PONGAOPEIYU 13:14 - SHEEYU BAIBEL (BSI)

¹⁴ Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 13:14 Iomraidhean Croise

2 VEMAITO 20:7

Süthaisü Isaiah nou veo vei kuvah soua buyu maitao hi doushi nou soukhai touyu pou nanou cho payu zhimü hisü pokou napeio, sükulouzü puh sü veiloua bailai.

2 VEMAITO 22:20

ae Enou Jerusalem ye tudee peilaiyu hai puh thaiyu thainou soua bailaire. Enou puhye sü panou kaona-a thai loulai.” Puletao nou veo Josiah hisü chipao haitao koa nou dakhai ve-e.

2 PUOPAOKO 18:21

Rakivamai nanou chila peie, ‘Enou taho Ahab vei rachipaolayu mai hrülaiye sü panou mada-a rachi paopeilai.’ Mapao nou paoe, ‘Taho soukhaio, nenou ngaloulai.’ ”

JOB VEI LARÜBVÜ 12:16

Ramai hai khouko bushoe alia Puhnou teisa nou veilou-a baiwe, mainou laluyu mai ae maiye laluyu mai ahai kheinou Ramai bah hi bue.

TAPALOUYU 7:11

Süthaisü Pharaoh veo nou puhvei vedei hi buyu hasümai ae kheikhupa soulousü maiye kupove puhai nou souyu raibüa souloure.

ISAIAH 44:20

Puhnou vounai touyu büa puhvei voyu tsü sünou puhye süthaimah peiwure, ae puh hai lah puhye khailupa louhore, moa puh bah zhoulo nou poa buyu bashara nasü dayu ramai baie touyu pao-a paopalou hore.

EZEKIEL 14:9

“Hakinou rachipaola-apei mai ali nou da-a cheche moyu hinou chila peilouzü, süsü Mapao Enou puhye soupeia baie. Enou puhye sü Israel maitao hrohinou popawulai.

EZEKIEL 16:17

Enou ne hi peikhai touyu shahu ae sana nou soukhai touyu zhusana khesü nenou poloua poutumai zhurai sü souloure, ae nenou sütaoye koa nou vah ashi sü soutare.

EZEKIEL 8:10

Südonou Enou talouloua zhue. Kivo vasü nghou ae sheemoyu khaonatao, alia Israel mainou tho-a buyu hatyatyali hai rüthou khaitoue.

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 13:15

Alia khaosou sünavei zhu kuyu bashara sünaye panou chi paoloure ea sünaye thobayu maikhemai hrülaiye panou southeare donou puh hisü khaosou arainavei zhu kuyu bashara sünahi ssü houngthou peire khouko peire.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 14:11

Puletaoye souveayu mei sünavei meikhao nasü teisanou khaopa-a bue. Khaosou süna ea puhvei zhuraiyu bashara naye thoyu, alia sünavei zhihvei shee ngaolouyu maitalisü khei-hea soyu ngaolai moe.”

PONGAOPEIYU 14:9

Alia kukhe rakivamai asü chenanou araina hai thaifüa haibüa paikushoa paoe, “Maitalinou khaosou sünaye ea puh zhu raiyu bashara naye tholouzü, alia sünavei paoshee nasü puhi moa puh bah hi nokhaiwu louzü,

PONGAOPEIYU 15:2

Sükisü Enou meinou hükhai touyu zhuzhu kuyu zai ali ngaoe. Alia khaosou süna ea sünavei zhu raiyu bashara sünaye, alia puh zhihvei chahpei sünaye kolouyu maitaoye-a ngaoe. Puletao sü Ramai nou puletao hi peikhai touyu lanabvü aduna sütao poa zhuzhu kuyu zai süna pehinou la-a bue,

PONGAOPEIYU 16:13

Süthaisü Enou vaokü zhu raiyu sheemoyu rako asü ngaoe. Sütaosü zai nghouduna, khaosouna ea madayu rachipaola maina mü hinou pae

PONGAOPEIYU 16:2

Südonou rakivamai araina nou taloua puh vei paisü deiphao lakoure, alia khaosou süna vei shee buyu ea puhvei zhu raiyu basharaye thoyu maikhe maitao vahisü ngaopiyu ea soushoyu chükütao paloure.

PONGAOPEIYU 18:23

Meibvü vei avasü ne hinou hakia ngaopukhai laimoe. Sheerepu ea nghirepai lapaisü hakia ne hinou choupukhai laimoe. Nevei huhsouyu maitaosü deiphao buh veishi hinou dukayu maitaoe, alia nevei madayu khei-khupado nou deiphao hi maikhemai hrülaiye sümah-sümo peire!”

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.