PONGAOPEIYU 16:6 - SHEEYU BAIBEL (BSI)

⁶ Daiolouzü puletao nou nevei sheeyu maitao ea rachi paolamai taovei zhesü soupare, alia südonou nenou puletao hisü zhe küloure donou peire. Haisü puletao nou ngaozüe!

PONGAOPEIYU 16:6 Iomraidhean Croise

2 VEMAITO 24:4

ae matsü tsülai soua puhnou mah ali-a hayu maitaoye southayu donou hai khesü panou vepare. Manasseh nou soukhai touyu mah haisü Mapao nou khaipeilou hore.

TAPALOUYU 21:24

nghithou ali süh nghithou ali, huh louzü huh, bah louzü bah, phi ali süh phi ali,

TAPALOUYU 7:17

Südonou chuo Mapao nou haibüa paore, ‘Puhnou soulaiyu vahtao hinou nenou puhye sü Mapao-e touyu süloulai. Zhukhaio, abah hinou poyu süüpo haina nou pokou Nail reidzü khoupei louzü reidzü teitei nou zhe data bailai.

ISAIAH 49:26

Enou neletaoye souvea souchoroyu maitaoye sü panou lah puletao vei sou sü toulai, ae zhaoh sozhiyu büa panou puletaoye sü lah puletao vei zhe kelai. Süthaisü deiphao mai hrülai nou E hai Mapao, neletaoye khailupa-apeio ae neletaoye panou lahdo soulouyu Ramai nasüe touyu süloulai.”

JEREMIAH 2:30

Hakonou E neletaoye tukha baire. Puletao nou achi zübare, zhaipou shishoyu khaosouveo ali büa neletao nou rachipaola maitao sü southare.

JEREMIAH 26:11

Süthaisü napao maitao ae rachipaola maitao nou peikho maitao alia maikhe maitao hisü paoe, “Mai hai nasü thai züe, daiolouzü puhnou nuhdu hainaye paoshiyu sü mai hrülai nou choure.”

JEREMIAH 26:16

Süthaisü süthai-apei maitao ae maikhe maitao nou napao maitao ae rachipaola maitao hi paoe, “Mai haina hai Etao hi Eletao vei Ramai Mapao zhih hinou chi paowe; puhye southayu kaomoe.”

DOPFÜYU 4:13

Ana hai khesü vepare, daiolouzü rachipaola peiyu maitao vei mahmo vanou ae napao maitao nou mahmo souwure. Puletao nou cheche maiye sü southawure.

EZEKIEL 32:6

Enou ne vei zhe hai deichitao pei hi lazü peilai ae reitao hisü panou kü phoupeilai.

MATHIU 7:2

daiolouzü neletao nou maiye chikuyu zhaibüa neletaoye chikulai, alia neletao nou maiye douyu sünanou neletaoye doulai.

LUK NOU RÜYU KO AVEIBVÜ 12:48

Ana puhvei züpayu sü süloumoa, dapei züdouyu vah souyu kilai naye sü khaiphoua dapeilai. Alaosou peikhaitouyu mai tali hinou alaosou kholai; alia maikhe mainou alaosou koua lüthoupei khaitouyu puh hinou puletao nou alaosou koua kholai.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 13:10

Maitaliye niloure bue toulouzü veimosoua puhye niloulai; maitaliye khochenou daotheare bue toulouzü veimosoua khochenou daothealai. Haihisü sheeyu maitao vei shameayu ea lü bue.”

PONGAOPEIYU 13:15

Alia khaosou sünavei zhu kuyu bashara sünaye panou chi paoloure ea sünaye thobayu maikhemai hrülaiye panou southeare donou puh hisü khaosou arainavei zhu kuyu bashara sünahi ssü houngthou peire khouko peire.

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

PONGAOPEIYU 18:24

Alia rachi paolamai, sheeyu maitao ea deiphao hinou southeawuyu maikhemai hrülai vei zhesü puh hinou ngaolouyu vanou Babilon ye sü tudee peire.

PONGAOPEIYU 19:2

Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”