PONGAOPEIYU 16:21 - SHEEYU BAIBEL (BSI)

²¹ Rateivanou maikhemai pei hisü reithou alilinou sühcho raingoupha süyu dushoyu reithoutao rükou loure. Alia reithou vanou veahoyu süna donou maikhemai nou Ramaiye chaloure, daiolouzü veahoyu süsü ngaopi zhulere.

PONGAOPEIYU 16:21 Iomraidhean Croise

JOB VEI LARÜBVÜ 38:22

Enou ra-rei pokhai touyu kide nasü ne vulia tave ngaoho ngaomo hie?

JOB VEI LARÜBVÜ 38:23

Enou sütao sü veahoyu teile hi ae soureih soure teile hia pore donou khaikhaitoue.

TAPALOUYU 9:18

Dosho chupha teile hi Enou shishoyu reithou, raichoki Ejipt teidei hi koukhai moyu reithou sü seikou peilai.

TAPALOUYU 9:22

Süthaisü Mapao nou Moses hi paoe, “Ejipt teidei teitei hi— mai khemai hi, hrikhaona hi, ae vupou teitei hi reithou panou kou deire donou ne bah sü raki hi lapa peikhaio.”

ISAIAH 30:30

Mapao nou mai hrülaiye sü panou tsükhou züyu puhvei pai sü choulai, alia khouko bushoyu puhvei lekha, mei taoyu meikei, teikhai teirü ashi, ae reithou kouyu sü panou ngaolai.

ISAIAH 8:21

Maikhe mainou veahosho-a alia houzüa nou teidei teitei hisü takou-takhelai. Puletao houzüyu ae lekhararou hinou puletao vei veo alia Ramai ye chaalai. Puletao nou ratei hi zhukheyuma,

EZEKIEL 13:11

Rachipaola-apei maitao hisü puletao vei kivo hai kaoduta laire tea paopeio. Enou teikhai teirü ashi sü seive peilai. Reithou nou sütao sü kou deipeilai ae teikhai teirü shishoyu sünou velai.

EZEKIEL 13:13

Ramai Mapao nou chuo haibüa nou paore: “Avei lekha rarou hinou teikhai teirü ashi ae reithou sü seive kivo sü soushiwulai.

JOSHUA 10:11

Israel mai nghoujü nou puletao nou tushia Beth-horon deishao hi kouhkhaie, Mapao nou Azekah teidei hi koute reithou nou pa rükouh mai alao ye deithapeie. Israel mainou puhtao ye southa jünou reithou nou kouh deithayua mai pousho hie.

PONGAOPEIYU 11:19

Sükisü Ramai vei Rathokisü houpare, alia sühinou puhvei Vo Bvü nasü zhingaoe. Alia sühisü tei peivavayu, pai bvüroyu, tei süyu pai, nü süyu ea rei thou kousho eloure.

PONGAOPEIYU 16:11

Sübüa puletao vei souyu ea chükü paopayu sütao donou puletao nou rakibu Ramaiye chaloure. Ana puletao vei ashi vah hinou puletao lesü daloubae.

PONGAOPEIYU 16:9

Puletaoye sü soushoyu meisounou chapeire, alia veahoyu haitao pei hi khouko buyu Ramai puh zhihsü puletao nou paoshi paokha peire, alia puletao nou le daloua puhvei dushosü paosho peibae.

PONGAOPEIYU 8:7

Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.