PONGAOPEIYU 15:3 - SHEEYU BAIBEL (BSI)

³ alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 15:3 Iomraidhean Croise

SHURAI 17:1

Abram nou po raiküakü payu phaki, Mapao nou puh hi zhu ngaopeia puh hisü paoe, “E hai Khoukhoulai Ramai nasüe. Achi zülo alia teisa nou kaozü nasü soulo.

1 PUOPAOKO 6:49

Aaron vei tyaosholea maitao nou meidei-a posheelayu ae pou kainüvei meidei-a posheela khesü posheela peiwe. Puletao nou sheesheelaiyu buh hisü nou Israel mai vei mahmo donou posheela peiyu vah teitei sü Ramai vei kilaiwo Moses nou paodoupei khaitouyu thaifüa soupeiwe.

2 PUOPAOKO 24:6

Südonou veo nou napao peichana Jehoiada ye kuloua puh hi haibüa paoe, “Ne daisounou Levi maiye panou Judah teidei hi ae Jerusalem hinou hrüa buyu maitao hinou Mapao vei kilai Moses nou Mapao vei ki soure donou kikha pozü nasü panou khalou mowe?”

NEHEMIAH 9:14

Nenou puletaoye sheeyu Soteithe nasü reilo tea paodou peie, ae nevei kilai Moses ye panou nevei chikha khesü puletao hi peie.

JOB VEI LARÜBVÜ 36:24

Ramai nou soupfüyu vah haso khesü teisa nou paosholo; ne-a puhye paosholo.

JOB VEI LARÜBVÜ 5:9

Puhnou vah adu-dulih souwe, ana süsü Enou süve telou hoe. Puhnou khupa vah souyu sü akhai hae.

LOUTAO 100:5

Mapao hai veisho-e; puhvei leshi hai akhai hae, ae puhvei chilee checheyu nasü teisa nou bukou telai.

LOUTAO 105:5

Puhvei kilai Abraham vei tyaosholea maitao, puhnou dolouyu Jakob vei tyaosholea maitao: Ramai nou khupayu vah haso soupeikhai touyu khesü licholo, ae puhnou chidei peikhai touyu khesü licholo.

LOUTAO 111:2

Mapao nou soupfüyu vah haso khesü daizhou koute khupasa! Sütao jüpa-a buyu maitao nou sütao hai daivanoue touyu sülou nüwe.

LOUTAO 111:7

Puhnou soupfüyu vah teitei hai louche louveie ae kaozü hinou soua baie; puhvei kharochi pfüphou hai veikhai-a baie.

LOUTAO 139:14

Neye sü ngaopiyu kao-e, südonou Enou neye paoshowe; nenou soupfüyu vah haso teitei hai ngaokhupa khaibaie. Sütao teitei hai Enou sükhai toue.

LOUTAO 145:17

Mapao nou souyu vah teitei hai kaozü hinou soupeia baie, ae puhnou leshi hinou vah haso veishi hai soupeie.

LOUTAO 145:6

Maikhe mainou nevei khupayu vah haso khesü paolai, ae Enou nevei aduso nasü shapao peilai.

LOUTAO 18:30

Ramai vei vah haso hai veichekho toua baie! Mapao vei chipao hai cheche-e! Puhye louche-a phouyu mai hrülai hisü puhnou rü ali büa vupeiwe.

LOUTAO 78:12

Puletao vei puopaoh maitao nghoujü nou Ramai nou khupayu vah haso hai Ejipt maivei teidei Zoan deikho hinou soungao peie.

LOUTAO 92:5

Mapao, nevei vah haso khesü daizhou koute dusa! Nenou tsüchoyu khesü daizhou koute thousarou!

LOUTAO 99:4

Khouko buyu veo, acheche nasü nenou leshi-e; nenou Israel mai hi kaozü nasü soushu peie; nenou acheche ae kaozü nasü pove peie.

ISAIAH 33:22

Daiolouzü Mapao nou Etao pei hi chiku-apeio, ae kho-apeio sü soulai. Mapao nou Etao vei veo soulai, ae puhnou Etaoye khailu peilai.

ISAIAH 45:21

Neletao vei chi sü popa kukhaio, ae puletaoye sü panou koa kabülai touyu sü phaku zholou khaio! Thaonou vepare khesü rai-a paosü peie? Haisü Mapao Enou movu? E likhei baimoa nou checheyu Ramai ae khailupa peiyu Mapao kukhe alia-a ha-e.

DANIEL 6:20

Daniel nou buyu buh hisü puhnou nghikouyu phaki leveashoa puhnou Danielye shusoua lae, “Oh Daniel, Hriyu Ramai vei kilaiwo, nenou nevei hrümai teitei nou peia thoyu Ramai nanou neye souveotao hinou vupapei homoe?”

DANIEL 9:11

Israel mai hrülai nou ne chi zümoa chikha khesü pfüthowure alia tarei tare, alia nevei kilai Moses nou chikha rükhai peiyu hi chaa khesü lah Etao pei hi poveloua baie, daiolouzü Etao nou kaomo zümoyu mah sü souwure.

HOSEA 14:9

Tsüveia buyu maiye sü panou chipao haitao sülo, vei-shi sükulou süa buyu maiye sü pa haitao polo; daiolouzü Mapao vei ludu sü kaowe, alia acheche mainou ludu süna hai talouwe, ana mah maio louzü süna hinou phi süloua bailai.

MIKAH 7:20

Nenou raichoki Etao vei puopaoh Abraham ae Jakob hi paohpei khaitouyu büa nevei maitao hisü nevei tobai soumoa leshi peiyu nasü ngaopeilai.

ZEPHANIAH 3:5

Ana Mapao louzü chukoute nuhdu sühi bue, Puhwo checheyu likhei sou-a baie, kaomoyu halia soumoe. Teithe payu chü Puhwo louzü souzü vah nasü souwe; ana chechemoyu maitao nou hraoyu sümoe.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

PAODAKHAIYU CHIKHA 31:30

Süthaisü Moses nou Israel maisou ve jüa buyu hinou Lou hainasü soungao peie.

PAODAKHAIYU CHIKHA 32:3

Daiolouzü Enou Mapao zhih sü paosholai, alia Etao Ramai vei adusho sü paolai.

PAODAKHAIYU CHIKHA 34:5

Südonou Mapao nou paoyu thaifüa Mapao vei kilai Moses hai Moab maivei teidei hinou thaitare.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

EBRIAMAI 3:5

Moses hai kilai alikua Ramai ki hinou cheche-a hrüe, alia Ramai nou thaikhai hi paore sütao vanou puhnou zhopaoh peia chipaoe.

JOSHUA 22:5

Mapao kilai Moses nou neletao hi kharochi peikhai touyu taosü zütoulo: Ne Mapao Ramai ye leshilo, puh jüpa soulo, puh vei kharochi zülo, alia nevei hrümai teitei nou peia nou puh vah sü soukhaio.”

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 11:17

haibüa paoe: “Chuchu buyu ea raikinou buyu khoukhoulai Ramai Mapao! Ehnou neye kalo paowe, süolouzü nenou nevei khouko adu nasü poloua veo soushu loure!

PONGAOPEIYU 14:3

Mai 144,000 sütaonou vebuh, hrikhaona adai sütao, alia tsümai sütao nghojünou laloua maitalinoua doulou hoyu lou ashu nasü puletao nou souwe. Deiphao maikhemai hrülai hinou khailu palouyu sü puletao likhei baie.

PONGAOPEIYU 14:8

Kukhe rakivamai ahai chenanou araina thaisü füa haibüa paoe, “Puhsü kaotare! Dushoyu Babilon sü kaotare! Puhnou tahrüh khemai hrülaiye puhvei khulou souyu vei souvoyu zhaoh nasü panou sholoure!”

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.

PONGAOPEIYU 19:2

Daiolouzü puhvei chikuyu sü cheche-e ea kaozüe! Deiphaoye puhvei khulou souyu vah sünanou souhao-soushi peiyu khakhapfü adupainaye sü puhnou chikupeire. Ramai nou puhvei kilaitao zhe khühsü puh hinou phouloure.”

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”