PONGAOPEIYU 16:2 - SHEEYU BAIBEL (BSI)

² Südonou rakivamai araina nou taloua puh vei paisü deiphao lakoure, alia khaosou süna vei shee buyu ea puhvei zhu raiyu basharaye thoyu maikhe maitao vahisü ngaopiyu ea soushoyu chükütao paloure.

PONGAOPEIYU 16:2 Iomraidhean Croise

2 PUOPAOKO 21:15

Neye panou veashoyu sou ashi soua teithe teithe hi sou shilailai soushi lailai talai.”

2 PUOPAOKO 21:18

Haibüa nou vepayu thaisü Mapao nou Jehoram hisü soushoyu sou ashi sünou seive peie.

LOUTAO 78:26

Puhnou teinghi palova teikhai sü panou hüve, ae puhvei khouko sünou khelova buyu teikhai sü panou hü shisho vepeie;

ISAIAH 3:17

Ana Enou puletaoye sü tudee peilai — Enou puletao pei sü biwulai sübüa panou pei kilei-a bailai.”

ISAIAH 3:24

Puletaoye sü pou kainüvei panou poyu thaosü tangiyu kai sünou peilai, khyakho veihtya nou phupfüyu thaosü panou rai phupfülai, peishu veihsho-a pfüyu thaosü panou pei kilei toulai, sabanü aveih banouyu thaosü pa soukou sah nou banoulai, sava-a hüvei sho-a bure thaosü panou hraongu pfüa bulai.

SEI-ATAMAI VAHTAO 12:23

Sübü hinou Mapao vei rakivamai alinou Herodye sü dakhaore, daiolouzü puhnou kathe nasü Ramai hi peimoe. Alia puhye sü shikhaonou toutheare.

PAODAKHAIYU CHIKHA 28:27

Ejipt mai hi vepayu büa Mapao nou neletao hi cho alia soushih, chükü pao-a tayu alia tho-a souyu hinou neletao hai veilouho-a panou vealai.

PAODAKHAIYU CHIKHA 28:35

Ne khoubou ae ne phi sü veilou hoyu soushoyu chükü paolai, phila hinou pei hi khete hai Mapao nou pa cho pa-a vealai.

PAODAKHAIYU CHIKHA 7:15

Mapao nou neletao hisü panou rahta-rahvu velai moe, neletao nou Ejipt teidei hi buki sounou ashi souyu khesü povailai peilai, ana neletaoye ngaobayu maitao hisü panou velai.

PONGAOPEIYU 13:12

Alia puhnou khaosou arainavei khouko teiteisü khaosou süna nghojünou poa vah soue, alia puhnou deiphao ea sühinou hrüa buyu maikhemai hrülaiye nou zhushi showu-a veilouyu khaosou arai naye panou tholoue.

PONGAOPEIYU 14:16

Südonou teihao peinou chobuyu puhnou puhvei kairaosü deiphao hi thaikouloua deiphaosü chiloure,

PONGAOPEIYU 14:9

Alia kukhe rakivamai asü chenanou araina hai thaifüa haibüa paikushoa paoe, “Maitalinou khaosou sünaye ea puh zhu raiyu bashara naye tholouzü, alia sünavei paoshee nasü puhi moa puh bah hi nokhaiwu louzü,

PONGAOPEIYU 16:1

Süthaisü Rathoki hinou kushoyu pai alinou rakivamai anaitao hi haibüa paoyu sü Enou choue: “Neletao taloua Ramai vei rarouyu pai anaitaosü deiphao hi lakoukhaio!”

PONGAOPEIYU 16:11

Sübüa puletao vei souyu ea chükü paopayu sütao donou puletao nou rakibu Ramaiye chaloure. Ana puletao vei ashi vah hinou puletao lesü daloubae.

PONGAOPEIYU 8:7

Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.

1 SAMUEL 5:6

Mapao nou Ashdod hi maiye sü souvea shopeie, ae puhnou Ashdod ae süpehao hinou hrüyu mai hrülaiye sü panou maah pa-a souyu sounou ashi tyanou seive souvea peie.

1 SAMUEL 5:9

Ana nuhdu sühi Vo Sübvü nasü pove khaiyu thai, Mapao nou nuhdu sühi hrüyu maiye sü shishoa nou tudee peie, sübüa nuhdu sühi hrüyu mai hrülai hai taidu sümoa maah pa-a souyu sounou nasü soukhai toure.