E taibuki nou soutaosoua Mapao ye tsükhoua thoyu mai alie touyu licho peio.

2 VEMAITO 2:16

ae puh hi paoe, “Pfüphao veishoyu Etao mai raingou sü hai hi bue, Etao nou nevei paopuye sü taho phouta laiho. Mapao vei rako nou puhye saho deichi ali hi moa deikho ali hi saho khaitoua buyuma sülou hoe.” Elisha nou chila peie, “Moe, neletao puhye phoutaso.”

SOLOMON VEI LOU 8:5

Rükou nou leshipai ye khopoa laiyu hona hai thaoe? Phobe phinou Enou neye soukai peiwure, buh tehinou nepfü sü veashowure, buh sühinou neye nyapeiyu paisü veashowure.

EZEKIEL 11:24

Zho kounou Ramai vei rako sünou Eye sü poloua Babilon hi nüpoa ve khaitouyu maitao hisü khaipeie. Süthaisü avei zho hai hatare,

EZEKIEL 3:12

Süthaisü Ramai vei rako nou Eye polashu peiwure, ae athailo nou pai chisho-a nou haibüa rayu sü Enou choue, “Raki vanou buyu Mapao vei kathe sü paosho khaio”

EZEKIEL 8:3

Puhnou bah ali zhai büa thaikou apeishu hinou Eye pailoure. Süthaisü zhokou nou Ramai vei Rako nou Eye ratei hi kusho-a nou pokhere ae Eye Jerusalem hi savere. Puhnou Eye rathoki hi taloure reilova vei rokhubomü hinou salou Ramai vei lekha rarou soupayu bashara khesü ngao-e.

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 7:20

Alia kai kirou pfüyu, ae kai taitou ali tsüpayu ae süna nghoujü nou kai asü latayu, alia nghithou ali ae khaophu soushoa raoyu mü pfüa kukhe jünou duyu büa buyu kai süna vanou Enou süpulou nüre.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

DANIEL 7:8

Enou kai sütao sü tsüchoa zhua buyu phaki, kaitao hrohinou kai taitou ali paopa-a zhingaoe, kai sünatou nou paopaloua rai-a buyu kai kukhe asü taoye sü bei hinou soula laiwure. Kai sünatou hisü nghithou ali bue, alia khouphu soushoyu chipao paoyu mü ali bue.

MATHIU 27:28

Alia puletao nou puh va sabanütao daolaiwu-a horoyu zaocha alinou puh vahi zhaopeire,

SEI-ATAMAI VAHTAO 8:39

Alia puhai nou dzü hinou tapalouyu kisü Mapao vei Rakonou Philipye sükhaimoa sapoa tare; alia vasou datamai sünanou puhye sü ngaopukhai more, ana puh sü sashoa puh ludu hilo tare.

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.

PONGAOPEIYU 1:10

Mapaowo teithe kisü Esü Rako hinou bue, alia bekho büyu kushoyu paili Enou Athailo vanou choue.

PONGAOPEIYU 12:14

Ana naotupai sünaye panou puhye donou soudakhai touyu buh, rekouhi zhaoholoua sühinou puhye sü zai nghoudu sünanou souveayu hinou khaipaloua po asü-a pohli kipeia buloure donou puh hisü dushoyu lühche sünavei shouh ahai peire,

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 12:6

Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.

PONGAOPEIYU 17:18

“Alia nenou ngaoyu naotupai sünasü deiphao hi vemaitao pei hi tukha sahrüyu dushoyu nuhdu sünasüe.”

PONGAOPEIYU 17:4

Naotu süpaisü maomüyu ea horoyu sabanüh nou bah nouwe, alia puhsü sana touhtao, chuh muhtei ea mukta chuhvei nataonou tupfüa bue. Puhbah hisü puhvei khulou souyu vei ngaorayu ea sheemoyu nataonou phoua buyu sana paili poa bue.

PONGAOPEIYU 18:12

huh sütaowo louzü sana, shahu, muhteiyu chuh, mukta chuh, puletao vei jüyusah, maomüyu sah, soumai sah, alia horoyu sah; kai veiyu süütya veishi, pao huhnou souyu na teitei, muhteiyu süü, baosa hu, hu, chara chuh;

PONGAOPEIYU 18:16

haibüa paolai, “Daizhozhou ngaopisa! Veishoyu jüyu sah, maomüyu sah ea horoyu sahnou banouyu, alia sana, muhtei chuh ea mukta chuhnou tupfüa laiyu dushoyu nuhdu süna donou daizhozhou ngaopisa!

PONGAOPEIYU 21:10

Alia rako hinou rakivamai sünanou Eye dushoyu ea kushoyu deichi ali pei hi sapaloua Mashee Jerusalem nuhdu nasü Ramai hinou raki vanou kouyu sü Ahi pongaopeie.

PONGAOPEIYU 4:2

Süphabü hinou Esü rako hinou buloure. Alia zhukhaio, raki vanou vebuh ali bua sühisü mai alinou chobua bue.