PONGAOPEIYU 16:14 - SHEEYU BAIBEL (BSI)

¹⁴ Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 16:14 Iomraidhean Croise

1 VEMAITO 22:6

Südonou Veo Ahab nou rachipaolayu mai kaihdai phali hai kuloua puletao hi noue, “Enou Ramoth Gilead hi reih souyu veiho shi-e?” Puletao nou chila peie, “Taho reih soua vei-e, Mapao nou neye veilouyu sü peilai.”

EZEKIEL 14:9

“Hakinou rachipaola-apei mai ali nou da-a cheche moyu hinou chila peilouzü, süsü Mapao Enou puhye soupeia baie. Enou puhye sü Israel maitao hrohinou popawulai.

MATHIU 24:14

Alia Vedei vei ko avei haina hai tahrüh pfüphouhi zhopaoh soure donou deiphao teiteihi paodou talai; alia süthainou akhai nasü velai.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MARK 13:22

Daiolouzü madayu Khristatao ea madayu rachi paolamaitao velai. Puletao nou sheetao ea khupa vahtao soungaoa soulou veilouzü Ramai nou dopalouyu maitaoye-a sümah peilai.

LUK NOU RÜYU KO AVEIBVÜ 2:1

Teile sükisü Kaisar Agasta hinou deiphao teiteisü maipei rüre donou kharochi vere.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

ROMMAI 1:8

Raikaia, neletao hrülai donou Jisu Khrista vanou Enou A Ramaiye kalo paowe, daiolouzü deiphao teiteinou neletao vei lü vanou choua bure.

2 THESSALONIMAI 2:9

Mai Ashi nasü Saitan vei khouko nou koa velai ea madayu shee ea khupavah tyali soulai,

1 TIMOTHI 4:1

Rakonou dukhea-a paowe süolouzü naki teile hisü mai kamaisü puletao vei lü nasü thaowulai, alia madayu rako khemai chi züa puletao nou rashitao nou doupeiyu thaisü fütalai.

JEMS 3:15

Haibüyu ratsü süwo raki hinou koumoe; süsüwo deiphao veibaie, süsüwo rakovei moe, rashivei baie.

JOSHUA 11:5

Mave mai sütao nou puletao vei reihmai hrülai thouhrü loua Israel maiye reih soure donou Merom reitou hi ve fühao soua bure.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:3

Puh peitao hronou alihai zhushi shoyu kua ngaoe, ana zhee nasü veiloure, alia deiphao teitei nou khupaloua khaosou süna thaisü fütare.

PONGAOPEIYU 16:16

Süthaisü rako sütaonou vemai sütao ye Ebria la hinou Armageddon touyu buh sünahi save dzüloure.

PONGAOPEIYU 16:7

Sühinou sheelabuh hinou pai alinou haibüa paoyu sü Enou choue, “Ovai Khoukhoulai Ramai Mapao nevei chikuyu taosü chechewe ea kaozüe!”

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 20:8

alia deiphao kainghou adai hinou raroua buyu tahrüh khemaitao, süolouzü Gog ea Magog ye lare donou puhnou tapalai. Sübüa Saitan nou puletao hrülaiye sü zai pei hi vünai zhou poua reih soure donou pove dzülai.

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 6:17

Daiolouzü ngaopi shoyu puhai vei rarouyu teithesü veloure, alia süna vei nghojü hisü thaohnou la-a buloulai?”