PONGAOPEIYU 14:4 - SHEEYU BAIBEL (BSI)

⁴ Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

PONGAOPEIYU 14:4 Iomraidhean Croise

LOUTAO 45:14

Veishoyu sabanü nou tupoa honapai sü veo hi saloue, puh thaifü poa nou loumaina taolinou puhye sü veo hi salou peie.

LOUTAO 74:2

Raichoki nou nevei mai panou soulai tea dopakhai touyu maitao, ae maivei qila soua buyu nevei tyahrü naye panou soulai tea khailupa khaitouyu maitaoye sü licho peio. Nenou vuli hrüa buyu Zion Deichi nasü mangai peiso.

SOLOMON VEI LOU 1:3

nenou noupeiyu theadzü taosü kainü veishoe, ne zhih sü lapa khaitouyu kainüvei theadzüe; südonou naotu maitao nou neye leshiwe.

SOLOMON VEI LOU 6:8

Veo ye sü panou vemaipfü rairou, khusoupfü raicha, alia kilai maipfü chosha louho soua buwu!

JEREMIAH 2:3

Oh Israel, ne sü avei baie; neletao hai avei sheeyu nasüe. Enou neletaoye souveayu maitao hisü veahoyu ae hakayu sü seive peie. Haisü Mapao Enou paowe.”

AMOS 6:1

Zion hinou talabou-a nou vashoa hrüyu khemai, Samaria deichi hinou vaphia ngaopiyu aliro hanou hrüa buyu khemai, tyahrü hrohinou matsüli soua bukhemai, Israel mainou ve soukha khoa buyu maitao, neletao hai daizhou koute veayu soulaisa!

MATHIU 19:12

Daiolouzü kamaihai puletao pfü pou hinou sübüa nakouyu vasou-damai bue, alia kamainou emainou souda peiyu vasou-damai bue, alia kamainou Raki Vedei donou lah paomainou vasou-damai soulouyu-a bue. Doupeiyu haina polou süyu puhye panou haina hai poloukhaio.”

MATHIU 25:1

“Sükisü raki Vedei hai puletao vei meibvü poloua sheerepuye daore donou tapayu loumaina kiroutaoye pao nadalou veie.

MATHIU 8:19

Alia razhai dou-apeimai alinou puh hi taveloua paoe, “Dou-apeio, nenou tayu buh taki hisü E-a nethaifüa talai.”

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 13:37

Pitar nou puh hi paoe, “Mapao, daidonou chu Enou nethai fülou holai? Enou neye donou Ahrirai peilai!”

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

1 KORINTHMAI 16:15

Thaihou jürai maitao, Stephanas kikhamai hai Akhaia teidei hinou raikaia lou Khristamai soulouyu maitaoe ea lah puletao hai sheeyumaitao vei kuvah donou le loushoa vah souwe touyu sü chuo neletao nou süloure.

1 KORINTHMAI 6:20

neletaoye sü muhnou hrüloure. Südonou neletao vei pfüphao hinou Ramai kathe soulo.

1 KORINTHMAI 7:28

Ana nenou sheelouzü, newo mah soumoe; alia loumaina alinou nghilouzü puhsü mah soumoe. Ana sheenghiyu maitao sü deiphao hi vei veahoyu daolai, alia Enou neletaoye panou sühinou palou nüwe.

2 KORINTHMAI 11:2

Ramai nou doyu sübüa Enou neletao phao doshoa bue; daiolouzü nghirepai sheetouyu loumaina aliye puhvei chaahi peilaiyu büa, Enou neletaoye Khrista ki noutore.

EPHESAMAI 1:14

Ramai nou puh maitaohi peilai tea apaopei khaitouyu nasü Eletao nou ngaolai touyuhai Rakonou lapeiyupao nasüe, alia hainanou Eletao hi Ramai nou puhmaitaoye mado souchekhou peilai touyuhai paosheetou peiwe. Eletao puh kathe paolaikhe!

EPHESAMAI 5:27

alia haisü lüloumaimeye lah puh hi zhai veishoa süolouzü shee-a ea mahlia ha-a, chaalia taomoa moa tei lia taomoa ea kukhe chemoyu alia ha-a popeire donoue.

1 TIMOTHI 4:3

Sübüyu maitao nou sheenghi more ea touso kamai toumore donou nuwe. Ana touso sütao-a lülouyu ea achechena sülouyu puletaoye donou Ramai hi kalo paowu-a toure donou Ramai nou soupeie.

EBRIAMAI 12:23

Neletaowo rakihi zhih rüthouyu Ramai vei nah narai khemainou sasa-a vedzüyu sühi tave louloure. Neletaowo emai hrülai pei hi chiku-apeio Ramai ea sou liche peiwuyu achechemai rakotao hi tave louloure.

JEMS 1:18

Puhvei leli hinou Eletaoye panou puhvei hrikhaona teitei hronou raikaiyu shithoutao soure donou acheche vei chipaona vanou puhnou Eletaoye panou veloure.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 21:22

Alia Enou nuhdu sühisü Rathoki alia ngaomoe, daiolouzü Khoukhou lai Ramai Mapaowo ea Zhaotou sünanou sünavei Rathokie.

PONGAOPEIYU 21:23

Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.

PONGAOPEIYU 3:4

Ana Sardis hi buyu neletao hrohinou mai daotuwo louzü puletao vei sabanüh soutei mohie. Puletao nou sahkaa ba-a Eye koa talaitalai, daiolouzü puletao nou süsü souzüe.

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.