PONGAOPEIYU 15:4 - SHEEYU BAIBEL (BSI)

⁴ Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”

PONGAOPEIYU 15:4 Iomraidhean Croise

LOUTAO 105:7

Mapao hai Etao vei Ramai; puhvei chikhatao hai deiphao teitei donoue.

LOUTAO 111:9

Puhnou puhvei maitaoye sü panou lahdo soupeie, ae puletaoye koa teisa donou vo soukhai peie. Sheeyu ae khouko buyu nasü puh baie.

LOUTAO 22:23

“Mapao vei kilai maitaore, puhye paosholo! Jakob vei tyaosholea maitao, puhye tsükhoulo! Israel maitaore, puhye tholo!

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

LOUTAO 22:3

Ana neye sü Sheeyu Nasüe tea vebuh peiwure, ae Israel mainou paosho-a buyu sü ne-e.

LOUTAO 86:9

Nenou soupei khaitouyu tyahrü hrülai nou tave neye khurülai; puletao nou nevei aduso nasü paosholai.

LOUTAO 89:7

Sheeyu maitao nou tave jüa buyu buh hisünou neye ngaopi-a bue; ae puletao mai hrülai nou neye khuhao-a nou lapoa bue.

LOUTAO 97:8

Oh Mapaowo, nenou chidei soupeiyu donou, Zion hi buyu mai hrülai nou lesa-a bue, ae Judah nuhdutao hi hrüa buyu mai hrülai nou asasho-a bure.

LOUTAO 99:5

Etao Ramai Mapao ye paosholo; puhye tave puhvei vebuh hinou tholo! Sheeyu nasü puh baie!

LOUTAO 99:9

Etao Ramai Mapao ye sü paosholo, ae puhye sheeyu deichi hinou tholo! Eletao Ramai Mapao hai sheewe.

ISAIAH 24:15

alia teinghi palova buyu maitao-a puhye paosholai, ae zai pehao hinou hrüyu maitao nou Israel maivei Ramai Mapao zhih sü paosholai.

ISAIAH 25:3

Südonou khouko pfüshoa buyu tyahrütao nou neye paosholai, zhaipou shishoa buyu nuhdutao vei tyahrü khenou neye ngaopilai.

ISAIAH 26:9

Khei teile hi avei tsüle teitei nou neye thainüwe, avei hrümai teitei nou neye phouwe. Nenou deiphao maiye chikuyu phaki deiphao hi hrüa buyu mainou acheche nasü süloulai.

ISAIAH 45:23

Enou lah chaachou souwure, amü hinou acheche nasü paopawure. Achipao khesü hasou kilia datalai moe; Mai hrülai nou aphi hinou nakou khurülai, la hrülai nou ahinou chaachou soulai.”

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

ISAIAH 6:3

Puletao hai alinou ali hi haibüa paoe, “Masheeo, Masheeo, Masheeo! Khoukhoulai Mapao hai mashee-e! Puhvei khoukho ava sünou deiphao teitei hi phupoa nou bue.”

ISAIAH 60:5

Neletao nou hai khesü ngaoloua asa sholai, ae lesayu nou paohao louholai, daiolouzü tyahrü kukhe maitao vei nangi khesü neletao hi pfüvelai, ae zai pe polova hi buyu kini khesü neletao hi povelai.

JEREMIAH 10:7

Tyahrü hrülai vei veo, neye sü thaonou tsükhou molaige? Tsükhouyu nasü nenou ngaozüe. Tyahrü hrülai hrohinou tsüveiyu maitao moa vemaitao hrohinou ne büyu mailia hae.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

JEREMIAH 5:22

Esü Mapao-e, neletao daisounou Eye pi mowe? Neletao anghoujü hinou daisounou pi-hi moge? Enou venai sü zai dzü panou lapalai more donou teisa vei deirai soua khaipeie. Zaidzü nou hou-a buyuma süna jünou lalai moe, teikhai teirü ashi ve-a sünasü souphe louhoe.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

HABAKKUK 1:12

Oh Mapao, avei Ramai, avei Masheeo, Ne sü teisa nou hria buyu namowu? Oh Mapao, nenou Babilon maiye panou Eye souveare donou soudusho peiwure; Oh chuhduo, nenou peletaoye panou Etaoye tudeere donou soushu peiwure.

ZEKHARIAH 14:16

Süthaisü Jerusalem pei hi reih soua thaisho khaitouyu tyahrütao nou po patsü velou Khoukhoulai Mapao ye puletao Veo soua ve tholai alia Sahpaonü nasü nülai.

ZEKHARIAH 2:11

Süzhou teithe tyahrü taolinou Mapao hisü velai alia puhvei mai soutalai, alia puh hai-a neletao hrohinou bulai. Süthaisü Khoukhoulai Mapao nou Eye neletao hi seivewe touyu hai neletao nou süloulai.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

ROMMAI 15:9

alia sübüa tahrüh kukhemai taonou Ramaiye puh vei zhuvea vanou paosho loulai. Haisü sheeyu larübvü nou paoyu büe, “Südonou Enou neye tahrüh kukhemai hrohinou paosholai; Enou nehi shoyu lou soulai.”

1 PITAR 1:16

Sheeyu larübvü hinou paoe, “Neletao nou shee-a bulai, daiolouzü Ewo sheewe.”

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 14:7

Puhnou haibüa pai kushoa paoe, “Ramaiye piloukhaio ea puhvei adushosü paoshokhaio! Daiolouzü puhvei chikulaiyu phasü veloure. Raki, deiphao, zai alia dzünghoutao soupeiyu puhye sü tholo.”

PONGAOPEIYU 16:5

Sühinou dzütao pei hi khoyu rakivamai sünanou haibüa paoyu sü Enou choue, Oh Chuchu buyu ea raikinou buyu masheeo, nenou chiku kouyu haitao sü kaozüe!

PONGAOPEIYU 16:7

Sühinou sheelabuh hinou pai alinou haibüa paoyu sü Enou choue, “Ovai Khoukhoulai Ramai Mapao nevei chikuyu taosü chechewe ea kaozüe!”

PONGAOPEIYU 19:2

Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”

PONGAOPEIYU 19:8

Alia puhye panou veithou peivavayu ea sheetouyu jüyu sahnou bahnou loure donou süsü puh hi peire.” (Daiolouzü veishoyu jüyu sah sünasü sheeyu maitao vei cheche vahtaoe.)

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”

PONGAOPEIYU 6:10

Puletao nou shusou shaloua, “Mashee ea acheche, Khoukhoulai Mapao! Deiphao hinou hrüa buyu maikhe maitao pei hi nenou chikumojü ea Akhemai zhevei khü phoumojü teile kasho doua bulaihie?”

1 SAMUEL 2:2

“Mapao büa sheeyu mai ali-a hae; Neye raiyu mai aliro hae, Etao Ramai nou vupa peiyu büa mai kukhe ali-a hae.