PONGAOPEIYU 13:16 - SHEEYU BAIBEL (BSI)

¹⁶ Khaosou sünanou maikhemai taidu, hani-haha, qila ea dosouyu maitao hrülai vahi süolouzü puletao vei bah zhoulo moa puletao puhi shee ali nutsüloua soupeie.

PONGAOPEIYU 13:16 Iomraidhean Croise

2 PUOPAOKO 15:13

Mai taralia, tsümai-a ae nahlemai-a, moyuma naotu-a ae poutu mai-a Israel maivei Ramai Mapao ye tho moyu maiye sü southawulai.

JOB VEI LARÜBVÜ 34:19

Puhnou veo mai hie tea phaoboyu hae, toungi maiye phaoboyu hae, daiolouzü mai hrülaiye soupeie.

LOUTAO 115:13

Puhnou puhye tsükhouyu mai hrülai, taidu souku moa nou ha peilai.

LOUTAO 49:2

tai-du ae toungi touha sümoa mai hrülai nou hai sü keinoulo.

TAPALOUYU 13:9

Haibüa reihyu hai neletaoye panou licho loure donou neletao bah hi ae neletao pu hi shee saokhai touyu büa Mapao vei chikha khesü panou süloure donoue. Daiolouzü Mapao nou khupasoua neletaoye Ejipt teidei hinou sapapei khaitoue.

EZEKIEL 9:4

“Jerusalem nuhdu veishi hisü tasühao takhaio, ae nuhdu hai hinou vah ashi ae ngaorayu vah soukhai touyu levea dopfü buyu maitao pu vasü larücha daopeie.”

ZEKHARIAH 13:6

Alia mai tarali nou puletao hi ‘Ne phaohi daisounou zhimü pfüwe?’ teanou noulouzü, puletao nou ‘A samai kihi nou zhiloua baie’ tea chila peia bailai.”

SEI-ATAMAI VAHTAO 26:22

Ana zhou koutesü Ramai nou Eye soukhapeie alia südonou Enou buh haihinou la-a taidu hrülai hi raibüa Enou Avei zhopaoh peiwe. Enou paoyu sü rachi paola mainou ea Moses nou sübüa palai tea raia paoyu sünaye raibübaie!

1 KORINTHMAI 12:13

Daiolouzü Jihudimai khaia, moa tahrüh kukhemai khaia; qilatao khaia moa do soumaitao khaia Rako alinou Eletao hrülaiye sü pfüphao ali hinou dzükhao dapeire, alia Eletao hrülaiye panou Rako ali hinou küloure.

GALATIAMAI 3:28

Südonou chuo Jihudimai ea tahrüh kukhemai kolehi, kilaitao ea mado souyu maitao kolehi, naotu-poutu kolehi halia soukuyu hare, daiolouzü neletao hrülaisü Khrista Jisu hinou ali souloure.

GALATIAMAI 6:17

Akhai hinou, maitalinoua Eye souvea pupei khaiso, daiolouzü Apfüphao hi zheebuyu sünanou Ehai Jisu vei kilai baie touyu sü pongaowe.

EPHESAMAI 6:8

Qila-a, mado souyuna-a lah puhnou vahvei souyu süna thaifüa Mapao nou mai hrülaiye buu peilai touyu sü licholo.

PAODAKHAIYU CHIKHA 11:18

“Chipao haitao hai ne tsüle hinou khaitou toulo, licholou süyu shee büa ne baohi nou khipalo alia nepu hinou phukhailo.

PAODAKHAIYU CHIKHA 6:8

Sütao hai panou licho loure donou ne bah hi khikhailo, ne pu hi meakhailo,

KOLOSSEMAI 3:11

Zhai ashu haina hisü, tahrüh kukhemai ea Jihudimai touyu, hee rodeyumai ea rodemoyu mai touyu, hasü moyu-dupamoyu tahrümai touyu, qila, do soumai touyu ali-a hae, ana Khrista nou ha teitei baie ea puhwo ha teiteihi bubaie.

2 TIMOTHI 3:8

Janne ea Jambre nou Mosesye motouyu büa, tsü shitayu ea lü hinou ha-ka tayu mai haitao nou-a acheche naye sü motouwe.

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 15:2

Sükisü Enou meinou hükhai touyu zhuzhu kuyu zai ali ngaoe. Alia khaosou süna ea sünavei zhu raiyu bashara sünaye, alia puh zhihvei chahpei sünaye kolouyu maitaoye-a ngaoe. Puletao sü Ramai nou puletao hi peikhai touyu lanabvü aduna sütao poa zhuzhu kuyu zai süna pehinou la-a bue,

PONGAOPEIYU 19:18

Tavelo ea vemaitao vei vasou, reihmai peichamai ea reihmaitao vei vasou, rheitao ea sütao vahi buyu maitao vei vasou, mado soua hrüyumai ea qila maitao vei vasou ea maikhemai taidu hrülaivei vasousü ve touloukhaio!”

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 19:5

Sükisü vebuh süna hinou pai alinou haibüa shapae, “He Ramaiye pi-a hrüyu maikhemai tai-du ea puh kilai khemai hrülai, Eletao vei Ramaiye sholo!”

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 6:15

Sükisü deiphao hi vemaitao, teideikho maitao, reihmai peicha maitao, hani maitao, khouko bumaitao, alia mai kukhe qilatao ea mado souyumai hrülai sü lahlah dei qulutao hinou ea deichitao hi chuhleaphi khonou tutsü tare.

PONGAOPEIYU 7:3

“Ehnou Eletao Ramai kilaitao puva hi paoshee nomo koutesü deiphao, zai moa süübetaoye sü soushiwu khaiso.”