PONGAOPEIYU 14:7 - SHEEYU BAIBEL (BSI)

⁷ Puhnou haibüa pai kushoa paoe, “Ramaiye piloukhaio ea puhvei adushosü paoshokhaio! Daiolouzü puhvei chikulaiyu phasü veloure. Raki, deiphao, zai alia dzünghoutao soupeiyu puhye sü tholo.”

PONGAOPEIYU 14:7 Iomraidhean Croise

SHURAI 22:12

Süthaisü rakivamai nanou paoe, “Nahpoutuna pei hisü nebah khakhaiso, moa puhva hi halia souso, daiolouzü chuo Enou süloure, nenou leshi shoa buyu ne nahpoutu sü Ramai ye donou pangai moa alia Ramai ye pi-a khuhaowe touyu süloure.”

NEHEMIAH 9:6

Süthaisü Israel mainou haibüa veachi paoe: “Oh Mapaowo, ne likhei Mapao sü baie; nenou raki ae tei hi vutao hai soupeie. Nenou dei ae zai alia sühinou buyu na veishi hai soupeie; nenou sütao veishi hi hrirai thoupeie. Rakiva khouko khenou neye nakou khurüwe ae thowe.

LOUTAO 115:15

Raki ae deiphao soupeiyu Mapao ye sü panou neye shiha peiyu sü soulou theo.

LOUTAO 124:8

Etaoye soukha peiyu hai raki ae deiphao sou-apeio Mapao hinou vewe.

LOUTAO 33:6

Mapao vei kharochi hinou raki sü souloue, khouh, teinghi, ae vuhtao hai puhvei chipao nou souloue.

LOUTAO 36:1

Mahmo sounüyu hai mai ashi maitao vei tsüle hinou bua baiwe, puletao hi Ramai touyu hai ha-e, ae puhye tsükhouyu hai-a ha-e.

LOUTAO 89:7

Sheeyu maitao nou tave jüa buyu buh hisünou neye ngaopi-a bue; ae puletao mai hrülai nou neye khuhao-a nou lapoa bue.

LOUTAO 95:5

Zai hai puhvei-e, daiolouzü haisü puhnou soupeie; ae puhnou dei hai-a soupeie.

TAPALOUYU 20:11

Teithe arou sü neletao Ramai Mapao Enou raki, deiphao ae zai alia sütao hi hrüyu natao teitei sü soupeie, ana teithe anai zhousü E-a aso-e; südonou soteithe nasü Enou shiha peie alia soushee peie.

ISAIAH 40:3

Pai ali haibüa sha-e, “Mapao ye donou ludu souda peio, Etao Ramai ye donou radeiki hisü ludu vapeio.

ISAIAH 40:6

Pai ali nou haibüa paoe, “Shusoua shakhaio!” “Daitoua shalaige?” tea Enou noue. “Deiphao mai hrütou hai poube büa baie, ae puletao vei hüveiyu hai poupa ali büa baie.

ISAIAH 40:9

Oh Zion, deichi pei hi taopa loua ko aveih nasü shapao peikhaio, pai chihsho-a nou shapao peikhaio, ngaopiso. Judah vei nuhdutao hisü paopei khaio, puletao Ramai hai velaire.

ISAIAH 42:12

Kadou kounou hrüa buyu mai hrülaiye panou Mapao vei kathe sü paosholo.

ISAIAH 44:23

Oh ratei, deiphao hinou thousho-a buyu buhtao, shusoua shakhaio! Oh deichitaore, shurasoua lou soukhaio, ae vaohro hinou buyu süübe veishi! Daiolouzü Mapao nou puhvei aduso sü puhvei Israel maitaoye khailupa peiyu sünou soungao peiwure.

ISAIAH 58:1

Mapao nou paoe, “Shusoua pai chilou süyu koute pai chi-a shakhaio! Avei Isreal maitao hi puletao vei mah khesü shapao peikhaio.

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

EZEKIEL 7:2

“Thai-a bailaiyu mai nare, Ramai Mapao Enou Israel mai hi haibüa paowe tea paopeio: kainghou adai hinou buyu deiphao sü akhai soulaire.

EZEKIEL 7:6

Ha veishi nou chekhore. Akhai sü vere. Neletao hai hazei toure.

DANIEL 8:19

Puhnou ahi paoe, “Enou ne hi zho ngaoyu nasü, Ramai vei lekha rarou hai kabüa vepalaisa touyu süngao peiwe, daiolouzü zho haina hai akhai teithe hi vepare donou ngaopeiwe.

HOSEA 8:1

Mapao nou paoe, “Ngaoba mainou Amaitao vei teidei hi loure donou rashopeiki büa laire, shabe sü houre donou soudalouo, daiolouzü puletao nou Eye koa Vo soukhai touyu nasü souphewure, alia Avei chikha khesü pfüthouwure.

MALAKAI 2:2

Neletao nou achi kei basho-o, alia azhih veih souloure donou achi hai neletao hi khailoumo louzü, Enou neletao hisü chaa seive peilai alia neletao nou haveih ngaolouyu teitei nou chaawulai; cheche vuzünou na teitei hai Enou chaawure, daisounou tiyuo haihai neletao lekhe hi khailou moe, tea Mapao nou paoe.

MATHIU 25:13

Südonou, zhaihe-a kholo, daiolouzü neletao nou teithe süna moa pha sünasü sümoe.

LUK NOU RÜYU KO AVEIBVÜ 17:18

Daiolouzü vakoumai haina likheithe dakhaive Ramaiye kalo paobaiwe?”

SEI-ATAMAI VAHTAO 14:15

“Maikhe maitaore, neletao daidonou haikuyu vah hai souwe? Eh-a nele büyu maibaie, alia neleye panou hakoyu haitao teitei hinou tareiloua raki, deiphao, zaidu ea sütaohi buyu teiteiye soupeiyu hriyu Ramai hi panou veloure ko avei sü Ehnou nelehi povewe.

JOSHUA 7:19

Süthaisü Joshua nou Akan hi paoe, “Anahna, Israel maivei Ramai Mapao ye kathe soupeio, alia Puhye paosholo; ne dai-e soure touyu ahi paokhaio; süsü ahi da-a nou pokukhaiwu souo.”

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 15:4

Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”

PONGAOPEIYU 16:9

Puletaoye sü soushoyu meisounou chapeire, alia veahoyu haitao pei hi khouko buyu Ramai puh zhihsü puletao nou paoshi paokha peire, alia puletao nou le daloua puhvei dushosü paosho peibae.

PONGAOPEIYU 18:10

Puhvei veahoyu hi lou zha ngaozhoyu sü ngaopi-a puletaosü adou konou la-a haibüa paolai, Daizhozhou ngaopisa! Daizhozhou ngaohisa! Oh dushoyu nuhdu, Oh khoukhoulai nuhdu, Babilon! Teilecho ali levai hinou nevei hakayu sü veloure!

PONGAOPEIYU 18:17

Alia teilecho alikhei hinou sübüyu puhvei dushoyu kini teiteisü souhare.” Alia dzüluki paopu maitao, dzüluki hinou veih-hao souyu maitao, dzüluki veimaitao ea kukhe zai hinou huhsoutoua hrüyu maitao hrülainou adoukou nou laloure,

PONGAOPEIYU 18:19

Alia puletao nou puletao peiva nai polaipa khailoua kra-a ea dopfüa paoe: “Daizhozhou ngaopisa! Dushoyu nuhdu haina donou daizhozhou ngaohisa! Puhsü puhvei kini vanou zai hinou dzüluki pfüa laiyu maikhemai hrülaiye panou hani louyu nuhdu sünasüe! Alia teilecho alikhei hinou puhvei na teiteisü souhare!”

PONGAOPEIYU 19:5

Sükisü vebuh süna hinou pai alinou haibüa shapae, “He Ramaiye pi-a hrüyu maikhemai tai-du ea puh kilai khemai hrülai, Eletao vei Ramaiye sholo!”

PONGAOPEIYU 4:11

“Eh Mapao ea Ramai! Newo adusho, tsükhouyu ea, khouko ngaozüe. Daiolouzü nenou na teitei soupeie alia ne leli hinou puletao sü veloue ea hriloue.”

PONGAOPEIYU 4:9

Alia hrikhaona sütaonou teisanou hria vebuh hinou buyu puh hi adusho, tsükhouyu ea kalo pao-a lou souyu tsühsü,

PONGAOPEIYU 8:10

Süthaisü rakivamai asü chenanou puh besü houng-e, alia meikei kua keivavayu dushoyu teivuh alisü ratei vanou dekouloua deiphao hi rei zha asü hinou zhali hi ea dzühoung taohi kou loure.

1 SAMUEL 6:5

Neletao nou maah pa-a souyu zhairai ae neletao teidei soushi-a buyu zhao zhairai souloua Israel maivei Ramai ye tsükhou peio, sükulouzü puhnou neletao pei hi, neletao vei ratao pei hi ae neletao vei teidei hai soushipu moa khaipei shulai.