PONGAOPEIYU 12:3 - SHEEYU BAIBEL (BSI)

³ Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 12:3 Iomraidhean Croise

ISAIAH 27:1

Süzhou teithe sü Mapao nou puhvei veihshoyu khoche sünou poa Leviathan zhaoyu ae dakou dakheyu nghoudu nasü daotha peilai, alia zaidu hinou buyu khaona nasü southawulai.

ISAIAH 51:9

Oh Mapaowo, kaishuloua Etaoye khailupa peio! Daoh raichoki büa tashuloua nevei khouko sünou popa Etaoye khailu peio! Rahab ye doade sasa peiyu nasü nenou movu? Zai hi buyu maitoukhao nasü nenou southa peimovu?

ISAIAH 9:15

Tsümai ae khuhao-a buyu maitao hai pei-e alia dayu hinou dou-apei rachipaola maitao nou mi-e.

DANIEL 2:41

Nenou süthaisü phipha ae phitoutu khesü nai alia hu nou koa hrüa soukhaitoua ngaoe; süsü daitouwe toulouzü vedei süna hai ahai soua dadewulai. Ana sühisü nenou nai ae hu thouhrüa soukhai touyu sü ngaoyu büa vedei taoli hi hai hu büa khousholai.

DANIEL 2:42

Phipha ae phitoutu hisü nai ae hu nou thouhrüa soukhai touyu büa vedei sünasü füteidei taoli hi hai khoulai alia taoli hi hai khoulai moe.

DANIEL 7:20

Alia kai kirou pfüyu, ae kai taitou ali tsüpayu ae süna nghoujü nou kai asü latayu, alia nghithou ali ae khaophu soushoa raoyu mü pfüa kukhe jünou duyu büa buyu kai süna vanou Enou süpulou nüre.

DANIEL 7:24

Kai kirou taohai vedei sünahi vemai kirou palai, ae puletao thailo hisü vemai ali palai, puh hai vemai kukhe jünou tyakulai, alia puhnou vemai asüye souhawulai.

PONGAOPEIYU 12:1

Süthaisü rakiva hi nou khupa shoyu sheeli ngaoe. Süolouzü sühisü naotumai alisü teinghi nou bahnoua ea khousü puh phinou taipfüa bue, alia puh peiva hisü teivuh kiahai vei veo peirü ali bue.

PONGAOPEIYU 12:13

Alia zai nghoudu sünanou puhye sü deiphao hi hukoure touyu sü sülouyu, kisü, nah poutu sünaye nayu naotupai sünaye sü huloure.

PONGAOPEIYU 12:17

Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

PONGAOPEIYU 12:4

Puh meenou rateihi buyu teivuh zha asü hinou zhaliye pailoua sütaoye deiphao hi polai koure. Alia zai nghoudu sünanou nah sünaye nakoukou touloure donou nah nalaiyu naotupai süna nghojünou da-a buloure.

PONGAOPEIYU 12:7

Süthaisü raki hisü reih paloure. Maikhel ea puhvei rakivamai taonou zai nghouduna pei hisü reih züe, zai nghouduna-a puhvei vahmaitaoye koa reih züe,

PONGAOPEIYU 12:9

Alia deiphao teiteiye layu Rashina moa Saitan tea kuyu, nghou tsüna, dushoyu zai nghoudu sünaye sü polai koure. Puhye sü puh vahmaitao hrülaiye koa deiphao hi polai koure.

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 13:2

Enou ngaoyu khaosou nasü shirakhaoye raiwe, ana puh phisü vuhphi kue ea müsü souveo mü kue. Alia puh hisü zai nghoudu nanou puhvei khouko, puhvei vebuh ea paopu souloure dushoyu khoukosü peire.

PONGAOPEIYU 13:4

Alia maikhemai hrülainou zai nghoudu naye tholoure, daiolouzü puhnou puhvei khoukosü khaosou sünahi peire, alia puletao nou khaosou sünaye-a tholoua haibüa paoe, “Khaosou süna büyu thaoh bue? Puhye thaohnou reih zülou sülai?”

PONGAOPEIYU 15:1

Süthaisü kukhe dushoyu ea khupa shoyu sheeli süolouzü veahoyu anai poa buyu rakivamai anaitaoye sü rakivanou Enou ngaoe. Sütaosü veahoyu akhai taoe, daiolouzü sütaosü akhaisoua Ramai rarouyu pongaoyu taoe.

PONGAOPEIYU 16:13

Süthaisü Enou vaokü zhu raiyu sheemoyu rako asü ngaoe. Sütaosü zai nghouduna, khaosouna ea madayu rachipaola maina mü hinou pae

PONGAOPEIYU 17:12

“Alia nenou ngaoyu kai kiruo taosü chu vedei ngaoloumoa buyu veo kiruotaoe, ana puletaosü khaosou sünaye koa teilecho alikhei vemaitao soua hrüre khouko ngaobailai.

PONGAOPEIYU 17:16

Nenou ngaoyu kai kiruotao ea khaosou sünanou khakhapfüpai sünaye ngaoralai. Puletao nou honapaihi buyu ha teiteisü potaloulai ea puhye sü baitoua thaowulai. Puletao nou puhvei vasousü touloulai ea puhye sü meinou deiwulai.

PONGAOPEIYU 17:7

Ana rakivamai sünanou Ahi noue, “Ne daidonou khupawe? Naotu süpaivei, alia pei anai ea kai kiruo pfüa puhye pfütayu khaosou sünavei khei kosü Enou nehi paongao peilai.

PONGAOPEIYU 19:12

Puh nghithousü meikei büe, alia puh peiva hisü vepeirü taoli rüpfüe. Puhva hisü puhlah deinou kukhe mainou sükhaimoyu zhih ali rüpfülaie.

PONGAOPEIYU 20:2

Alia puhnou zai nghoudu, nghou tsüna, süolouzü Rashina moa Saitan sünaye niloua puhye sü po theli donou phibao phukhaire.