PONGAOPEIYU 12:1 - SHEEYU BAIBEL (BSI)

¹ Süthaisü rakiva hi nou khupa shoyu sheeli ngaoe. Süolouzü sühisü naotumai alisü teinghi nou bahnoua ea khousü puh phinou taipfüa bue, alia puh peiva hisü teivuh kiahai vei veo peirü ali bue.

PONGAOPEIYU 12:1 Iomraidhean Croise

2 PUOPAOKO 32:31

Teidei hi khupayu vahtao sü Babilon hi sühseita maiye seive puh hinou nou-e. Ramai nou puhvei tsüle zhure donou puhye sü panou lah puhnou sounü vah khesü souloue.

LOUTAO 104:2

ae ava sünou züpoa nou bue. Nenou raki sü sahpao haoyu büa haokhai peie,

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

SOLOMON VEI LOU 6:10

Teithe payu zhai büa buyu, khouh büa hüveiyu, teinghi büa vaveiyu, reihmai nou sahra polaiyu büa ngaopi-a buyu hai nahai thaowe?

ISAIAH 61:10

Mapao zhih hinou E asa sholai, avei hrümai teitei nou poa Ramai hinou asalai, daiolouzü shinghire maiye poupatou ae sabanü aveih thoupeiyu büa Mapao nou Eye khailupa peiyu sabanü noupeie, ae acheche sabanü nou banou peie.

ISAIAH 62:3

Ne hai veishoyu vepeirü ali büa Mapao vei bah hinou bulai.

ZEKHARIAH 9:16

Süzhou teithe veyu phaki, Mapao nou puhvei maitao ye sü zhaokhowo nou kaozhou shihi loure zhaotu ye vupa peiyu büa vupa peilai. Puletao hai puletao vei teidei hinou vepeirü hi mutei chuh nanou vayu büa valai.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 12:38

Süthaisü razhai dou-apeimaitao ea Phariseemai kamainou puh hi paoe, “Dou-apeio, Ehnou nehinou shee ali ngaonüwe.”

MATHIU 24:30

Süthaisü ratei hinou Mai Nahpoutu vere shee nasü ngaolai, alia süthaisü deiphao hi Tahrüh khemai hrülainou khao khoulai, alia puletao nou Mai Nahpoutu nou khouko ea dushoyu khouko-ava nou pu raki teihao peinou taveyu sü ngaolai.

MARK 13:25

alia teivuh taosü ratei hinou dekou bailai ea rateihi buyu khoukotaoye sü puletao vei ludu hinou hutawu bailai.

LUK NOU RÜYU KO AVEIBVÜ 21:11

Sükisü ngaopi shoyu nü sülai, alia buh takinou tokaayu ea sounou tyali palai; alia sükisü ratei vanou ngaopi-ngaohiyu ea shee adudu tyali ngaolai;

LUK NOU RÜYU KO AVEIBVÜ 21:25

“Alia sükisü teinghi, khou, alia teivutao hinou shee tyali ngaolai, alia deiphao hisü zaidu vei pai-rao ea zaidzü houngkheyu kho hinou ngaopi souloua teidei teitei hisü vea-holai.

JOHAN 3:29

Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

SEI-ATAMAI VAHTAO 2:19

Alia Enou reikou ratei hinou khupa tyali ea khekou deiphao hinou shee tyali süolouzü zhe, mei ea meikhaovei dzükhao taosü pongaolai;

ROMMAI 13:14

Ana Mapao Jisu Khristaye bahnoulo, alia vasou züpa vei rukha soure donou soudawuso.

ROMMAI 3:22

Ramai nou maikhe maiye puletao nou Jisu Khrista hi lü buyu süna vanou souzü peire. Ramai nou haisü Khristaye loucheyu mai hrülai hi soupeire, daiolouzü sühisü taku kuyu halia hare.

2 KORINTHMAI 11:2

Ramai nou doyu sübüa Enou neletao phao doshoa bue; daiolouzü nghirepai sheetouyu loumaina aliye puhvei chaahi peilaiyu büa, Enou neletaoye Khrista ki noutore.

GALATIAMAI 3:27

Daiolouzü Khrista hinou dzükhao dalouyu neletao hrülaisü Khristaye banou loure.

GALATIAMAI 4:26

Ana raki vahi buyu Jerusalem sünawo louzü mado souyu pai nasüe, alia puh hai Eletao pfüe.

GALATIAMAI 6:14

Sütoukhaia Eye donou louzü Eletao Mapao Jisu Khrista vei krosna vanou likhei khaophu soubailai; daiolouzü puhvei krosna vanou deiphao hai Ahinou thaire, alia E-a deiphao hinou thaire.

EPHESAMAI 5:32

Haisü dushoyu kheitsü alie, ana Enou Khrista ea lüloumaime vanou paowe.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 11:19

Sükisü Ramai vei Rathokisü houpare, alia sühinou puhvei Vo Bvü nasü zhingaoe. Alia sühisü tei peivavayu, pai bvüroyu, tei süyu pai, nü süyu ea rei thou kousho eloure.

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 15:1

Süthaisü kukhe dushoyu ea khupa shoyu sheeli süolouzü veahoyu anai poa buyu rakivamai anaitaoye sü rakivanou Enou ngaoe. Sütaosü veahoyu akhai taoe, daiolouzü sütaosü akhaisoua Ramai rarouyu pongaoyu taoe.

PONGAOPEIYU 21:14

Nuhdu sünavei bouvousü kifü chuhsho kiahai hinou soushupa khaitoue ea sütao vahisü Zhaotu sünavei sei-atamai kiahai zhih rüthou khaitoue.

PONGAOPEIYU 21:23

Nuhdu sühi panou valoure donou teinghi-a khou-a matsü hae, daiolouzü Ramai vei khouko avanou sühisü vüpei-a bue, alia sünavei meibvüsü Zhaotu sünae.