PONGAOPEIYU 12:9 - SHEEYU BAIBEL (BSI)

⁹ Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 12:9 Iomraidhean Croise

SHURAI 3:1

Chuo nghou hai Ramai Mapao nou soukhai touyu rekhaona kukhe jünou do dushoyu hrikhaona alie. Puhnou naotupai hisü paoe, “Kipei hi buyu süübetao hinou rashithou tarasou haitouso tea Ramai nou paowu?”

SHURAI 3:13

Süthaisü Ramai Mapao nou naotupai hisü noure, “Nenou souyu haisü daie?” “Nghou vei shodo hinou Enou touloure” tea naotupai nou paoe.

1 PUOPAOKO 21:1

Saitan nou Israel mai hi veahoyu povepei nüloure, südonou puhnou David veo panou Israel maipei phoure donou lela loure.

2 PUOPAOKO 18:21

Rakivamai nanou chila peie, ‘Enou taho Ahab vei rachipaolayu mai hrülaiye sü panou mada-a rachi paopeilai.’ Mapao nou paoe, ‘Taho soukhaio, nenou ngaloulai.’ ”

LOUTAO 109:6

Puh pei hi chikure donou chiku peiyu mai ashi aliye dothou peio, ae puhye sü panou puhye ngaobayu mai aliye panou mah paodu peio.

ISAIAH 14:12

“Oh Babilon hi veo, vavei shoyu shona teivu, kabüa nou ne sü raki vanou dekou tare? Raichokio tyahrü kheye nenou veiloua buwe, ana chuo ne sü deiphi hi kaolou tare.

ISAIAH 27:1

Süzhou teithe sü Mapao nou puhvei veihshoyu khoche sünou poa Leviathan zhaoyu ae dakou dakheyu nghoudu nasü daotha peilai, alia zaidu hinou buyu khaona nasü southawulai.

ISAIAH 65:25

Lakhao ae zhaotu khenou koa touzholai, chipeikhaodu sünou kikhaorü büa pounghou tou-a bailai, alia nghou khesü maiye soushipu laimoe. Avei sheeyu Zion Deichi hisü maiye soushiyu ae hashi khesü bupulai moe.”

EZEKIEL 28:16

Ne hai hupona hüyu ae zhoyu hinou zhoha sholoure, ae hai vanou ne sü zhaipou shitare ae mah soutare. Südonou Enou neye sü avei sheeyu hinou hutawure ae neye khoyu rakivamai nanou neye sü mutei chuh paiva vayu hinou hulaiwure.

MATHIU 13:39

alia khatao vuthou peiyu ngaobamai nasü Rashi nasüe. Cha chiyu sünasü deiphao vei akhai teile sünasüe, alia cha chiyumai taosü rakivamaitaoe.

MATHIU 24:24

Daiolouzü dayu Khrista ea madayu rachi paolamaitao palai, alia puletao nou dushoyu shee ea khupa vahtao soungaolai, sübüa soulou veilouzü dopa louyu maitaoye-a süthaimalai.

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 4:1

Süthaisü Rashinaye panou thaore donou Jisu ye Rako nou süthaipoa rekouhi tare.

MATHIU 4:10

Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

MATHIU 4:5

Süthaisü Rashina nou Jisu ye sheeyu Nuhdu Jerusalem hi saveloua Rathoki kipei dukhahi sapa khaipeire,

MATHIU 4:8

Süthaisü Rashina nou Jisu ye kushoyu deichi alivahi sapaloure ea puh hi deiphao hi vedei veishi ea sütaovei du-shoyu teitei pongaoe.

LUK NOU RÜYU KO AVEIBVÜ 10:18

Jisu nou puletao hi paoe, “Raki hinou tei-peiyu büa Saitan nou dekouyu Enou ngaoe.

LUK NOU RÜYU KO AVEIBVÜ 13:16

Sübülouzü Saitan nou po kiacha phukhai toua buyu Abraham nah naotupai hainawo puhye phukhai touyu süna hinou Soteitheki phapei zümowu?”

LUK NOU RÜYU KO AVEIBVÜ 22:3

Süthaisü rozümai kiahaitao hrohinou ali soua buyu Iskariot tea kuyu Judas hisü Saitan nou louloure.

LUK NOU RÜYU KO AVEIBVÜ 22:31

“Simon, Simon! Zhukhaio, Saitan nou neletaoye southou büa chedoure donou kholoure,

LUK NOU RÜYU KO AVEIBVÜ 8:12

Ludu hi dekouyu thoutai taosü choulouyu maitaoe; ana puletaoye panou louchelou more ea khailulou more donou rashi nanou taveloua puletao vei le hinou chipao nasü potalou baiwe.

JOHAN 12:31

Chu deiphao hainaye chikure pha nasüe, chuo deiphao hainavei paopuye hutawulai.

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 16:11

chikuyu vanou louzü, deiphao hainavei paopuye chi kuwure.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

SEI-ATAMAI VAHTAO 5:3

Ana Pitar nou puh hi paoe, “Anania Rako Mashi hi mada loure ea füdei zholouyu hinou zha polo pokhai loure donou Saitanye panou daidonou ne lekhe hi phouloure?

ROMMAI 16:18

Daiolouzü haibüa souyu puletao sü Eletao Mapao Khristaye kuvah soumoe, ana lah puletao vei pou donou soubaie. Puletao vei lakovei ea müpouyu sünanou puletao nou khosümoyu maikhe maiye labaiwe.

ROMMAI 16:20

Süthaisü kaonayu vei Ramai nou Saitan ye thala-a neletao phi khenou taisasa-a khailai. Eletao Mapao Jisu zhuvea nou neletaoye koa buyu sü souloutheo.

2 KORINTHMAI 11:14

Alia sühisü khupa loure hae! Saitan puhlah koutenoua ava vei rakivamai zhu raia soudalou süe!

2 KORINTHMAI 11:3

Ana nghou nanou puhvei doshinou Efye lawuyu büa, neletao vei tsühai Khrista hi latoua buyu ea sheetoua thoa buyu hinou sümawu peire sü Enou piwe.

2 KORINTHMAI 12:7

Ana Enou khupa tyali ngaoyu sütao vanou Eye panou khaophu soua baotaitai-a talou more donou Avasou hisü shu büa khüyu sou ali peire, sünanou Saitan vei vahlaimai büa Eye dapeire ea panou khaophu soulou more donou vah souloure.

2 KORINTHMAI 2:11

molouzü Saitan nou Eletaoye koloure zhou avei ngaolou shulai; daiolouzü Eletao nou Saitan vei do hai süwe.

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

EPHESAMAI 4:14

Südonou Eletaowo lah puletao nou chopa louyu do sünanou kukhe maiye sümah sümo peiyu madayu maitao vei doupeiyu teikhai teiteinou hükou-hükhe-a pfüa laiyu nahmaitao büwu laimoe.

2 THESSALONIMAI 2:3

Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe.

1 TIMOTHI 2:14

Alia Adamye athao nanou laloumoe; ana athao nanou naotupai sünaye laloua razhai nasü soukhore.

2 TIMOTHI 3:13

alia mai ashimai ea aveikho soumai taosü mai kukhe maiye la-a ea lah puletaoye-a la-a shikhai shikhai tabailai.

EBRIAMAI 2:14

Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue,

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

JUD VEI SEIKO 1:9

Ana rakivamai peichana Maikhel koutea Rashinaye Moses vei pfüphao vanou sao-a veivayu kisü, puhsü Rashinahi sou ahraoyu chinou mah dukhai peire khu habaire, ana “Mapao nou neye züpeitheo!” tea paobaie.

PONGAOPEIYU 12:12

Südonou Oh raki ea sühinou hrüa buyu neletao lesalo! Ana deiphao ea zaiye donou daizhozhou ngaopisa daiolouzü rashinanou puh teilehai phajütou baire touyu sü sülouyu vanou raroushopoa nehaihi koure!”

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 12:7

Süthaisü raki hisü reih paloure. Maikhel ea puhvei rakivamai taonou zai nghouduna pei hisü reih züe, zai nghouduna-a puhvei vahmaitaoye koa reih züe,

PONGAOPEIYU 12:8

ana zai nghoudunaye sü koloure, alia puh ea puhmaitaoye donou raki hisü buhlia hare.

PONGAOPEIYU 13:14

Alia khaosou araina nghojünou souloure puh hi aetou peikhai touyu khupavah sütao vanou puhnou deiphao hi hrüa buyu maikhemai hrülaiye sü lawure. Puhnou deiphao maikhe maitao hi khochenou zhupeikhai-a hria buyu khaosou sünaye tsükhouyu pongaore sünavei zhu kuyu bashara ali daokhaio tea chikha peie.

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 18:2

Puhnou puhvei chihshoyu painou haibüa shapae: “Kaotare, kaotare Babilon adunasü! Chuwo puhsü rashitao ea sheemoyu rakotaonou haoyubuh datare; alia sheemoyu ea ngaorayu raohou tyalinou buyubuh soubaire.

PONGAOPEIYU 18:23

Meibvü vei avasü ne hinou hakia ngaopukhai laimoe. Sheerepu ea nghirepai lapaisü hakia ne hinou choupukhai laimoe. Nevei huhsouyu maitaosü deiphao buh veishi hinou dukayu maitaoe, alia nevei madayu khei-khupado nou deiphao hi maikhemai hrülaiye sümah-sümo peire!”

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 2:24

“Ana Thuatira hi buyu kukhe neletaowo louzü ashi doupeiyu haina thaifüa tamoe; neletaowo, thoushoyu Saitan vei kheitsü tea kamainou kua buyu nasü doulou moe. Enou neletao hi paowe süolouzü Enou neletao pei hi kou süyu halia pokhai laimoe.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:8

alia deiphao kainghou adai hinou raroua buyu tahrüh khemaitao, süolouzü Gog ea Magog ye lare donou puhnou tapalai. Sübüa Saitan nou puletao hrülaiye sü zai pei hi vünai zhou poua reih soure donou pove dzülai.

PONGAOPEIYU 3:9

Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.

PONGAOPEIYU 9:1

Süthaisü rakivamai angou chenanou puh besü houng-e. Alia Enou ratei vanou teivuh ali deiphao hi dekouyu sü ngaoe, alia akhai hayu raobvüvei khareih sü puh hi peire.

PONGAOPEIYU 9:20

Veahoyu haitaonou southealou moyu kukhe maikhe maitao nou rashitao, alia ngao-a ngaomoyu, chou-a choumoyu, ta-a talou hoyu, puletao bahnou soukhai touyu sana, shahu, baosa hu, chuh ea süünou soukhai touyu bashara taoye thoyu hinou puletao lesü daloumoe.