PONGAOPEIYU 11:17 - SHEEYU BAIBEL (BSI)

¹⁷ haibüa paoe: “Chuchu buyu ea raikinou buyu khoukhoulai Ramai Mapao! Ehnou neye kalo paowe, süolouzü nenou nevei khouko adu nasü poloua veo soushu loure!

PONGAOPEIYU 11:17 Iomraidhean Croise

SHURAI 17:1

Abram nou po raiküakü payu phaki, Mapao nou puh hi zhu ngaopeia puh hisü paoe, “E hai Khoukhoulai Ramai nasüe. Achi zülo alia teisa nou kaozü nasü soulo.

LOUTAO 21:13

Mapaowo, Etao nou nevei khouko aduso nasü paoshowe! Nevei khouko sü Etao nou lou sousholai.

LOUTAO 57:11

Oh Ramai, nevei aduso sü ratei hinou paongao peikhaio, ae nevei kathe nasü deiphao hi ngaopei khaio.

ISAIAH 52:10

Mapao nou puhvei sheeyu bah sü thaipalai, puhnou puhvei maitaoye sü khailu peilai ae süsü deiphao mai hrülai nou zhingaolai.

DANIEL 2:23

Enou neye khuhao-a kalo paowe, Oh E paipao vei Ramai; daiolouzü nenou Eye ratsü ae pfüchi sü peie, alia Etao nou veachi pao-a khoyu nasü ahi süngao peie, daiolouzü nenou ahi veo nou sülou nüyu nasü süngao peiwure.”

DANIEL 6:10

Veo nou chikha nasü ae-ao souloua sheesao nopeiwure touyu Daniel nou süa bulikhei, puhnou teithetsü puh ki hi veloua puhvei kide areina hinou buyu vabome, Jerusalem hilova reipoa buyu hinou khoukhüloua teitheli hinou bakha asü Ramai hi veachi paoe alia puhye paoshowe.

MATHIU 11:25

Teile süpha hinou Jisu nou paoe, “Oh Apuo, raki ea deiphao Mapao! Enou neye kalo paowe daiolouzü nenou tsü veimai ea hasümai nghojünou pokukhai touyu sü nahtumai taohi pongao peire.

LUK NOU RÜYU KO AVEIBVÜ 10:21

Teile süphabü hinou Jisu nou Rako Mashi hinou le sasholoua paoe, “Apuo, raki ea deiphao Mapao! Enou neye kalo paowe, süolouzü nenou tsü veimai ea hasümai nghojünou pokukhai touyu sü nahtumai taohi pongao peire; ovai, Apuo, haibüyu hai nevei züpa nabaie.

JOHAN 11:41

Südonou puletao nou chuh nasü povaire. Alia Jisu nou pah pfülaloua paoe, “Apuo, nenou Akho keipeiyu donou, Enou ne kalo paowe.

2 KORINTHMAI 2:14

Ana Ramaiye kalo paowe! Daiolouzü Khristaye koa ali soulouyu hinou Ramai nou Eletaoye sü teisanou kolouyu hi süthai salaipeie, alia Eletao vanou Khristaye sülouyu tsü navei kai nüvei nasü buh likihi panou vurao tawe.

2 KORINTHMAI 9:15

Paoshalou hoyu puhvei sapeina donou Ramaiye kalo paowe.

1 TIMOTHI 1:12

Avah haina donou Ahi khouko peikhai touyu Eletao Mapao Jisu Khristaye Enou kalo paowe, daiolouzü puhnou Eye nou puhvei kuvah souzüe tea chopeia,

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 16:5

Sühinou dzütao pei hi khoyu rakivamai sünanou haibüa paoyu sü Enou choue, Oh Chuchu buyu ea raikinou buyu masheeo, nenou chiku kouyu haitao sü kaozüe!

PONGAOPEIYU 16:7

Sühinou sheelabuh hinou pai alinou haibüa paoyu sü Enou choue, “Ovai Khoukhoulai Ramai Mapao nevei chikuyu taosü chechewe ea kaozüe!”

PONGAOPEIYU 18:8

Südonou puhvei veahoyu, süolouzü sounou, dopfüyu ea tokaayu sü teithe alikhei hinou puh hi velai; Alia puhye sü meinou deiwulai; daiolouzü puhye chikuyu Ramai Mapaowosü khou-chihwe.”

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 19:6

Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!