PONGAOPEIYU 14:2 - SHEEYU BAIBEL (BSI)

² Alia Enou raki vanou dzü dukho kuyu ea teisüyu pai kuyu paili choue. Pai süsü lou souyu mainou puletao vei lanabvü aduna kayu loukho süna büe.

PONGAOPEIYU 14:2 Iomraidhean Croise

2 SAMUEL 6:5

David alia Israel mai kukhe taonou phi cho-a talukhu lou soupoa nou khouko teitei nou lou-a, lou souyu basei, khubvü, hu baiyu kho tyalih nou ko-a Ramai ye shoe.

2 PUOPAOKO 20:28

Puletao nou Jerusalem hi velouyu phaki, khubvü da-a ae shabe nghoupoa puletao hai Mapao vei rathoki hi taloue.

LOUTAO 147:7

Mapao ye lou nou sousho khaio; Etao Ramai ye poa lou souyu baseina noupu paila aveih nou sousho peikhaio.

LOUTAO 149:3

Puletaoye panou puhvei zhih hinou asashoa chopoa nou paosholo; khubvü ae gaigou da-a puhye paosho khaio.

LOUTAO 33:2

Mapao ye gaigou poloua lou sousho khaio, lou souyu basei khenou poloua puhye lou sousholo.

LOUTAO 43:4

Süthaisü Enou nevei posheelabu hi velai, Oh Ramai; Enou savayu ngaore sü ne hinou baie. Enou gaigou ae lanabvü sü kalai ae neye lou sousholai, Oh Ramai, Avei Ramai.

LOUTAO 57:8

Arako, tashulo! Tashulo, poa lou souyu avei basei natao, Enou teithepa laiyu phaki kaishu peilai.

LOUTAO 92:3

poa lou souyu basei nou koa kho veishoa neye lou soushoyu hai daizhou koute vei sarou!

LOUTAO 93:4

Zaidu hi dzü khüpayu jünou dupua ae zaidzü nghoupayu jünou khouko bupua Mapao nou rakiva hinou khasa-a nou bue.

LOUTAO 98:5

Mapao ye lou sousholo! Paikho veisho-a nou poa lou souyu basei khesü dakhaio!

TAPALOUYU 19:16

Teithe asü zhou shona sü teisüre ae teipeivavare, alia deichi vasü teihao nou chaotei touloure, ae shabe khosü chishoa nghoupare, sükukhaie fühao hinou buyu mai hrülai sü ngaopi shoa ngure.

TAPALOUYU 20:18

Maikhe mainou teisüyu ae shabe nghouyu kho sülou khaie alia deichi vanou mei khaopayu sü ngaolou khaie, ngaopia ngure, alia puletao nou buh hroa nou la-a bue.

ISAIAH 17:13

Tyahrütao nou dzüdu külaiyu büa velai, ana Ramai nou puletaoye züpeiyu phaki, puletao hai tudakhai ta-a bailai, teikhai nou thouba hüpoa tayu büa alia teikhai ashi sünou halih hüpoa tayu büa puletaoye sü hüpoa ta-a bailai.

EZEKIEL 43:2

ae Enou teinghei palova nou Israel maivei Ramai vei khouko ava nasü va-a nou zhingao-e. Ramai vei paikho hai zai hi dzü nghouyu büe, ae puhvei khouko ava sünou deiphao sü valoure.

ZEKHARIAH 9:14

Mapao nou puhvei maitao hisü veloulai, alia puhvei loushu nasü teireiyu büa kalai. Ramai Mapao nou besü houpoa khelo nou teikhai-teirü ye koa savelai.

1 KORINTHMAI 13:1

Enou emai ea rakivamai la taonou paokhaia, leshi halouzü, Esü hu dayu kho moa hu baiyu kho bübaie.

PONGAOPEIYU 1:10

Mapaowo teithe kisü Esü Rako hinou bue, alia bekho büyu kushoyu paili Enou Athailo vanou choue.

PONGAOPEIYU 1:15

puh phisü mei hinou pothou deiloua kukhai touyu peiva vayu hu baosa zhu kue, alia puh paisü dzü alaovei pairao kue.

PONGAOPEIYU 11:12

Sükisü rachi paolayu puhai nou raki nou kushoyu pai alinou puhai hi haibüa paoyu sü choue, “Haihi tapalo!” Puhai vei ngaobamai taonou zhua buyu hinou puhaisü teihao hinou raki hi khetare.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 15:2

Sükisü Enou meinou hükhai touyu zhuzhu kuyu zai ali ngaoe. Alia khaosou süna ea sünavei zhu raiyu bashara sünaye, alia puh zhihvei chahpei sünaye kolouyu maitaoye-a ngaoe. Puletao sü Ramai nou puletao hi peikhai touyu lanabvü aduna sütao poa zhuzhu kuyu zai süna pehinou la-a bue,

PONGAOPEIYU 18:22

Alia lanabvü aduna kho, emai pai, shaa houngyumai pai ea bekhosü hakia nehinou choupukhai laimoe! Alia bahsha vah hinou raiyumai taliye hakia nehinou ngaopukhai laimoe; alia thouh veiyu chuhpa vei kholia nehinou choupukhai laimoe!

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

PONGAOPEIYU 6:1

Süthaisü Zhaotu sünanou paoshee anaitao hronou raikhana hapayu sü Enou ngaoe, alia hrikhaona adai hrohinou alinou teisüyu kho büa, “Tavelo!” tea paoyu pailisü Enou choue.

PONGAOPEIYU 8:7

Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.