PONGAOPEIYU 17:14 - SHEEYU BAIBEL (BSI)

¹⁴ Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 17:14 Iomraidhean Croise

LOUTAO 110:5

Mapao hai ne bah zhoulova nou bue; puhnou lekha payu teithe zhousü, puhnou veo maitaoye sü souka sounghi khaiwulai.

JEREMIAH 1:15

daiolouzü Enou reikou nou buyu tyahrü hrülaiye sü tavelou tea kuwe. Puletao vei vemaitao nou taveloua Jerusalem vei robomü hinou ae bouvo pehao, ae Judah nuhdu teitei hinou puletao vebuh sü soushu paloulai.

JEREMIAH 50:44

“Souveo ali nou Jordan vaohro hinou tapa zhaotutao ye hutayu büa Mapao Enou Babilon maiye sü puletao vei nuhdutao hinou hutawulai. Süthaisü Enou dolouyu mai nanou tyahrü sünasü khasa-a hrülai. Thaonou Eye paona dalai? Thaonou Eye dulaige? Thaonou anghoujü hinou lalou süe?

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 2:47

Veo nou Daniel hi paoe, “Nevei Ramai hai rah kukhe veishi jünou dukayu Ramaie alia vemaitao vei Mapaoe, ae sülouho khupayu khesü süngao peiyu Ramaie, daiolouzü nenou tatei shoyu ae khupa shoyu nasü paosüpa peiwure.”

DANIEL 7:21

Enou zhua buyu phaki, kai sünatou nou Ramai vei maitao hi reih züre, alia puletao jünou reih veiloure.

ZEKHARIAH 2:8

Khoukhoulai Mapao nou neletaoye souveayu tyahrütao ye donou haibüa paoe: Mai tara linoua neletaoye souveayu hai Eye souveayu büa baie.

MATHIU 22:14

Alia Jisu nou khaisoua paoe, “Mai alaoye kue, ana mai daotua doloubaie.”

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

ROMMAI 1:6

Haisü Jisu Khrista hi buloure Ramai nou kulouyu Rom hi buyu neletao-a louwe.

ROMMAI 8:30

Alia sübüa Ramai nou docheyu maitaoye sü puhnou kua kuloue; alia puhnou kulouyu maitaoye sü lah puhye koa souzüpeie; alia puhnou puhvei khouko ava nasü puletaoye koa zha ngaozhoe.

ROMMAI 8:37

Moe, haitao teitei hinou Eletaowo Ehye leshi peiyu puh vanou reih koloumai jünou kouhie!

1 KORINTHMAI 15:24

Süthaisü akhai teile sü velai; sükisü Khrista nou teidei khomaitao, soulousü zü ea khouko teiteiye koloulai, alia süthaisü Vedei nasü Puo Ramai bah hi thoupeiwulai.

PAODAKHAIYU CHIKHA 10:17

Daiolouzü neletao Ramai Mapao hai rah kukhe veishi pei hi Ramai, alia paopumai pei hi Mapaoe, puh sü soukumoyu alia maivei seihla pomoyu khupayu khouko bushoyu Ramaie.

1 TIMOTHI 6:15

Rako avei ea likhu baiyu Aku Kulai, süolouzü vemaipei Veo ea paopumaipei Mapaowo puh veresü teile kao avei hinou Ramai nou povepeilai.

2 TIMOTHI 2:4

Vah soua buyu reihmai talinoua maisou hrühi koa lou hrüa butamoe, daiolouzü puhvei züpa süwo louzü puh pei chanavei li-choyu soure nasüe.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 11:7

Puhai nou puhaivei zhopaoh soucheyu kisü, akhai hayu raobvü hinou tapayu khaosou sünanou puhai pei hi reih souloua ea puhaiye koloua southealai.

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.