PONGAOPEIYU 13:17 - SHEEYU BAIBEL (BSI)

¹⁷ Sükua maitalinou khaosou sünavei shee süolouzü khaosou sünavei zhih moa zhih süna süh soua tayu chahpei süna bumo louzü puhsü, halia hrüa hrüloushie moa zhoa zholoushie.

PONGAOPEIYU 13:17 Iomraidhean Croise

GALATIAMAI 6:17

Akhai hinou, maitalinoua Eye souvea pupei khaiso, daiolouzü Apfüphao hi zheebuyu sünanou Ehai Jisu vei kilai baie touyu sü pongaowe.

PONGAOPEIYU 13:16

Khaosou sünanou maikhemai taidu, hani-haha, qila ea dosouyu maitao hrülai vahi süolouzü puletao vei bah zhoulo moa puletao puhi shee ali nutsüloua soupeie.

PONGAOPEIYU 13:18

Sübüyu hainanou ratsü pfüloure kuwe. Maitalinou tsüvei-a bulouzü puhye panou khaosou sünavei chahpeisü choloukhaio, daiolouzü süsü emai alivei chahpei baie. Puhvei chahpeisü 666 süe.

PONGAOPEIYU 14:11

Puletaoye souveayu mei sünavei meikhao nasü teisanou khaopa-a bue. Khaosou süna ea puhvei zhuraiyu bashara naye thoyu, alia sünavei zhihvei shee ngaolouyu maitalisü khei-hea soyu ngaolai moe.”

PONGAOPEIYU 14:9

Alia kukhe rakivamai asü chenanou araina hai thaifüa haibüa paikushoa paoe, “Maitalinou khaosou sünaye ea puh zhu raiyu bashara naye tholouzü, alia sünavei paoshee nasü puhi moa puh bah hi nokhaiwu louzü,

PONGAOPEIYU 15:2

Sükisü Enou meinou hükhai touyu zhuzhu kuyu zai ali ngaoe. Alia khaosou süna ea sünavei zhu raiyu bashara sünaye, alia puh zhihvei chahpei sünaye kolouyu maitaoye-a ngaoe. Puletao sü Ramai nou puletao hi peikhai touyu lanabvü aduna sütao poa zhuzhu kuyu zai süna pehinou la-a bue,

PONGAOPEIYU 17:5

Puh puhisü haibüyu, “Dushoyu Babilon, deiphao hi khakha maitao ea ngaorayu hrülai vei pfü, touyu khei zhih ali rüthou pfülaie.”

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 22:4

Puletao nou puh zhusü ngaolai, alia puh zhihsü puletao puvahi rükhailai.

PONGAOPEIYU 3:12

Reih kolouyu puhye sü Enou Aramaivei Rathokihi kikali panou soulai, alia süsü thaowu-a puhsü hakia takhai laimoe. Enou puh vahisü Aramai zhih ea rakiva Aramai hinou koulaiyu Aramaivei nuhdu, ashu Jerusalem zhihsü rukhai peilai, alia Enou puh vahisü Avei ashu zhihna-a rükhai peilai.

PONGAOPEIYU 7:3

“Ehnou Eletao Ramai kilaitao puva hi paoshee nomo koutesü deiphao, zai moa süübetaoye sü soushiwu khaiso.”