PONGAOPEIYU 11:3 - SHEEYU BAIBEL (BSI)

³ Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

PONGAOPEIYU 11:3 Iomraidhean Croise

SHURAI 37:34

Süthaisü Jakob nou levea-a puhvei sabanü sü paiphare alia louhsa baloua teile soli puh nahpoutu donou dopfüe.

2 SAMUEL 3:31

David nou Joab alia puhvei maitaoye lahkuku vei sabanü paipha-a soukousah nou banoulo ae Abner thaiyu vanou dopfükhaio tea kharochi peie. Ae David veo koute Abner vei thaiphao potayu thailaobü hinou koa thaifü tae.

1 VEMAITO 21:27

Elijah nou chi paocheyu thaisü, Ahab nou puhvei sabanü sü paiphawure, ae soukousah nou banou loure, ae puhnou hatou bare, soukousah nou bazüa baire, ae levea nou bure.

2 VEMAITO 19:1

Veo Hezekiah nou ko sükhesü choulou khaie, levea loua nou puhvei sabanü hai paiphawure, ae soukousah nou banou loure ae Mapao vei Rathoki hisü tare.

1 PUOPAOKO 21:16

Raki vanou rakivamai nasü khoche poa Jerusalem souhare donou la-a buyu sü David nou ngaolou khaie, puhnou puhvei peicho maitaoye saloua lousah banao loure ae puletao pei hisü vonai na loure,

NEHEMIAH 9:1

Khouh haina vei khoukha kaidai zhou hai Israel maisou nou vejüloua puletao nou mahmo soukhai touyu donou levea-a hatou moa lüh-a veachi paoe. Puletao hai vakou maitao hinou kupa loure, ae puletao nou leveayu vei sheesoua soukousah nou banou loure alia puletao vei pei vasü vounai posho khailoure. Süthaisü puletao vei mahmo ae puletao vei puopaoh maitao nou mah soukhai touyu khesü mah lare.

JOB VEI LARÜBVÜ 16:15

Esü veasho-a soukou sah nou banoure, pah shiyu mai ali sou-a nai hrohinou da-a hrüe.

LOUTAO 69:11

Enou dopfüa laiyu vei sabanü banoua bukhaie, puletao nou Eye sü konüa baire.

ISAIAH 22:12

Süteithe zhousü Khoukhoulai Mapao nou neletaoye kra-a dopfülo, pei saiwuo ae soukousah banoulo tea paopeie.

JEREMIAH 1:10

Zhukhaio, Enou zhou teithe neye panou teidei ae vemai hrülaiye phaopa laiwure, souhawure ae khilaiwure, soushupei ae soula peire donou buh thoupeiwure.”

DOPFÜYU 2:10

Jerusalem hi tsümaitao hai zei tea nou deiphi hinou bua baire, Puletao vei pei hisü naihü nou bosho loure ae soukousah nou banoua bure. Jerusalem hi loumainahtao hai deiphi hi puletao vei pei sü pfüa nakou bure.

EZEKIEL 4:6

Nenou sünasü bucheyu thai, zhoulova reilo ae teithe raidai hai Judah maitaoye tudee laiyu nasü nenou veaho-a nou bulai. Puletao nou veaho laiyu sü po ali hai teithe ali phasoua nou bulai.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

DANIEL 8:14

Rakivamai nanou ahi paoe, “Teithe thelia kaihlia raingou (1150) bupulai hie, süthai sünou Rathoki nasü ngaozü buyu maitao nou podakhai loulai.”

JOEL 1:13

Oh napao maitaore, soukousah banoulo alia dopfülou khaio, kouli likhaio, rathoyu ki hinou vah soua bumaitao! Rathoki hi veloua nou kheimathe dopfüa bulouo! Daiolouzü poa sheela laiyu thoudzü khesü Ramai vei ki hi hazhi toure.

JONAH 3:5

Nineveh hi hrüa buyu mainou Ramai ye louche loure, südonou puletao mai taidu teitei nou, alia soukousah banou khai touloua, lühlai teanou chi souloue.

JONAH 3:8

Mai alia kikhaorü hrülai nou soukousah banouloua Ramai hinou eihtea veachi paolai alia mai hrülai nou vah ashi ae zhaipou shiyu nasü thouwulai.

MAIPEI PHOUYU 11:26

Süthai-apei mai rainai hinou mai ahai, Eldad ae Medad hai Sahpao hisü velou moa fühao hinou bue. Puhai hisü rako sünou veloure ae puhai hai rachipaola peiyu mai büa raopare.

MATHIU 11:21

“Oh Korazin, neye donou daizhozhou ngaopisa! Oh Bethsaida, neye donou-a daizhozhou ngaopisa! Daiolouzü neletao hinou soukhai touyu khupa vah taosü Tair ea Sidon hinou soure toulouzü, sühi maikhemai taosü dao raikinou puletao le daloure touyu shee soungaore donou lousah ba-a lah puletao pei hi vounai bokhai bulaire!

MATHIU 18:16

Ana puhnou nechi keipei molouzü, chi lapeimai ahai moa asü mü hinou chi veishi sü laloure donou neye koa kukhe ali moa ahaiye salouo.

LUK NOU RÜYU KO AVEIBVÜ 10:13

“Oh Khorazin, neye donou daizhozhou ngaopisa! Oh Bethsaida, neye donou-a daizhozhou ngaopisa! Nehaihi soukhai touyu khupa vah taore Tair ea Sidon hi soungaore toulouzü, sühi maikhemai taosü dao raikinou puletao vei le daloure touyu zhopaoh soure donou puletao pei hi vounai vukhaiwu-a lousah nou ba-a bubu laire!

LUK NOU RÜYU KO AVEIBVÜ 24:48

Neletaowo louzü haitao teiteivei zhopaoh soure maitaoe.

JOHAN 15:27

alia neletao-a Avanou zhopaoh soulai, daiolouzü neletao-a shurai hinou Eye koa bue.

JOHAN 3:27

Johan nou chila peie, “Raki hinou sünasü puh hi peimo louzü maita linou hatalia ngaolou hoe.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 13:31

alia puhye koa Galilee hinou Jerusalem hi takheyu maitao hisü puhnou teithe taoli puh zhu ngaopeie ea chuo puletao nou maikhemai hi puhvei zhopaoh soua bue.

SEI-ATAMAI VAHTAO 2:32

Jisu hainaye sü Ramai nou souhrishu peire, alia Eletao hrülaisü hainavei zhopaoh maitaoe.

SEI-ATAMAI VAHTAO 3:15

Neletao nou Ahripao naye sü southeare, ana Ramai nou puhye sü athai hinou souhrishu loure. Eletao sü sünavei zhopaoh maitaoe.

1 KORINTHMAI 12:28

Alia lüloumaime hisü Ramai nou mai hrülaiye lah lah buh dopei khaitoue: rairaikai hinou sei-atamaitaoe, ahai chena hinou rachipaola maitaoe, asü chena hinou dou-apei maitaoe; süthaisü khupa vah souyu maitaoe, süthaisü sounou souvei peimaitao, maiye soukha peimaitao, süthai-apeimaitao ea süthoyu la paopamaitaoe.

2 KORINTHMAI 13:1

Zhovu Enou neletao hi velaiyu hainanou lüh asü chenare. Sheeyu larübvü nou paoyu büa, “Mah dukhaiyu talihai zhopaohmai ahai moa asü vei chi sünanou laloulai.”

EPHESAMAI 4:11

“Emai hi sapeinatao peiyu” sü puh baie; puhnou kamaiye sü sei-atamai, kamaiye sü rachi paolamai, kukhe maiye sü Ko Avei paodou-apeimai ea kukhe maiyenou zhaokho-apeimai ea dou-apeimai panou souloure donou dowure.

PAODAKHAIYU CHIKHA 17:6

Mai ahai moa mai asü shaki bulai nou puhye sü southalai, ana shakimai hai alikhei bailouzü puhye sü southalai moe.

PAODAKHAIYU CHIKHA 19:15

“Mai ali nou mahmo kaozü moyu soure tea duyu hi mai alikhei vei shaki hinou kaore tea polai moe. Kabüa vepare touyu hai shaki mai ahai moa asü hinou keilai.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 11:2

Ana Rathoki vakou kijütaowo louzü thaowuwo, douso; daiolouzü sütaosü tahrüh kukhe maitaohi thoupeire. Puletao nou Mashee Nuhdu süsü khou raidai ahai phinou taitoulai.

PONGAOPEIYU 11:6

Puhai nou rachi paola payu phaki hi tei panou rüwu more donou rateiye nuloure puhaivei khouko bue, alia puhai nou züpasasü dzütaoye panou zhe dalouyu ea veahoyu taliye panou deiphaoye souvealou süyu puhaivei khouko bue.

PONGAOPEIYU 12:6

Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.

PONGAOPEIYU 13:5

Alia khaosou süna hisü khaophu souyu ea Ramaiye paoshiyu chi paore aetou peire, alia puh hisü khou raidai-a hai paopu soua hrüre zü nasü peire.

PONGAOPEIYU 19:10

Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.