PONGAOPEIYU 13:6 - SHEEYU BAIBEL (BSI)

⁶ Puhnou Ramai pei hi, puhzhih, puhnou hrüa buyu buh, alia raki hi nou hrüa buyutao hrülai pei hi chi paoshire donou puh müsü hapa loure.

PONGAOPEIYU 13:6 Iomraidhean Croise

JOB VEI LARÜBVÜ 3:1

Sübüa buhinou Job nou puh mü khalou-a puhye nalouyu teithe nasü chaa-a paotare.

LOUTAO 73:9

Puletao nou raki hinou buyu Ramai ye sü paoshi peie, ae deiphao maiye chaochao soua kharochi peiwe.

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

DANIEL 7:8

Enou kai sütao sü tsüchoa zhua buyu phaki, kaitao hrohinou kai taitou ali paopa-a zhingaoe, kai sünatou nou paopaloua rai-a buyu kai kukhe asü taoye sü bei hinou soula laiwure. Kai sünatou hisü nghithou ali bue, alia khouphu soushoyu chipao paoyu mü ali bue.

MATHIU 12:34

Nghou tyaonah taore, neletao hai shi-a bulukhu kabüa avei chi paoloulai? Daiolouzü lekhe hinou phoupeia buyu hinou münou paopawe.

MATHIU 15:19

Daiolouzü lekhe hinou tsü ashitao veloua sütaonou maiye southeayu, maipfü maipuoye sapayu, khulou souyu, vaoyu, amada zhopaoh souyu, alia maichi paoshiyu haitao povewe.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

ROMMAI 3:13

Puletao rao hai houkhai touyu khüh-e; puletao mali nou tobai soumoa madawe, puletao tai khehisü shishoyu nghou tu bue;

KOLOSSEMAI 1:19

Daiolouzü Nahpoutu nou lah puh hi Ramai zhai chekhoua buyu sü Ramai puhvei leli nasüe.

KOLOSSEMAI 2:9

Daiolouzü, puhvei emai hrü hisü, Ramai zhai teiteisü buchewe,

EBRIAMAI 9:2

Daiolouzü sühisü sahpao ali soushupa khaitoue, kijülo kide nasü Mashi Buh tea kuwe. Sühisü meibvü dzükhaiyu buhli, alia arübuhli ea süphao hisü Ramaiye posheelayu raokhao-a bue.

EBRIAMAI 9:24

Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure.

PONGAOPEIYU 11:12

Sükisü rachi paolayu puhai nou raki nou kushoyu pai alinou puhai hi haibüa paoyu sü choue, “Haihi tapalo!” Puhai vei ngaobamai taonou zhua buyu hinou puhaisü teihao hinou raki hi khetare.

PONGAOPEIYU 12:12

Südonou Oh raki ea sühinou hrüa buyu neletao lesalo! Ana deiphao ea zaiye donou daizhozhou ngaopisa daiolouzü rashinanou puh teilehai phajütou baire touyu sü sülouyu vanou raroushopoa nehaihi koure!”

PONGAOPEIYU 15:5

Haithaisü Enou raki hinou Ratho kisü houpa khaitoua sühisü zhopaohvei sahpaona bua ngaoe.

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

PONGAOPEIYU 21:3

Alia Enou vebuh hinou pai kushoyu alinou haibüa paoyu choue: “Zhukhaio, chuwo Ramai vei kisü emaiye koa bure! Puhnou puletaoye koa hrülai, alia puletaosü puhmaitao soulai. Ramai puh vuzünou puletaoye koa bupeilai ea puhsü puletao vei Ramai soulai.

PONGAOPEIYU 4:1

Haiphabü hinou Enou kukhe zho ali hinou Raki vanou kikhuli houkhaitoua ngaoe. Alia Enou raiki chouyu bekhona büa Ahi chipao-a buyu lapai sünanou haibüa paoe, “Haihi tapakhaio, alia hainathai pavu zülaiyu taosü Enou nehi ngaopeilai.”

PONGAOPEIYU 4:4

Vebuh sünaye sü kukhe vebuh kaidainou sühaopoa bue, alia sütao vahisü tsümai kaidainou chobua bue. Puletao sü sabah nüh kaanou nouwe ea puletao peiva hisü sana vepeirü rüpfüe.

PONGAOPEIYU 5:13

Süthaisü Enou raki hi, deiphao hi, deikhe hi, zai hi, alia teideiphao teitei hi buyu hrikhaona hrülai nou haibüa lou souyu sü choue: “Vebuh hinou buyu puh ea Zhaotu hisü paoshoyu, tsükhouyu, adusho ea khou-chihyu buyu sü teisanou souloukhaio, teisanou!”

PONGAOPEIYU 7:15

Südonou puletaosü Ramai vei vebuh nghojünou la-a bue ea kheihea nou puletao nou puhye sü puhvei rathoki hinou kuvah sou a bue. Vebuh hi buyu puhnou puh bahnou puletaoye sü hopeilai.

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.