PONGAOPEIYU 13:8 - SHEEYU BAIBEL (BSI)

⁸ Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 13:8 Iomraidhean Croise

SHURAI 22:7

Isaak nou “Apuo” tea kue, alia puo nou “Oe! E haibue” toure. Isaak nou paoe, “Zhukhaio, ne bah hi mei alia süü hai bure, ana meidei-a posheelare zhaotu sü daiki bue?”

LOUTAO 69:28

Puletao vei zhih sü nevei hriyu larübvü hinou souha peio; nevei maitao zhih rüyu hisü puletao vei zhih sü rüthou peiso.

TAPALOUYU 32:32

Ana zhuvea puletao mah sü khaipeio; nenou puletao mah sü khaipei laimoe toulouzü, nevei larübvü hinou azhih rüthou khai touyu nasü popha laipeio.”

ISAIAH 4:3

Jerusalem nuhdu hinou shokhai tou-a buyu maitao, Ramai nou thaimo-a panou dopapei khaitouyu mai hrülaiye sü sheeyu maitao tea kulai.

DANIEL 12:1

“Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

LUK NOU RÜYU KO AVEIBVÜ 10:20

Sütoukhaia rashi taonou neletao khakhehi hrüe touyu vanou sawuso; ana neletao zhih hai rakihi rüthoure touyu vanou salo.”

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

EPHESAMAI 1:4

Deiphao soumo jühinou, Eletaoye panou shee-a buloure ea puh nghojünou chaa alia ha-a buloure donou Eletao nou Khristaye koa ali soulouyu hinou puhvei souloure Ramai nou Eletaoye doloure.

PHILIPPIMAI 4:3

Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

PONGAOPEIYU 12:15

Alia sükisü zai nghoudu sünanou naotupai sünaye sü dzüduye panou dupoa tare donou naotupai süna thailo vahisü reidzüdu kuyu dzünou puh mü hinou füpa shopeie.

PONGAOPEIYU 13:12

Alia puhnou khaosou arainavei khouko teiteisü khaosou süna nghojünou poa vah soue, alia puhnou deiphao ea sühinou hrüa buyu maikhemai hrülaiye nou zhushi showu-a veilouyu khaosou arai naye panou tholoue.

PONGAOPEIYU 17:8

Nenou ngaoyu khaosou sünasü teile alihi hria bue, ana chuwo hrikhai more, alia sünasü akhai hayu raobvü hinou tapare hinou bure ea puhvei hakayuhi tawe. Teideiphao soushurai hinou ahri larübvühi zhih rüthoulou moyu deiphao hinou hria buyu maitao nou khaosou sünaye ngaolouyu kisü khupalai, daiolouzü puhsü teile lihi hrie, chuwo hrikhai more, ana puhsü vepukhailai.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 3:20

Zhukhaio, Esü kikhu hinou la-a khouwe; maitalinoua Apaisü chouloua kikhu houpeilouzü Enou puh hisü talouloua puhye koa touzholai, alia puhnou Eye koa touzholai.

PONGAOPEIYU 3:5

Reih kolouyu puletaoye sü sübüa sabanüh kaanou tupeilai, alia Enou hakia puletao zhihsü ahri larübvü hinou sounghiwu laimoe. Apuo ea puhvei rakivamaitao nghojünou puletao hai Amai baie tea Enou dua paopalai.

PONGAOPEIYU 5:12

alia haibüa pai kushoa lou soue: “Southeawuyu Zhaotu puhsü khouko, kini, ratsü, khou-chihyu, tsükhouyu, adusho, alia paoshoyu sü ngaozüdoue!”

PONGAOPEIYU 5:13

Süthaisü Enou raki hi, deiphao hi, deikhe hi, zai hi, alia teideiphao teitei hi buyu hrikhaona hrülai nou haibüa lou souyu sü choue: “Vebuh hinou buyu puh ea Zhaotu hisü paoshoyu, tsükhouyu, adusho ea khou-chihyu buyu sü teisanou souloukhaio, teisanou!”

PONGAOPEIYU 6:1

Süthaisü Zhaotu sünanou paoshee anaitao hronou raikhana hapayu sü Enou ngaoe, alia hrikhaona adai hrohinou alinou teisüyu kho büa, “Tavelo!” tea paoyu pailisü Enou choue.