PONGAOPEIYU 11:9 - SHEEYU BAIBEL (BSI)

⁹ Alia teidei veishi hinou maikhemai, tahrüh khemai, la tyali ea mai tyalinou puhai vei athai pfüphaosü teithe asü-a pohli zhulai ea puhai vei athai pfüphao sü khüh hi pothou vuyu sü aetou peilai moe.

PONGAOPEIYU 11:9 Iomraidhean Croise

1 VEMAITO 13:22

Anou, Enou ne hi ha touso tea kharochi peiyu sü nenou dakhaive ha touloure. Hai vanou neye sü southa bailai, ae nevei thaiphao sü nevei kihikha mainou daovuyu buh hinou poa daovu peilai moe.”

KOPAODOUWO 6:3

Mai alinou nahmai kaihli nalouyuma, po alao hrüyuma, süthemoa puhvei po taovei teithe alaoyuma, ana puhnou hrüvei havei taosü poa sava moyukou-o, alia poa daovure buh hayukou-o, Enou paoe, teile chemoa nayu nahmai ali nou puh jünou veipue.

ISAIAH 33:1

Oh maiye soushi souha apeio, newo lahye soushi souha loumoe; Oh maiye shodo ashi sou apeio, louchelou ashio, neletao hai daizhou koute vealaisa! Nenou maiye soushi souha moa soyu phaki, neletaoye sü soushi souha-a bailai, neletao hisü shodo ashi soupeilai.

JEREMIAH 7:33

Thaiphao sünou tei hi raohou ae rekhaona vei touso soulai; ae mai linoua puletaoye pilailou laimoe.

MATHIU 7:2

daiolouzü neletao nou maiye chikuyu zhaibüa neletaoye chikulai, alia neletao nou maiye douyu sünanou neletaoye doulai.

PONGAOPEIYU 10:11

Sühinou haibüa Ahi paopeie, “Nenou maikhemai alao vanou tahrüh, la, alia vemaitao vanou Ramai chipaosü paodoupu vuzülai.”

PONGAOPEIYU 11:11

Ana teithe asü-a pohli thaisü Ramai hinou ahri ssü nasü puhaihi ve louloua puhaisü lashu loure; alia puhaiye ngaolouyu maikhemai hrülaisü ngaopiso loure.

PONGAOPEIYU 13:7

Puh hisü sheeyumaitao pei hi reih züloua puletaoye koloure aetou peire. Alia puh hisü khü hrülai, tahrüh, la ea maitya hrülai pei hi paopu soure zü nasü peire.

PONGAOPEIYU 17:15

Süthaisü rakivamai sünanou Ahi paoe, “Naotu khakhapai sünanou chobua nenou ngaoyu dzü alao sütaosü tahrühtao, maikhe maitao, maitya khemaitao ea lataoe.

PONGAOPEIYU 5:8

Alia puhnou süsü polouyu kisü, hrikhaona adai sütao ea tsümai kaidai taosü kou Zhaotu nghojünou kaotare. Puletao mailili bah hisü lanabvü aduna chekhei bue, alia mei deiloure kaivei shoyu nanou phoua buyu sana paitao-a bue, sütaosü sheeyu maitao vei veachi nasüe.

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.