PONGAOPEIYU 11:2 - SHEEYU BAIBEL (BSI)

² Ana Rathoki vakou kijütaowo louzü thaowuwo, douso; daiolouzü sütaosü tahrüh kukhe maitaohi thoupeire. Puletao nou Mashee Nuhdu süsü khou raidai ahai phinou taitoulai.

PONGAOPEIYU 11:2 Iomraidhean Croise

LOUTAO 79:1

Oh Ramai, neye sümoyu tyahrü kukhe maitao nou nevei teidei hisü reih huloure. Puletao nou nevei sheeyu Rathoki nasü souzhai khaiwure ae Jerusalem sü soushi souka nghiwure.

ISAIAH 48:2

Ana neletao hai khaophu soua sheeyu nuhdu hinou hrüyu maitao-e tea paowe, ae Israel maivei Ramai, Khoukhoulai Mapao ye louche-a bue tea paoe.

ISAIAH 5:5

“Enou avei darkha kipei hi dai-e soulai touyu sü neletao hi paongaolai: Enou bokha sü hralaiwulai, ae bouvo sü dakhao laiwulai alia rekhaona panou talou toulou-a deisasa-a bailai.

ISAIAH 52:1

Oh Zion, kaishulo, ae khouchilo! Oh Sheeyu Ramai vei nuhdu, nevei sabanü aveih nasü tulo. Daiolouzü sheemoyu ae vakou mainou nevei robomü hisü taloupu khailai more.

DOPFÜYU 1:10

Ngaobayu maitao nou honapai vei nangi buyu veishi sü poloure. Sheemoyu tyahrü kukhe maiye panou kikha louso tea Mapao nou kharochi peikhai touyu Rathoki hisü puletao nou talouyu hai honapai nou zhingao-e.

EZEKIEL 4:6

Nenou sünasü bucheyu thai, zhoulova reilo ae teithe raidai hai Judah maitaoye tudee laiyu nasü nenou veaho-a nou bulai. Puletao nou veaho laiyu sü po ali hai teithe ali phasoua nou bulai.

EZEKIEL 42:20

Sübüa Rathoki vei fühao hai sha-jha raibüa mitar 250 bukhai toue. Kivo sünou sheeyu natao hai sheemoyu tao hinou soukupa khaiwure.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 7:19

Süthaisü Enou kukhe jünou tyakuyu, ngaopi shoyu hu vei huh pfüyu ae baosahu bahtsü pfüa buyu süna nou nüloua soudesasa peiyu ae shokhai touyu khesü phi nou taicha peiyu soukhao adai chena vanou süpunü loure.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

DANIEL 8:10

Puhnou khouko bukheyu ae dupoa kheyu hai rakiva reihmai koutea reih soulou süre, alia puhnou teivu kamai-a deiphao hi soudekou phinou taicha peie.

DANIEL 8:13

Süthaisü rakivamai ali nou ali hi haibüa paoyu Enou choue, “Zho ngaoa buyu khesü teile kashoa bukoulai hige? Teile kasho koute mei deia posheela laiyu thaosü mahmo soua bulai hiro? Teile kasho koute rakiva reihmaitaoye panou phinou taicha-a ae rathoki nasü panou soushi khaitoua bulai hie?”

DANIEL 8:14

Rakivamai nanou ahi paoe, “Teithe thelia kaihlia raingou (1150) bupulai hie, süthai sünou Rathoki nasü ngaozü buyu maitao nou podakhai loulai.”

MAIPEI PHOUYU 14:34

Reikei poyu maitao nou teithe raidai loua nou teidei nasü sühao poa nou zhuta-e, südonou teithe ali hai po ali soua neletao nou mah souyu donou neletaoye panou po raidai sühao poa nou talai. Neletao nou Eye vamoa khaityayu hai kabüwe touyu sü panou süloulai.

MATHIU 27:53

alia puhnou hrishu louyu thaisü puletao nou khühtao hinou tashuloua sheeyu nuhdu hi taveloua maikhemai alao hi ngaoe.

MATHIU 4:5

Süthaisü Rashina nou Jisu ye sheeyu Nuhdu Jerusalem hi saveloua Rathoki kipei dukhahi sapa khaipeire,

MATHIU 5:13

“Neletao hai deiphao vei taie. Ana tainou puhkhü nahai hawu louzü, kazhaibüa puhye soukhülou khailai? Süsü polaiwu-a emai phinou taitou baiyuwo deinou hatali donoua koyu hare.

LUK NOU RÜYU KO AVEIBVÜ 21:24

Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

PONGAOPEIYU 11:11

Ana teithe asü-a pohli thaisü Ramai hinou ahri ssü nasü puhaihi ve louloua puhaisü lashu loure; alia puhaiye ngaolouyu maikhemai hrülaisü ngaopiso loure.

PONGAOPEIYU 11:3

Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

PONGAOPEIYU 12:6

Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.

PONGAOPEIYU 21:10

Alia rako hinou rakivamai sünanou Eye dushoyu ea kushoyu deichi ali pei hi sapaloua Mashee Jerusalem nuhdu nasü Ramai hinou raki vanou kouyu sü Ahi pongaopeie.

PONGAOPEIYU 21:2

Alia Mashee Nuhdu, ashee Jerusalem nasünou puh chaaye daore donou tutou khaitoua souda cheyu nghirepai sünabüa Ramai hinou rakivanou takouyu sü Enou ngaoe.

PONGAOPEIYU 22:19

Alia maitalinou larübvü hainavei rachi paopayu chipaotao hinou hatali popare toulouzü, Ramai nou larübvü haina hinou paokhai touyu Ahri süübe ea mashee nuhdu hinou puhvei zhasü potawulai.