PONGAOPEIYU 12:17 - SHEEYU BAIBEL (BSI)

¹⁷ Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

PONGAOPEIYU 12:17 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

JOHAN 8:44

Neletao hai neletao puo rashina hinou ve, alia neletao lelihai neletao puo züpa souyu nasüe. Puh hai shurainou maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhnou amada chi paoyu sü lah puh zhai thaifüa paobaie, daiolouzü puh hai amada nasüe ea amada teitei vei puo nasüe.

1 KORINTHMAI 2:1

Athaihou jürai khemai, Enou neletao hi veyu kisü, chi-la veinou moa tsü veinou sei-a Ramai vei pongaopei khaitouyu acheche nasü paongaopoa vemoe.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

1 JOHAN 2:3

Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

1 JOHAN 5:10

Südonou Ramai Nah Poutuye loucheyu mai talisü lah puh lekhehi zhopaoh hainasü bue; ana Ramaiye louche moyu mai talinou puhye sü dayumai soupeire, daiolouzü Ramai nou puhnah Poutuwo vanou paoyu sü puhnou louche peimoe.

1 JOHAN 5:2

Eletao nou Ramaiye leshiyu ea puh chikhatao züa buyu vanou Eletao nou Eletao hai Ramai nahtaoye leshiwe touyu sü süwe.

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 11:7

Puhai nou puhaivei zhopaoh soucheyu kisü, akhai hayu raobvü hinou tapayu khaosou sünanou puhai pei hi reih souloua ea puhaiye koloua southealai.

PONGAOPEIYU 12:16

Ana dei sünanou naotupai sünaye soukha peia puh müsü hapaloua, zai nghoudu sünanou puhmü hinou füpa khaitouyu reidzü sünasü kai-a jaoloure.

PONGAOPEIYU 13:7

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

PONGAOPEIYU 14:12

Haihisü Ramai chikha züa buyu ea Jisu hinou cheche-a buyu sheeyu maitaoye donou shamea loure ku-a bue.

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.

PONGAOPEIYU 18:20

Oh raki! Oh sheeyu maitao, sei-atamaitao ea rachi paolamaitao, neletao puh vanou lesalo, daiolouzü puhnou neletao pei hi soupeiyu süna thaifüa Ramai nou puhpei hisü khühphou peire!

PONGAOPEIYU 19:10

Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.

PONGAOPEIYU 19:19

Alia khaosou süna, deiphao hi vemaitao ea puletao vei reihmaitao nou rhei sünaye pfüa laiyu ea puhvei reihmaitao pei hi reih züloure donou vedzüa buyu sü Enou ngaoe.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.

PONGAOPEIYU 6:9

Alia Zhaotu sünanou paoshee angou chena hapayu kisü Ramai vei chipao paodouyu vanou ea puletao nou cheche-a zhopaoh souyu donou southeawuyu rako sütaoye sü sheelabuh khehinou Enou ngaoe.