PONGAOPEIYU 14:13 - SHEEYU BAIBEL (BSI)

¹³ Süthaisü raki vanou pai alinou haibüa paoyu Enou choue; “Haisü rükhaio: chu shonou Mapaowo vei kuvah souyu hinou thaiyu maisü rakoveie!” Rakonou chila peie, “Ovai achechenou! Puletao nou puletao vei te-a vah souyu hinou soloulai, daiolouzü puletao vahnou puletao thaifüwe!”

PONGAOPEIYU 14:13 Iomraidhean Croise

LOUTAO 19:11

Sütao nou nevei kilai Eye tsüdo peiwe, sütao zü louyu donou Eye buu peie.

LOUTAO 85:13

Acheche nasü nou Mapao vei nghoujü nou rai-a tapeilai, ae puhye donou ludu sü souda peilai.

ISAIAH 35:10

Puletao nou asasho-a nou lou soupoa Jerusalem hisü velou loulai, puletao nou teisa sava-a hrülai, alia veahoyu ae dongai pfüyu bulai moe.

DANIEL 12:13

“Daniel, ne soutaosou akhai koute sheamealo. Ne thaitalai, ana akhai teithe hisü ne dakhai hrishu loulai alia nevei buu nasü ngaoloulai.”

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

LUK NOU RÜYU KO AVEIBVÜ 16:25

“Ana Abraham nou paoe, ‘Anahna, likhaio, süolouzü nenou hribu kisü ne sü na avei teitei ngaoloure, alia sübüa Lazaras-a ashi teitei ngaoe; ana chuo puhsü haihinou vasho-a bure, alia newo chorosoua bure.

LUK NOU RÜYU KO AVEIBVÜ 16:9

“Alia südonou Enou neletao hi paoe, deiphao vei kini vanou neletao lah neletao vei samai phoulo, sübüa sünasü cheyu kisü puletao nou neletaoye teisa halouho kihi save loulai.

ROMMAI 14:8

Eletao nou hrilouzü, haisü Mapaoye donou hribaie ea Eletao nou thailouzü, haisü Mapaoye donou thaibaie. Südonou Eletao sü thai-a hri-a Mapao veibaie.

1 KORINTHMAI 15:18

Süthaisü Khrista hinou zhitayu puletao-a ha-kare.

1 KORINTHMAI 15:20

Ana athai hinou zhia buyu maitao hai hrishu vuzülai touyu lapeiyupao soure donou Khrista hai athai hinou hrishu cheche loure.

1 KORINTHMAI 15:58

Südonou leshiyu Athaihou jürai khemai, latoulo ea lükhaiso. Mapaowo donou vah souyu hisü kou-noulo, daiolouzü Mapaowo donou te-a vah souyu hai hakia raohamoe touyu sü neletao nou süwe.

2 KORINTHMAI 5:8

Eletaowo khu veishoa bue, alia Ehwo pfüphao vei ki haina hai thaowu-a Mapaoye koa puh ki hinou ve hrüre sünanou züpa kouhie.

PHILIPPIMAI 2:17

Chechenou Azhehai posheelayu nali büa neletao lüvei sheelabuh hi popei louzü, süsü Eye donou lesabaie ea neletao hrülaiye koa lesabaie.

1 THESSALONIMAI 4:14

Daiolouzü Eletao nou Jisu hai thailoua hrida shuloure tea louche, alia südonou Jisu ye louche-a zhitayu khemaitaoye sü puhye koa Ramai nou podalou khailai.

1 THESSALONIMAI 4:16

Sükisü Mapao puhsü chikha peiyu pai-rao sünaye koa, alia rakivamai peichana vei pai naye ea Ramai vei bekho sünaye koa raki vanou takoulai. Alia sükisü Khrista hinou thaitayu khemai sütaonou raia hrishulai;

1 THESSALONIMAI 5:10

Eletao nou kai-a bu-a, zhi-a bu-a puh veyu kisü Eletao sü puhye koa hrüre donou puhnou Eletao donou thaipeire.

1 TIMOTHI 5:24

Mai kamaivei mahwo puletao jünou rai ta-a chikumo jühinou sheetoua ngaobaiwe; ana kamaivei mahwo thaikhai hinou likhei ngaolou baiwe.

1 TIMOTHI 5:25

Sübüa vahvei taohai dua ngaolou baiwe, alia dua ngaomoyu tao-a kukhai louhoe.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 10:4

Alia teisüyuvei pai sütaonou chi paocheyu thaibü hisü Esü rüthoulai tea bure, ana raki hinou pai alinou haibüa paoyu sü Enou choue, “Teisüyu anaitao nou paoyu sü khei-a khailou baio; alia süsü rüthouwuso!”

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 11:19

Sükisü Ramai vei Rathokisü houpare, alia sühinou puhvei Vo Bvü nasü zhingaoe. Alia sühisü tei peivavayu, pai bvüroyu, tei süyu pai, nü süyu ea rei thou kousho eloure.

PONGAOPEIYU 16:17

Süthaisü rakivamai anai chenanou puh paisü teikhai hi lakhaire. Alia Rathoki hi vebuh süna hinou kushoyu pai alinou paipaloua haibüa paoe, “Haisü souloure!”

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”

PONGAOPEIYU 2:1

“Ephesa hi buyu lüloumaime vei rakivamai nahi rükhaio: “Chi haitaosü bah zhoulo vanou teivuh anai keipoa buyu ea sana meibvü dzükhaiyu buh anaitao hronou talaia buyu maisüna vei chipao nasüe.

PONGAOPEIYU 2:7

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih ko louyu puh hisü Ramai vei Shofü hinou paopayu ahri süübe vei rashithouna touloure zü nasü Enou peilai.

PONGAOPEIYU 20:6

Hrishuyu raikhanahi lou zha ngaozho louyu puletaosü rako veishoyu ea sheeyu maitaoe! Athai ahai chenanou sübüyu maitao pei hisü khouko hare, ana puletaosü Ramai vei ea Khrista vei napaomaitao soulai, alia puletao nou puhye koa po theli ve-a bulai.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 6:11

Sükisü puletao mailili hisü zaokaa adu chekhei peie, alia puletaoye southeayu büa southea laiyu puletaoye koa kilai souyutao ea puletao vei thaihou jürai maitaoye-a dathea chekhoumo koutesü phajü sopuloulaiwo tea puletao hi paopeie.