PONGAOPEIYU 13:4 - SHEEYU BAIBEL (BSI)

⁴ Alia maikhemai hrülainou zai nghoudu naye tholoure, daiolouzü puhnou puhvei khoukosü khaosou sünahi peire, alia puletao nou khaosou sünaye-a tholoua haibüa paoe, “Khaosou süna büyu thaoh bue? Puhye thaohnou reih zülou sülai?”

PONGAOPEIYU 13:4 Iomraidhean Croise

TAPALOUYU 15:11

“Oh Mapao! Ramaitao hrohinou thaonou neye raiyu bue? Thaonou neye büa sheeyu bue? Thaonou khupayu ae khekai vah nenou soulouyu büa soulou süyu buge?

ISAIAH 46:5

“Nenou Eye thao raiwe tea paona dalai?” tea Mapao nou paoe. “Eye raibüyu mailia buhage?

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

PAODAKHAIYU CHIKHA 9:2

Mai haitao hai Anakim mai büa dusho sho-e. Neletao nou puletaosü süwe alia haibüa paoyu choure; ‘Anakim mai nghoujü thaonou lalousüe?’

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 12:4

Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

PONGAOPEIYU 13:11

Süthaisü kukhe khaosou ali deiphao hinou tapayu Enou ngaoe. Puhvei zhaotu kai kuyu kai ahai bue ea puhnou zai nghou duna büa chi paowe.

PONGAOPEIYU 13:15

Alia khaosou sünavei zhu kuyu bashara sünaye panou chi paoloure ea sünaye thobayu maikhemai hrülaiye panou southeare donou puh hisü khaosou arainavei zhu kuyu bashara sünahi ssü houngthou peire khouko peire.

PONGAOPEIYU 13:2

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 18:18

alia puhye meideiyu vei meikhao sünasü puletao nou ngaolouyu kisü haibüa shusoua raoloure. “Dushoyu nuhdu haina büyu kukhe nuhdu lia bukhai mohie!”

PONGAOPEIYU 9:20

Veahoyu haitaonou southealou moyu kukhe maikhe maitao nou rashitao, alia ngao-a ngaomoyu, chou-a choumoyu, ta-a talou hoyu, puletao bahnou soukhai touyu sana, shahu, baosa hu, chuh ea süünou soukhai touyu bashara taoye thoyu hinou puletao lesü daloumoe.

1 SAMUEL 17:24

Israel maitao nou Goliath ye zhingao loukhaie, puletao mai hrülai hai ngaopi shopoa tutare.