PONGAOPEIYU 11:8 - SHEEYU BAIBEL (BSI)

⁸ Puhai vei athai pfüphaosü puhai Mapaoye kros vanou veatheayu dushoyu nuhdu sünavei ludu hi nou bulai. Nuhdu süna zhihsü nada la hinou Sodom molouzü Ejipt toue.

PONGAOPEIYU 11:8 Iomraidhean Croise

SHURAI 13:13

Sodom hi maitao hai maishi shoe alia Mapao nghoujü nou mah soushoyu maie.

SHURAI 19:24

Süthaisü Mapao nou raki vanou Sodom ae Gomorrah nuhdu ahai hisü meichuh ae mei seikou thoure,

TAPALOUYU 20:2

“Neletaoye Ejipt teidei hinou, maivei qila soua hrüyu hinou sapa peiyu Mapao Ramai nasü E-e.

TAPALOUYU 3:7

Süthaisü Mapao nou paoe, “Ejipt hinou hrüyu avei maitao nou veahoyu sü Enou ngaore, alia puletaoye tukhasa-a ae taideipoa nou vah souyu mai bah hinou kra-a vupapeio tea khoyu paisü Enou chouloure. Puletao nou veahoyu teitei sü Enou süwe.

ISAIAH 3:9

Puletao vei shodo ashi nasü nou lah puletaoye sü zhiloua baie. Puletao hai Sodom hi maitao büa mah khesü dukhya-a nou soua bubaire. Puletaoye sü panou hakata theo, daiolouzü puletao hai lah nou lah hisü souka sounghi loua baie.

JEREMIAH 23:14

Ana Jerusalem hinou buyu rachipaola maitao hai süjünou shipua Enou ngaoloue: puletao hai khulou vah soure ae mada chi paore; puletao nou vah ashi souyu maiye soukha peie, sübüa maikhe maiye panou ashi hinou bailou moe. Eye donou puletao mai hrülai sü Sodom ae Gomorah hi maitao büre.

JEREMIAH 26:23

Puletao nou Ejipt hi ve Uriah ye sü nüloua Veo Jehoiakim hi save peire, ae puhye southawua puhvei thaiphao hai maisouye daovuyu buh hi laikhai peie.)

EZEKIEL 16:46

“Nevei jüraipai hai puhvei nahnaotu maitaoye koa reilova nou hrüyu Dameria mai-e: ae ne thaihoupai sü khelova nou puhvei nahnaotu maitaoye koa hrüyu Sodom mai-e.

EZEKIEL 16:49

Honapai ae puhvei nahnaotu maitao nou khaophu sü soue, daiolouzü puletao hai touso sü alao bua baie ae kaonaphi tea nou hrüa bubaie, ana puletao nou touhayu mai ae lülou hoyu maiye sü zhupei moe.

EZEKIEL 23:19

Honapai nou nahle-a buki Ejipt hinou khakhayu büa khakhapu tare.

EZEKIEL 23:27

Nenou Ejipt hi bukinou hrü ashi hrüa sashi-a laiyu nasü Enou neye panou soupu khailai moe. Nenou Ejipt maiye sü lichopu laimoe ae bashara khesü zhua zhupu khailai moe.”

EZEKIEL 23:3

Puhai nou nahle-a buki Ejipt hinou hrüe ae sühinou puhaiye sü mainou sabu sazü peia puhai sü khakhapfü soutare.

EZEKIEL 23:8

Honapai nou Ejipt teidei hinou nahle-a buki khakhapfü soutayu nasü baimoa soutapure. Honapai nou loumainah soua bukinou poutumaiye sabu sazü tare, ae puletao nou puhye sü khakhapfü soua po-e.

EZEKIEL 37:11

Ramai nou ahi paoe, “Thai-a bailaiyu mainare, Israel maitao hai rao haitao raibütoua baie. Puletao nou paoe, ‘Etao hai kirürü tare, areih touyu ali-a hare, ae Etao hai hazei toure.’

AMOS 4:11

“Sodom ae Gomarah ye souhayu büa Enou neletao khamai-a souha peie, alia neletao hai mei hinou khaipa louyu meisüde kuwe, ana neletao hai ahi dakhaive moe” tea Mapao nou paoe.

MATHIU 10:15

Enou neletao hi chechenou paowe süolouzü Chikuyu Teithe zhousü nuhdu sünavei maitao jünou Sodom ea Gomorrah maitaoye nou Ramai nou koua zhuvea peilai!

SEI-ATAMAI VAHTAO 9:4

Sükisü puhsü deiphi hi dukoure ea pai alinou puh hisü, “Saul, Saul, ne daidonou Eye souveawe?” tea paoyu sü choue.

EBRIAMAI 13:12

Sükuyu donou Jisu-a lah puh zhenou maikhe maiye mah hinou soushee peire donou nuhdu vakounou thaie,

EBRIAMAI 6:6

Alia sükuyu shonou puletao nou puletao vei lüsü thaore! Südonou puletaoye sü panou le dapu louyu hai tatei sholoure, daiolouzü puletao nou Ramainah Poutuye kros vanou veatheapu khaire ea puhye sü dua soungu peire.

2 PITAR 2:6

Ramai nou Sodom ea Gomorrah nuhdu sühai pei hi mah dukhaiwu-a sühaiye sü meinou souhawure, alia sübüa ramai loumoyu maitao pei hi dai palaisa touyu zhai nasü soungao peire.

JUD VEI SEIKO 1:7

Sübüa Sodom, Gomorrah ea sühai ngheikihi buyu nuhdutao-a khulou souyu ea pfüphao vei zhaido moyu mah vanou puletao nou akhai hayu meivei tudee pfüyu sünanou maikhemai hrülai hi sheetoua tukha peiwe.

PONGAOPEIYU 11:13

Süphabü hinou sühisü nü süshisho loure; alia nuhdu süsü zha kiruo hinou alisü souhare ea nü süyu süna vanou mai thenaiye southeare; alia maikukhe taosü ngaopisho loua rakibu Ramai vei adushosü paosho loure.

PONGAOPEIYU 11:9

Alia teidei veishi hinou maikhemai, tahrüh khemai, la tyali ea mai tyalinou puhai vei athai pfüphaosü teithe asü-a pohli zhulai ea puhai vei athai pfüphao sü khüh hi pothou vuyu sü aetou peilai moe.

PONGAOPEIYU 14:20

Darkha rashi taosü nuhdu vakou darkha dzü süyubuh hinou süloure, alia rhei mükha khete pha ku-a darkha dzü süyubuh hinou zhesü dzüdu kua küpaloua kaacho kaih ahaipha doua kütare.

PONGAOPEIYU 14:8

Kukhe rakivamai ahai chenanou araina thaisü füa haibüa paoe, “Puhsü kaotare! Dushoyu Babilon sü kaotare! Puhnou tahrüh khemai hrülaiye puhvei khulou souyu vei souvoyu zhaoh nasü panou sholoure!”

PONGAOPEIYU 16:19

Dushoyu nuhdu nasü zhasüsoua soukhore, alia tahrüh khemaitao teiteivei nuhdu taosü souhare. Alia Ramai nou dushoyu Babilon ye sü licholoua puhye panou puhvei lekha-rarouyu zhaohnou phoupfüa buyu pai nasü küloure.

PONGAOPEIYU 17:1

Süthaisü pai anai poa buyu rakivamai anaitao hrohinou alinou Ahi taveloua paoe, “Tavelo, rei alao ngheiki hinou soupakhai touyu nuhdu aduna, süolouzü zhih tashoyu khakha paiye chikuyu sü Enou ne hi pongaolai.

PONGAOPEIYU 17:18

“Alia nenou ngaoyu naotupai sünasü deiphao hi vemaitao pei hi tukha sahrüyu dushoyu nuhdu sünasüe.”

PONGAOPEIYU 17:5

Puh puhisü haibüyu, “Dushoyu Babilon, deiphao hi khakha maitao ea ngaorayu hrülai vei pfü, touyu khei zhih ali rüthou pfülaie.”

PONGAOPEIYU 18:10

Puhvei veahoyu hi lou zha ngaozhoyu sü ngaopi-a puletaosü adou konou la-a haibüa paolai, Daizhozhou ngaopisa! Daizhozhou ngaohisa! Oh dushoyu nuhdu, Oh khoukhoulai nuhdu, Babilon! Teilecho ali levai hinou nevei hakayu sü veloure!

PONGAOPEIYU 18:18

alia puhye meideiyu vei meikhao sünasü puletao nou ngaolouyu kisü haibüa shusoua raoloure. “Dushoyu nuhdu haina büyu kukhe nuhdu lia bukhai mohie!”

PONGAOPEIYU 18:2

Puhnou puhvei chihshoyu painou haibüa shapae: “Kaotare, kaotare Babilon adunasü! Chuwo puhsü rashitao ea sheemoyu rakotaonou haoyubuh datare; alia sheemoyu ea ngaorayu raohou tyalinou buyubuh soubaire.

PONGAOPEIYU 18:21

Sükisü khoushoyu rakivamai alinou dushoyu thouh veiyu chuhpa deiyu chuhli poloua süsü zaihi polaithouloua paoe, “Haibüyu zhai hinou dushoyu Babilon nuhduye sü chihsho-a polaithouwu-a panou ngaopukhai laimoe.

PONGAOPEIYU 18:24

Alia rachi paolamai, sheeyu maitao ea deiphao hinou southeawuyu maikhemai hrülai vei zhesü puh hinou ngaolouyu vanou Babilon ye sü tudee peire.