PONGAOPEIYU 11:18 - SHEEYU BAIBEL (BSI)

¹⁸ Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 11:18 Iomraidhean Croise

LOUTAO 103:11

Daiolouzü ratei hai deiphao jünou kua buyu bütoua puhye tsükhoua buyu maitao hisü puhvei lesha hai dushoa bue.

LOUTAO 110:5

Mapao hai ne bah zhoulova nou bue; puhnou lekha payu teithe zhousü, puhnou veo maitaoye sü souka sounghi khaiwulai.

LOUTAO 147:11

ana puhnou savayu hai puhye tsükhoua buyu maitaoye donoue, ae puhvei tobai soumoa leshiyu nahai louche-a buyu maitaoye donoue.

LOUTAO 2:5

Süthaisü puhnou raroushoa puletaoye tukha peie, ae lekha shoa puletaoye pi-a paoe,

LOUTAO 85:9

Cheche vujünou puhye tsükhoua buyu maitaoye sü puhnou khailu peilai, ae puhvei khouko ava nasü teisa nou Etao vei teidei hisü bupeilai.

KOPAODOUWO 12:13

Haina vei akhai soua; teitei sü chouloure. Ramai ye ngaopilo, alia puhvei kharochi zülo; daiolouzü haina hai mai hrülai nou souzüyu vah-e.

KOPAODOUWO 8:12

Mah mai alinou vu kaili ashi soua puh hrü hai hrüshoa bue, ana Enou süwe Ramai ye piyu mai donou zouvei-a bailai, daiolouzü puhtao sü puh nghoujü hinou pi-a buwe.

DANIEL 11:44

Süthaisü teinghi palova nou ae reilo vanou ko sü chouloua puh sü ngaopi talai, ae puhnou rarou sholoua reih sü soulai ae maitaoli ye southawulai.

DANIEL 7:26

Süthaisü rakiva chikuyu buh hinou puh pei hisü chikulai, alia puhvei khouko sü puh hinou polaiwulai alia puhye sü souhakhai touwulai.

DANIEL 8:25

Puhvei tsüdo ashi sünou poa vah taoli souloulai, ae puh sü la puhye mai kukhe jünou veipu hie tea polai. Puhnou mai taoliye mah lia ha-a souhawulai, alia vemai peinou buyu Veoye sü hraitalai, ana puhye sü deiphao mai vei khouko noumoa souhawu bailai.

MATHIU 5:12

Va-salo, daiolouzü neletao vei buusü raki hinou dusho-a bue, daiolouzü süzhai bütoua neletao jünou rai-a hrüyu rachi paolamai taoye maikhe mainou souvea-souho peie.

LUK NOU RÜYU KO AVEIBVÜ 1:50

Alia puhvei zhuveahai maikha-kha hinou puhye piyu maitaohi bue.

EBRIAMAI 9:27

Emai hrülaisü vuhli thaivu zülai, alia süthaisü chikuyu süvelai.

PONGAOPEIYU 10:7

Ana rakivamai anai chenanou puh be houngyu teithe kisü Ramai nou puhvei kilai rachi paolamaitao hi paosü peiyu kua puhnou khei-a soudakhai touyu nasü souvetewulai.”

PONGAOPEIYU 11:2

Ana Rathoki vakou kijütaowo louzü thaowuwo, douso; daiolouzü sütaosü tahrüh kukhe maitaohi thoupeire. Puletao nou Mashee Nuhdu süsü khou raidai ahai phinou taitoulai.

PONGAOPEIYU 13:10

Maitaliye niloure bue toulouzü veimosoua puhye niloulai; maitaliye khochenou daotheare bue toulouzü veimosoua khochenou daothealai. Haihisü sheeyu maitao vei shameayu ea lü bue.”

PONGAOPEIYU 13:16

Khaosou sünanou maikhemai taidu, hani-haha, qila ea dosouyu maitao hrülai vahi süolouzü puletao vei bah zhoulo moa puletao puhi shee ali nutsüloua soupeie.

PONGAOPEIYU 14:10

puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 15:1

Süthaisü kukhe dushoyu ea khupa shoyu sheeli süolouzü veahoyu anai poa buyu rakivamai anaitaoye sü rakivanou Enou ngaoe. Sütaosü veahoyu akhai taoe, daiolouzü sütaosü akhaisoua Ramai rarouyu pongaoyu taoe.

PONGAOPEIYU 15:7

Sükisü hrikhaona adai hrohinou alinou teisa nou hria buyu Ramai vei rarou nou phoutsü poa buyu sana pai anaitao sü popa rakivamai anaitao hi peie.

PONGAOPEIYU 18:6

Puhnou peiyu kua puh hisü peikhaio; alia puhnou souyu vahtao thaifüa puh hisü zha ahai koua paorü peikhaio. Puhnou neletaoye donou lathou chohpeiyu pai süna hinou puhye donou zha ahai chihkoua lathou chopeikhaio.

PONGAOPEIYU 19:15

Puhmü hinou haivei shoyu khocheli pawe ea sünanou poa puhnou tahrüh khemaitaoye sü koloulai. Puhnou puletaoye sü hu sü danou poa tukha-sahrülai, alia puhnou khoukhoulai Ramai vei rarou shoyu darkhadzü sühyu buh sü tailai.

PONGAOPEIYU 19:18

Tavelo ea vemaitao vei vasou, reihmai peichamai ea reihmaitao vei vasou, rheitao ea sütao vahi buyu maitao vei vasou, mado soua hrüyumai ea qila maitao vei vasou ea maikhemai taidu hrülaivei vasousü ve touloukhaio!”

PONGAOPEIYU 19:5

Sükisü vebuh süna hinou pai alinou haibüa shapae, “He Ramaiye pi-a hrüyu maikhemai tai-du ea puh kilai khemai hrülai, Eletao vei Ramaiye sholo!”

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 22:12

Alia Jisu nou paoe, “Zhukhaio, Esü thala-a laire! Enou Avei buusü maikhemai hrülai hi lah lahnou souyu thaifüa peire donou Eye koa povewe.