PONGAOPEIYU 12:4 - SHEEYU BAIBEL (BSI)

⁴ Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

PONGAOPEIYU 12:4 Iomraidhean Croise

TAPALOUYU 1:16

“Nehai nou Hebrew maipfüye sa-a napeiyu phaki, poutumai nalouzü nabuh hinou puhye southawo, ana naotumai nalouzü puhye sü southamoa veie.”

ISAIAH 27:1

Süzhou teithe sü Mapao nou puhvei veihshoyu khoche sünou poa Leviathan zhaoyu ae dakou dakheyu nghoudu nasü daotha peilai, alia zaidu hinou buyu khaona nasü southawulai.

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

PONGAOPEIYU 12:7

Süthaisü raki hisü reih paloure. Maikhel ea puhvei rakivamai taonou zai nghouduna pei hisü reih züe, zai nghouduna-a puhvei vahmaitaoye koa reih züe,

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:2

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

PONGAOPEIYU 13:4

Alia maikhemai hrülainou zai nghoudu naye tholoure, daiolouzü puhnou puhvei khoukosü khaosou sünahi peire, alia puletao nou khaosou sünaye-a tholoua haibüa paoe, “Khaosou süna büyu thaoh bue? Puhye thaohnou reih zülou sülai?”

PONGAOPEIYU 16:13

Süthaisü Enou vaokü zhu raiyu sheemoyu rako asü ngaoe. Sütaosü zai nghouduna, khaosouna ea madayu rachipaola maina mü hinou pae

PONGAOPEIYU 17:18

“Alia nenou ngaoyu naotupai sünasü deiphao hi vemaitao pei hi tukha sahrüyu dushoyu nuhdu sünasüe.”

PONGAOPEIYU 20:2

Alia puhnou zai nghoudu, nghou tsüna, süolouzü Rashina moa Saitan sünaye niloua puhye sü po theli donou phibao phukhaire.

PONGAOPEIYU 8:10

Süthaisü rakivamai asü chenanou puh besü houng-e, alia meikei kua keivavayu dushoyu teivuh alisü ratei vanou dekouloua deiphao hi rei zha asü hinou zhali hi ea dzühoung taohi kou loure.

PONGAOPEIYU 8:11

Teivuh süna zhihsü “Khayu” toue. Dzü zha asü hinou zhalisü khatare, alia soukhayu dzü süna külouyu vanou maikhemai alaosou thaire.

PONGAOPEIYU 8:12

Süthaisü rakivamai adai chenanou puh besü houng-e. Alia teinghi, khouh ea teivuh taoye zha asü hinou zha liye sü dapeire, alia sübüyu vanou sütao vei avasü zha asü hinou zha lisü maitare; alia heako zha asü hinou zhali ea kheikou-a sübüa zha asü hinou zha lisü vakhai more.

PONGAOPEIYU 8:7

Rakivamai araikha nanou puh besü houng-e, alia sühisü zhenoupu hükhai touyu reithou ea mei paloua deiphao hi rükou loure. Alia deiphao zha asü hinou zhali, süübetao zha asü hinou zhali ea poudai teitei sü deilai khaire.

PONGAOPEIYU 8:8

Süthaisü rakivamai ahai chenanou puh besü houng-e, alia meinou tao-a buyu dushoyu deichi büyu halisü zaihi polai thoure. Sühinou zai zha asü hinou zhalisü zhe datare,

PONGAOPEIYU 8:9

alia zaihi buyu hrikhaona zha asü hinou zhalisü thaire ea zai hi buyu dzüluki zha asü hinou zhaliye sü souhare.

PONGAOPEIYU 9:10

Alia kei pfüyu hairakhao kua puletao vei mee ea kei bue, alia puletao nou maikhe maiye khou angou souvea peilaiyu khoukosü puletao vei meehi bue.

PONGAOPEIYU 9:19

Daiolouzü rhei sütaovei khoukosü puletao vei mü ea meehi bue. Puletao meesü nghou kua pei pfüe, alia sütaonou maikhe maiye souzhu peiwe.