PONGAOPEIYU 10:4 - SHEEYU BAIBEL (BSI)

⁴ Alia teisüyuvei pai sütaonou chi paocheyu thaibü hisü Esü rüthoulai tea bure, ana raki hinou pai alinou haibüa paoyu sü Enou choue, “Teisüyu anaitao nou paoyu sü khei-a khailou baio; alia süsü rüthouwuso!”

PONGAOPEIYU 10:4 Iomraidhean Croise

ISAIAH 29:11

Zho hinou ngaoyu teitei sü neletaoye donou sheesaoka khaitouyu larübüa ali büa bailai. Hai nasü neletao nou larü phoulou süyu mai ali hi pove phoungao khaio tea paoyu phaki, puhnou hainasü phoulou shi-e, daiolouzü hainasü sheesaoka khaiwure tea pao-a bulai.

ISAIAH 8:1

Süthaisü Mapao nou ahi paoe, “Larücha rüthou khaire donou chuh ali polo ae süva hisü chadu tyanou haibüa rüthoulo, ‘Ma-her-Shal-al-hash-baz’ (thashoa shaolouyu, ae thashoa potayu).

ISAIAH 8:16

Avei rozümaitao Ramai nou ahi paopeilai touyu chitao soutaosou pokhai toulo,

DANIEL 12:4

“Ana Daniel, akhai teile hi koute larübvü nasü hokhaiwuo alia sheesao khaio. Mai alaosou akhai teithe hisü hasüpu loure donou takou takhea phoulai.”

DANIEL 12:9

Puhnou ahi chila peie, “Daniel, ne tabaio, daiolouzü chipao haitao hai akhai teile hi koute kheia nou khailai.

DANIEL 8:26

Teithe teithe vei posheelayu vanou ngaoyu zho nasü cheche-a vepalai, ana zho ngaokhai toua buyu nasü kheia poku khailo, daiolouzü hai nahai vepare teile taoli buhie.”

PAODAKHAIYU CHIKHA 29:29

“Sümore donou kheikhei soua khaitouyu taohai Etao Ramai Mapao veie, ana puhnou Chikha hinou popa süngao peikhai touyu taohai züloure donou teisa Etao nou alia Etao nahmaitao nou telai.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:19

Südonou nenou ngaolouyu, süolouzü chuchu pa-a buyu ea thaikhaihi palaiyu sütaosü rükhaio.

PONGAOPEIYU 10:8

Süthaisü Enou raki hinou choulouyu pai sünanou Ahi ve paopu peikhaia haibüa paoe, “Ne taloua zai ea deithe hinou la-a buyu rakivamai süna bah hinou buyu hakhai touyu larübvü sünasü poloukhaio.”

PONGAOPEIYU 22:10

Alia puhnou Ahi paoe, “Larübvü haina hinou rachi paopakhai touyu chipaotaosü khei-a pokhaiwuso, daiolouzü haitao teitei palaiyu teilesü ngheiteire.