PONGAOPEIYU 14:6 - SHEEYU BAIBEL (BSI)

⁶ Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.

PONGAOPEIYU 14:6 Iomraidhean Croise

SHURAI 1:6

Ramai nou paoe, “Dzü hinou dzüko palowo alia dzü hinou dzü kukua bulowo,” sünasü sükua buloure.

2 SAMUEL 23:5

Sübüa nou avei tyaosholea pei hi Ramai nou ha peilai Daisounou touyuo puhnou Eye koa teisa halai moyu vo soukhai toue, pepo khailai moyu ae-ao touyu sü soukhai toue, teisanou datalai moyu chaachou sü souwure. Sünasü Enou jüpa palai nasüe; süna hai avei veilou ngalouyu nasü soulai, ae hai nasü Ramai nou pa vete vuzülai.

LOUTAO 119:142

Nevei acheche nasü akhai bulai moe, ae nevei chikha khesü teisa nou cheche-a bulai.

LOUTAO 139:24

Ahi hakinou tsü ashi bulouzü popa peio, ae Eye teisa nou bure ludu hisü süthaisa-a tapeio.

LOUTAO 145:13

Nevei vedei hai teisa vei vedei soulai, ae nenou akhai ha-a teisa nou veo sü soulai. Mapao nou paokhai touyu chipao teitei hai cheche-a vete-a bailai, ae puhnou soupfüyu veishi hai zhuvea leshi hinou soupeia baie.

ISAIAH 40:8

Poudai khesü kita-a bailai, poupa sü raita-a bailai; ana Ramai vei chipao sü teisa nou bukou telai.”

ISAIAH 45:17

Ana Israel mai louzü Mapao nou khailu peilai, ae teisa veilouyu sü ngaolai, alia puletao hai hraongu sü daokhai toulai moe.”

ISAIAH 51:6

Ne pei pfülashu rakiva sü zhukhaio, ae deiphao-a zhukhaio! Raki sü meikhao büa hata-a bailai; deiphao sü sabanü büa pata-a bailai, ae sühinou hrüa buyu maikhesü khaomai büa thaita-a bailai. Ana Enou khailupa peiyu nasü teisa nou bulai, avei khailu peiyu sü akhai bulai moe.

ISAIAH 51:8

Daiolouzü puletao hai sabanü ali büa rüh nou touloua bailai, ae soumaisah ali büa khu nou touloua bailai. Ana avei khailu peiyu sü khapao teitei vei soulai.”

ISAIAH 6:2

Puhvei pehao teitei hisü shouh pfüyu Seraphim khaona sünou sühao poa bue, alia puletao hai shouh arou pfüe, shouh ahai nou pah ho-e, shouh ahai sünou pfüphao ho-e, alia shouh ahai sünou pfüa zhaowe.

EZEKIEL 1:14

Hrikhaona sütao nou teipeivavayu büa takou takhewe.

DANIEL 4:1

Veo Nebukhadnezzar nou deiphao hinou hrüyu mai hrülai hi, tyahrü teitei hi ae la kukua paiyu maitya veishi hi haibüa chi paotae: “Neletao mai hrülai nou savayu sü soulou theo!

DANIEL 9:21

Enou veachi paoa buyu phaki, raiki avei zho hinou ngaoyu rakivamai Gabriel nou koukhe posheelayu teile hinou ahi zhaove-e.

MATHIU 10:27

Enou neletao hi teizhi hinou paopeiyu nasü neletao nou teiva hinou paovuzükhaio, alia neletao nou kheia choulouyu nahai kipei hinou pa shakhaio.

MARK 16:15

Puhnou puletao hi paoe, “Deiphao teiteihi taholoua emai hrülaihi ko avei nasü paodou peikhaio.

ROMMAI 16:25

Eletao Ramaiye paosho laikhe! Enou Jisu Khrista vanou paodouyu Ko Aveina ea dao deiphao soushu rainou khei-a khaikhai touyu kheitsüna pongao peiyu thaifüa, puhnou neletaoye panou neletao vei lü hinou khouchi-a lalou süe.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

2 THESSALONIMAI 2:16

Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

1 PITAR 1:25

ana Mapao vei chipaowo louzü teisanou bubaie.” Neletao hi paongao peiyu chipao haina hai Ko Avei nasüe.

PONGAOPEIYU 10:11

Sühinou haibüa Ahi paopeie, “Nenou maikhemai alao vanou tahrüh, la, alia vemaitao vanou Ramai chipaosü paodoupu vuzülai.”

PONGAOPEIYU 10:7

Ana rakivamai anai chenanou puh be houngyu teithe kisü Ramai nou puhvei kilai rachi paolamaitao hi paosü peiyu kua puhnou khei-a soudakhai touyu nasü souvetewulai.”

PONGAOPEIYU 13:7

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.

PONGAOPEIYU 8:13

Süthaisü Enou zhue, alia lühche alinou kushoa ratei tsüle hinou zhaopoa haibüa paikushoa paoyu sü Enou choue, “Kukhe rakivamai asütaonou houngpa laiyu bekho sütao vanou deiphao hi hrüa bumai hrülai donou daizhozhou ngaopisa! Daizho zhou ngaopisa! Daizhozhou ngaopisa!”