PONGAOPEIYU 15:2 - SHEEYU BAIBEL (BSI)

² Sükisü Enou meinou hükhai touyu zhuzhu kuyu zai ali ngaoe. Alia khaosou süna ea sünavei zhu raiyu bashara sünaye, alia puh zhihvei chahpei sünaye kolouyu maitaoye-a ngaoe. Puletao sü Ramai nou puletao hi peikhai touyu lanabvü aduna sütao poa zhuzhu kuyu zai süna pehinou la-a bue,

PONGAOPEIYU 15:2 Iomraidhean Croise

MATHIU 3:11

Neletao le daloure touyu pongaore donou Enou neletaoye dzünou dzükhao dapeie, ana Athainou vere puhwo neletaoye Rako Mashinou ea meinou dzükhao dapeilai. Puhwo Ajünou dukou shohie; alia Ewo puh phikha potayu koutea khamoe.

1 PITAR 1:7

Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

1 PITAR 4:12

Leshi Asakhemai, neletaoye zhai zhure donou neletao pei hi vedao-a buyu veaho shoyu süna donou ha sütholi neletao hi vewe tea khupayu souwuso.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 13:17

Sükua maitalinou khaosou sünavei shee süolouzü khaosou sünavei zhih moa zhih süna süh soua tayu chahpei süna bumo louzü puhsü, halia hrüa hrüloushie moa zhoa zholoushie.

PONGAOPEIYU 21:18

Bouvou sünasü jaspar chuhnou soue, alia nuhdu sünawo louzü zhuzhu kua leireithou sheetouyu sananou soue.

PONGAOPEIYU 4:6

Alia vebuh süna nghojülo hisü leivavathou zhuzhu büyu zai ali bue. Vebuh sünaye sühaopoa, na-zhou, thai-jü hisü, thai-jü hi nghithou nou phoupfüa buyu hrikhaona adai bue.

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.