PONGAOPEIYU 14:10 - SHEEYU BAIBEL (BSI)

¹⁰ puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 14:10 Iomraidhean Croise

SHURAI 19:24

Süthaisü Mapao nou raki vanou Sodom ae Gomorrah nuhdu ahai hisü meichuh ae mei seikou thoure,

JOB VEI LARÜBVÜ 18:15

Rashi lalou more donou puh vei sahpao nasü poudzü thou kavuloua mai tarali noua lou bulou veire.

JOB VEI LARÜBVÜ 21:20

Mahmo souyu mainou lah mahmo thaipfüa veayu sü panou ngaotheo, Ramai vei lekha rarou nasü puletaoye panou ngaotheo.

LOUTAO 11:6

Puhnou maishi mai hisü meithou nou rükou peilai; meikei vei teikhai sünou seive puletaoye sü tudee peilai.

LOUTAO 37:34

Mapao vei vu sü zhilo, ae puhvei chikha khesü zülo; puhnou neletaoye tsükhouyu hinou teidei nasü neletao hi peilai, ae mai ashi maiye hulaiyu sü neletao nou ngaolai.

LOUTAO 52:6

Acheche maitao nou haisü ngaoloua ngaopilai, süthaisü puletao nou neletaoye konüa haibüa paolai,

LOUTAO 60:3

Nenou nevei maitaoye alaosou souvea peie; nenou Etaoye sü panou zhaoh sozhi-a laiyu maili büa chaorara tare.

LOUTAO 73:10

Südonou Ramai vei maitao koute-a puletao thaisü fütare, ae puletao nou chi paoyu khesü louche tare.

LOUTAO 75:8

Mapao nou puhvei lekha rarou nou phoupoa buyu darkha zhaoh pai ali hai puh bah hinou poa bue. Puhnou sünasü lakou peie, ae mai ashi mai hrülai nou ke loure; puletao nou paitei akhai hi koute hai ke khailoure.

LOUTAO 91:8

Mai ashi maiye kabüa tudee peiwe touyu khesü nenou zhulouzü ngaoloulai.

ISAIAH 29:9

Neletao chaome soua vo-a buwo! Neletao lah nghithou soucha loua hangao moa buwo! Neletao zhi-a buwo, ana zhaoh shoyu vanou mo-a! Chaorara-a laiwo, ana zhaoh sozhiyu vanou sousho!

ISAIAH 30:33

Asaria maivei vedei pothou mei deire donou buh ali daoh raichoki nou souda khaitoure. Buh sünasü thou-a thoushoe ae du-a dushoa soukhaitoue, alia meideire süü hai-a alao soudawure. Mapao nou ssü haiyu meikei nou kou sünasü taoloulai.

ISAIAH 34:9

Edom hi rei khesü kolas data-a bailai, ae nai sü meithou chuh vitalai, alia teidei teitei sü mei deiyu buh souwulai.

ISAIAH 51:17

Oh Jerusalem, kaishulo! Neletao lah kaishulo ae kushulo! Mapao vei lekha rarou hinou tudeeyu chapai nasü neletao nou keloure; neletao nou sünasü keloua chaorara poa lua bure.

JEREMIAH 25:27

Süthaisü Mapao nou ahi haibüa paoe, “Israel maivei Ramai, Khoukhoulai Mapao Enou puletaoye sü sozhimo koute kelo ae rüpakhaio, alia kaoduta-a kaishupumo koute ke khaio tea kharochi peiwe tea maikhe mai hi paopeio, daiolouzü Enou puletao hisü soureih seive peilai.

JEREMIAH 49:12

“Tudeeyu vei chapai hinou kezü moa buyu maitao-a tudee peiyu vei chapai hinou ke laie. Neletaoye tudee peilai moe tea neletao tsüchowu? Moe, neletao hai chapai süna hinou kelai!

JEREMIAH 51:57

Enou puhvei peikho maitaoye panou zhaoh sozhi loulai— tsüveiyu maitao, süthai-apei maitao ae reihmaitao. Puletao nou zhitalai ae kaishupu khaitoulai moe. Haisü veo, Enou paowe, E sü Khoukhoulai Mapao süe.

DOPFÜYU 4:21

Edom ae Uz teidei hinou hrüa buyu maitaore, asalo ae vasa-a bulou khaio. Neletao hia veahoyu nasü velaire; neletao-a baitoua nou hraongu pfüa talai.

EZEKIEL 20:48

Puletao mai hrülai nou mei sünasü Mapao Enou shaothou peiwe touyu hai ngaolai ae mai linoua sünasü sounghei loulai moe.”

EZEKIEL 38:22

Enou puhye sü sounou ashi zhe kükouyu nou tudee pailai. Teivu ashi ae reithou, süpei hinou mei ae meithou nou puh hi ae puhvei reihmaitao hi alia puhye koa salaiyu tyahrütao hisü koupeilai.

HABAKKUK 2:16

Neye tsükhouyu thao nasü hraongu nou peilai. Ne lah kelou-a lulai! Mapao vei bah zhoulo nou pai nasü poa ne hi peilai, alia kathe vei thao nasü hraongu ngaoyu nou peilai.

MATHIU 20:22

Ana Jisu nou nahpoutu haihi chila peie, “Nelenou dai khosa touyu nelenou sümoe, Enou külaiyu paina hinou nele-a pokülou süwu?” Puhainou chila peie, “Ovai Ehnou pokü lousüe.”

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 26:39

Alia tadouphou kouloua puhnou deiphinou kou khüa kaoloua veachi paoe, “Apuo, soulou veilouzü veayu pai haina hai Ahinou potapeio; sütou khaia, Enou liyu bümoa nenou liyu büa soupeio.”

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

MARK 9:44

(Sühisü, puletaoye toua buyu shikhao sü hakia thaikhaiwu moe, alia puletaoye deia buyu meisü hakia ngheikhaiwu moe.)

SEI-ATAMAI VAHTAO 10:22

Puletao nou chila peie, “Eletaoye reihmai kaihpei chawo Kornelia nou seive-e. Puh hai Jihudimai hrülainou tsükhouyu acheche ea Ramaiye piyu mai lie. Puhye panou nevei chipao sü keiloure donou neye puh kihi kuvere donou sheeyu rakivamai alinou puh hi paopeie.”

PAODAKHAIYU CHIKHA 29:23

Teidei teitei nou mei nou deilaiyu tai ae chuh data bailai. Sühi halia shothou laimoe, halia paopa laimoe, vudai poudai ali koute-a chüpa laimoe. Sühai Mapao vei lekha rarou hinou souha laiyu Sodom ae Gomorrah, alia Admah ae Zeboüm bübailai.

2 THESSALONIMAI 1:7

alia Mapao Jisu nou khouko buyu puhvei rakivamai taoye koa meikei hinou raki vanou veyu kisü vea-hoa buyu neletao ea Ehye panou vaphia soloulai.

JUD VEI SEIKO 1:7

Sübüa Sodom, Gomorrah ea sühai ngheikihi buyu nuhdutao-a khulou souyu ea pfüphao vei zhaido moyu mah vanou puletao nou akhai hayu meivei tudee pfüyu sünanou maikhemai hrülai hi sheetoua tukha peiwe.

PONGAOPEIYU 15:7

Sükisü hrikhaona adai hrohinou alinou teisa nou hria buyu Ramai vei rarou nou phoutsü poa buyu sana pai anaitao sü popa rakivamai anaitao hi peie.

PONGAOPEIYU 16:19

Dushoyu nuhdu nasü zhasüsoua soukhore, alia tahrüh khemaitao teiteivei nuhdu taosü souhare. Alia Ramai nou dushoyu Babilon ye sü licholoua puhye panou puhvei lekha-rarouyu zhaohnou phoupfüa buyu pai nasü küloure.

PONGAOPEIYU 18:3

Daiolouzü tahrüh khemai hrülainou puhvei khulou souyu vei chihshoyu zhaoh nasü shozhi loure. Deiphaohi vemaitao nou puhye koa khulou vah souloure, alia deiphao hi huh-ha souyu maitao nou puhvei loküyu kini sütao vanou hanisho loure.”

PONGAOPEIYU 18:6

Puhnou peiyu kua puh hisü peikhaio; alia puhnou souyu vahtao thaifüa puh hisü zha ahai koua paorü peikhaio. Puhnou neletaoye donou lathou chohpeiyu pai süna hinou puhye donou zha ahai chihkoua lathou chopeikhaio.

PONGAOPEIYU 19:15

Puhmü hinou haivei shoyu khocheli pawe ea sünanou poa puhnou tahrüh khemaitaoye sü koloulai. Puhnou puletaoye sü hu sü danou poa tukha-sahrülai, alia puhnou khoukhoulai Ramai vei rarou shoyu darkhadzü sühyu buh sü tailai.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:14

Süthaisü Athai ea Thaimai Deiphaoye sü meizaihi polai thoure. (Meizaibuh hai nasü athai ahai chenasüe.)

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”