PONGAOPEIYU 12:14 - SHEEYU BAIBEL (BSI)

¹⁴ Ana naotupai sünaye panou puhye donou soudakhai touyu buh, rekouhi zhaoholoua sühinou puhye sü zai nghoudu sünanou souveayu hinou khaipaloua po asü-a pohli kipeia buloure donou puh hisü dushoyu lühche sünavei shouh ahai peire,

PONGAOPEIYU 12:14 Iomraidhean Croise

LOUTAO 55:6

E hai raohou büa shou bushe touyu thaio veilaire. Enou zhaopoa taho soyu sü ngaoloulai.

TAPALOUYU 19:4

‘Enou Ejipt mai hi soupeiyu vahtao sü neletao nou ngaore, ae Enou neletaoye tei hi leche nou toutuye shouh hinou satayu büa neletaoye ahi save peie.

ISAIAH 40:31

Ana Mapao vei vu kholouyu maisü puletao vei pfüchi sü soukhoupu peilai. Puletao sü leche büa shouh pfüloua zhaoloulai. Puletao sü tuta loulai ana vealai moe, puletao hai talai anou holai moe.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

DANIEL 8:14

Rakivamai nanou ahi paoe, “Teithe thelia kaihlia raingou (1150) bupulai hie, süthai sünou Rathoki nasü ngaozü buyu maitao nou podakhai loulai.”

PONGAOPEIYU 12:6

Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.

PONGAOPEIYU 17:3

Sühinou rakivamai sünanou Eye rako hilonou sataloua rekouhi saho khaipeie. Sühinou Enou naotumai aliye Ramaiye paoshiyu zhihtaonou rüthou phoukhai touyu horoyu khaosou ali phaova hinou chobua ngaoe, alia khaosou süsü pei anai ea kai kiruo pfüe.