PONGAOPEIYU 14:11 - SHEEYU BAIBEL (BSI)

¹¹ Puletaoye souveayu mei sünavei meikhao nasü teisanou khaopa-a bue. Khaosou süna ea puhvei zhuraiyu bashara naye thoyu, alia sünavei zhihvei shee ngaolouyu maitalisü khei-hea soyu ngaolai moe.”

PONGAOPEIYU 14:11 Iomraidhean Croise

SHURAI 19:28

Puhnou Sodom ae Gomorrah alia deikho teitei hi zhukouyu phaki meikhao hai mei alao deiyu büa meikhao payu zhingaoe.

LOUTAO 10:16

Mapao sü akhai ha-a teisa nou veo sü soulai. Rah kukheye thoyu maitao hai puhvei teidei hinou hata-a bailai.

LOUTAO 145:1

Oh avei Ramai ae veo, Enou nevei duso nasü paosholai. Enou neye teisa nou kalo paolai.

TAPALOUYU 15:18

Mapao nou teisa sü Veo soua sa-a nou hrülai.”

ISAIAH 33:14

Zion hinou mahmo soua buyu maikhe sü ngaopire ae Ramai ye louche moyu maikhe sü ngure. Puletao nou haibüa paoe, “Etao hrohi thao mainou mei tao-a buyu buh hi bulou süe? Etao hrohi thaonou teisa mei tao-a buyu mei hisü bulou süe?”

ISAIAH 34:10

Hea-khei sü mei tao-a bulai, meikhao sü teisa nou khaoa bukoutelai. Teidei sü maiphao teitei hinou shi-a bailai, alia mai ali koute-a teidei sünasü tacho talai moe.

ISAIAH 34:8

Daiolouzü Mapao nou khüngu phoure teile ali bue, ae Zion ye khailupa peire po ali bue.

ISAIAH 57:20

Ana mai ashimai hai zai hi dzü nou thaokhai toumoa lüa nou haoro shitya ae konai hai vakou houpayu bütoua soupeilai.

DANIEL 3:6

Mai tarali noua sünaye pei pfüa nakou thomoyu maiye sü thalasou mei hinou deithea bailai.”

JOEL 2:30

“Enou rakiva ae deiphao hie khupayu vah soungaolai, zhe, mei ae meikhao büa nou soungaolai.

MATHIU 11:28

“Vah vea-a soulaimai ea kou sü-a pfülaimai hrülai Ahi tavelo, Enou neletaoye panou soloulai.

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

PAODAKHAIYU CHIKHA 28:65

Tyahrü sütao hrohinou neletao hai vaphia shoyu, moa neletao vei-e tea halia ngaolai moe. Ana Mapao nou neletaoye sü pinguyu, nghithou ngaomoyu alia levea dongai pfüyu nasü neletao hi peilai.

EBRIAMAI 1:8

Ana Nah Poutu vanou Ramai nou haibüa paoe: “Nevei vedeiwo, Oh Ramai, khainou khaikoute bulai! Nenou nemaitaoye sü acheche sünou tukha-a hrüwe.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 13:12

Alia puhnou khaosou arainavei khouko teiteisü khaosou süna nghojünou poa vah soue, alia puhnou deiphao ea sühinou hrüa buyu maikhemai hrülaiye nou zhushi showu-a veilouyu khaosou arai naye panou tholoue.

PONGAOPEIYU 13:15

Alia khaosou sünavei zhu kuyu bashara sünaye panou chi paoloure ea sünaye thobayu maikhemai hrülaiye panou southeare donou puh hisü khaosou arainavei zhu kuyu bashara sünahi ssü houngthou peire khouko peire.

PONGAOPEIYU 13:17

Sükua maitalinou khaosou sünavei shee süolouzü khaosou sünavei zhih moa zhih süna süh soua tayu chahpei süna bumo louzü puhsü, halia hrüa hrüloushie moa zhoa zholoushie.

PONGAOPEIYU 14:9

Alia kukhe rakivamai asü chenanou araina hai thaifüa haibüa paikushoa paoe, “Maitalinou khaosou sünaye ea puh zhu raiyu bashara naye tholouzü, alia sünavei paoshee nasü puhi moa puh bah hi nokhaiwu louzü,

PONGAOPEIYU 18:18

alia puhye meideiyu vei meikhao sünasü puletao nou ngaolouyu kisü haibüa shusoua raoloure. “Dushoyu nuhdu haina büyu kukhe nuhdu lia bukhai mohie!”

PONGAOPEIYU 18:9

Alia puhye koa khulou vah souyu ea vashoa hrüyu deiphao hi vemaitao nou puhye meideiyu meikhao süna ngaolouyu kisü puhye donou puletaosü kralai ea dopfülai.

PONGAOPEIYU 19:3

Süshoa puletao nou shapukhaie, “Hallelujah! Dushoyu nuhdu sünaye meidei-a buyu sühinou meikhaosu teisa nou khaopawe!”

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 22:5

Sühisü khei touyu bupu laimoe, alia sühisü puletaoye donou meibvü moa teinghi vei avasü matsü hae, daiolouzü Ramai Mapaowo nou puletao vei ava soulai, alia puletao nou teisanou ve soua hrülai.

PONGAOPEIYU 7:12

haibüa paoe, “Amen! Paoshoyu, adusho, ratsü, kalo paoyu, tsükhouyu, khouko ea khou-chihyu sü teisanou Eletao Ramai veie, teisanou! Amen!”